ମୟୂରଭଞ୍ଜ: ବସ ଓ ମଟର ସାଇକେଲ ମଧ୍ୟରେ ମୁହାଁମୁହିଁ  ଧକ୍କା ହୋଇଛି । ଦୁର୍ଘଟଣାରେ ଜଣଙ୍କର ମୃତ୍ୟୁ ହେବା ସହିତ ଦୁଇ ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । 

ସୂଚନା ଅନୁସାରେ, ମୟୁରଭଞ୍ଜ ଜିଲ୍ଲାର ଦ୍ବରାଶୁଣି ଘାଟିରୁ ବାଙ୍ଗିରିପୋଷି ବସ ଷ୍ଟାଣ୍ଡ ଅଭିମୁଖେ ଆସୁଥିବା ବେଳେ ଭୁଲ ରାସ୍ତାରେ ସଟକଟ ହେଲା କାଳ। ବାଙ୍ଗିରିପୋଷି କଲିକତା ଛକ ନିକଟରେ ବସ ଓ ମଟର ସାଇକେଲ  ମୁହାଁମୁହିଁ  ଧକ୍କା ହୋଇଛି । ଘରୋଇ ବସ ଯଶୋଦା ସହିତ ସାମ୍ନା ପଟୁ ଆସୁଥିବା ମଟର ସାଇକେଲଟି ଧକ୍କା ହୋଇଥିଲା। ଫଳରେ ବାଇକ୍ ରେ ଥିବା ତିନି ଜଣ ମଧ୍ୟରୁ ଚାଳକ ମୃତ ହୋଇଥିବା ବେଳେ ଦୁଇ ଗୁରୁତର ହୋଇଛନ୍ତି । ମୃତକ ପଥରଖମ୍ ଅଞ୍ଚଳର ଯୁବକ ବୋଲି ଜଣାପଡିଛି । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଛି । ଲୋକମାନେ 49 ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି । ଫଳରେ ଯାତାୟାତ ମଧ୍ୟ ବାଧାପ୍ରାପ୍ତ ହେଉଛି ।