ଆଜି ସୁନ୍ଦରଗଡ଼ ଜିଲ୍ଲା ଲହୁଣିପଡ଼ା ଥାନା ଅଂଚଳର ଗମ୍‌ଲେଇ ସାପ୍ତାହିକ ହାଟରେ ଏକ ଦୁର୍ଘଟଣା ଘଟିଛି । ଦୁର୍ଘଟଣାରେ ଜଣେ ପରିବା ବ୍ୟବସାୟୀଙ୍କ ଉପରେ କାର୍ ମାଡିଯାଇଛି । ଯାହାଫଳରେ ବ୍ୟବସାୟୀଙ୍କର ମୃତ୍ୟୁ ହୋଇଛି  । ମୃତ ଯୁବକ ଜଣକ ରାଉରକେଲାର ପ୍ରଦୀପ ନାୟକ ବୋଲି ଜଣାପଡିଛି । 

ସୂଚନା ଅନୁସାରେ, ଗମ୍‌ଲେଇ ସାପ୍ତାହିକ ହାଟରେ ହାଟ ଚାଲିଥିବାବେଳେ ପ୍ରଦୀପ ନାୟକ ପରିବା ବିକ୍ରି କରିବା ପାଇଁ ପରିବା ରଖୁଥିବାବେଳେ ଗୋଟେ କାର ବହୁ ଜୋରରେ ଆସି ତାଙ୍କୁ ଧକ୍କା ଦେଇ  ମାଡ଼ି ଯାଇଥିଲା । ସ୍ଥାନୀୟ ଲୋକ, ତୁରନ୍ତ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି । ଦୁର୍ଘଟଣା ଘଟିବା ପରେ ଘଟଣାସ୍ଥଳରୁ କାର୍‌ ଚାଳକ ଗାଡ଼ି ନେଇ ଚମ୍ପଟ ମାରିଛି । ପୋଲିସ କାର୍‌ ଚାଳକକୁ ଧରିବା ପାଇଁ ତଦନ୍ତ କରୁଛି ।