କଟକ : ଆଜି ମଣ୍ଡପରେ ମା' ଦୁର୍ଗତିନାଶିନୀ ଦୁର୍ଗାଙ୍କର ମହାନବମୀ ପୂଜା । ଏହି ଅବସରରେ ରୌପ୍ୟନଗରୀ କଟକର ବିଭିନ୍ନ ପୂଜା ମଣ୍ଡପ ବୁଲୁଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ମୁଖ୍ୟମନ୍ତ୍ରୀ ପ୍ରତାପନଗରୀ ପୂଜା ମଣ୍ଡପରୁ ମା'ଙ୍କ ଦର୍ଶନ ଆରମ୍ଭ କରିଥିଲେ । ସୁନା ଚାନ୍ଦି ମେଢ଼ରେ ସୁସଜ୍ଜିତ ହୋଇଥିବା ମା'ଙ୍କୁ ଦର୍ଶନ କରି ଆଶିଷ ଲାଭ କରିଥିଲେ । ମୁଖ୍ୟମନ୍ତ୍ରୀ ପ୍ରତାପନଗରୀ, ବାଲିକୁଦା, ଗୋପାଳପୁର ଏବଂ କଲେଜ ଛକ ପୂଜା ମଣ୍ଡପ ବୁଲିଥିବାବେଳେ ଅନ୍ୟ ପୂଜା ମଣ୍ଡପ ବୁଲିବାର କାର୍ଯ୍ୟକ୍ରମ ରହିଛି ବୋଲି ସୂଚନା ମିଳିଛି ।

ମୁଖ୍ୟମନ୍ତ୍ରୀ ମଣ୍ଡପ ବୁଲିବା ସମୟରେ ବହୁ ଲୋକଙ୍କ ସହିତ କଥା ହୋଇଥିଲେ । ମୁଖ୍ୟମନ୍ତ୍ରୀ ମଣ୍ଡପ ବୁଲିବା ସମୟରେ ଖୁସି ଥିବାବେଳେ ମୁଖ୍ୟମନ୍ତ୍ରୀଙ୍କୁ ଭେଟି ମଣ୍ଡପରେ ଉପସ୍ଥିତ ଥିବା ଲୋକ ମଧ୍ୟ ଆନନ୍ଦ ଓ ଖୁସି ହୋଇଥିଲେ । ସମସ୍ତେ ମୁଖ୍ୟମନ୍ତ୍ରୀଙ୍କୁ ପାଛୋଟି ନେଇଥିଲେ । ମୁଖ୍ୟମନ୍ତ୍ରୀ ମା' ଦଶଭୁଜାଙ୍କୁ ଦର୍ଶନ କରି ଆଶିଷ ଲାଭ କରିଥିଲେ ।