କଟକରୁ ପୁଣି ଏକ ନକଲି ଘିଅ ଜବତ। କଟକ ଜଗତପୁର ଶିଳ୍ପାଞ୍ଚଳ ରେ ଅପମିଶିତ୍ର ଘିଅ କାରଖାନା ଉପରେ ପୋଲିସ ଚଢ଼ାଉ କରି ବହୁ ପରିମାଣରେ ଘିଅ ଜବତ କରିଛି। 

ସୂଚନା ଅନୁଯାୟୀ  ଦୀର୍ଘ ଏକ ବର୍ଷ ଧରି ଏଠାରେ ଏହି ଭଳି କାମ ଚାଲିଥିବା ଜଗତପୁର ଥାନା ପୋଲିସ ପ୍ରାଥମିକ ଯାଞ୍ଚ ରୁ ଜାଣି ପାରିଛି । ରେଡ୍ ବେଳେ ଏଠାରେ କାମ କରୁଥିବା ୫ ଜଣଙ୍କୁ ପୋଲିସ ଅଟକ ରଖି ଏଠାରେ ଚାଲିଥିବା କାମ ବିଷୟରେ ଅଧିକ ତଦନ୍ତ କରିଛି। ଚଢାଉ ବେଳେ ଏଠାରୁ ମିଳିଥିବା ଲୋଗୋ ,ପ୍ୟାକିଂ ଆଇଟମ ,ମେସିନ ସବୁ କୁ ପୋଲିସ ଜବତ କରି କମ୍ପାନୀ ସିଲ୍ କରି ମାମଲା କରି ଘଟଣାର ତଦନ୍ତ ହେବ ବୋଲି  କମିଶନରେଟ ଏସ ସି ପି ଅରୁଣ ସ୍ବାଇଁ କହିଛନ୍ତି । ପ୍ରାରମ୍ଭିକ ଯାଞ୍ଚ ରୁ  ଏହା ଅପମିଶ୍ରିତ ଘିଅ ଯାହା ସ୍ବାସ୍ଥ୍ୟ ଉପଯୋଗୀ ନୁହେଁ ତେଣୁ ଆବଶ୍ୟକ ମୁତାବକ ଯାଞ୍ଚ କରାଯାଇ ପଦକ୍ଷେପ ନିଆଯିବ ବୋଲି କଟକ ମହାନଗର ନିଗମ ସ୍ବାସ୍ଥ୍ୟ ଅଧିକାରୀ ଡାକ୍ତର ସତ୍ୟବ୍ରତ ମହାପାତ୍ର କହିଛନ୍ତି ।