ଜୟପୁର: କୋରାପୁଟ ଜିଲ୍ଲା ଜୟପୁର ପାତ୍ରପୁଟ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ଏକ ଟ୍ରକ ବାଇକ ଉପରେ ମାଡ଼ି ଯିବାରୁ ୪ ଜଣ ବାଇକ ଆରୋହୀଙ୍କର ଘଟଣା ସ୍ଥଳରେ ମୃତ୍ୟୁ ହୋଇଯାଇଛି । ଗୋଟିଏ ପରିବାରର ବାପା, ପୁଅ ଏବଂ ପୁତୁରାଥିବାବେଳେ ଜଣେ ପଡ଼ୋଶୀ ରହିଛନ୍ତି । ମୃତକମାନେ ହେଲେ ବୈପାରିଗୁଡ଼ା ବ୍ଲକ  ବିଚଲକଟା କଲୋନୀର ଧୋବା ପରଜା, ଘାସି ପରଜା, ନକିଆ ପରଜା ଓ ବୁଟି ପରଜା । 

ମିଳିଥିବା ପ୍ରାଥମିକ ସୂଚନା ମୁତାବକ, ଶୁକ୍ରବାର ସକାଳେ ବିଚଲକଟା କଲୋନୀର ଧୋବା ପରଜା, ଘାସି ପରଜା, ନକିଆ ପରଜା ଓ ବୁଟି ପରଜା ଗୋଟିଏ ବାଇକରେ କାମ କରିବାକୁ ବାହାରିଥିଲେ । ସଦର ଥାନା ୨୬ ନମ୍ବର ଜାତୀୟ ରାଜପଥ ଜବାକନାଡ଼ି ନିକଟରେ ଏକ ୧୨ ଚକିଆ ଟ୍ରକ୍ ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ୩ ଜଣ ବାଇକ ଆରୋହୀଙ୍କର ମୃତ୍ୟୁ ହୋଇଥିଲା । ଏହା ସହିତ ଜଣେ ଗୁରୁତର ଥିଲେ । ତାଙ୍କୁ ତୁରନ୍ତ ଉଦ୍ଧାର କରାଯାଇ ଜୟପୁର ମେଡ଼ିକାଲରେ ଭର୍ତ୍ତି କରାଯାଇଥିଲା । ମାତ୍ର ତାଙ୍କର ମଧ୍ୟ ମୃତ୍ୟୁ ହୋଇଥିଲା । 

ତେବେ ଗୋଟିଏ ଦିନର ମର୍ମନ୍ତୁଦ ସଡ଼କ ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।

ଖବର ପାଇ ସଦର ଥାନା ପୁଲିସ ଘଟଣା ସ୍ଥଳରେ ପହଁଚିଛି । କେଉଁ କାରଣରୁ ଦୁର୍ଘଟଣା ଘଟିଛି ଜଣା ପଡ଼ି ନ ଥିବାବେଳେ ଘନ କୁହୁଡ଼ି ଯୋଗୁଁ ଏଭଳି ହୋଇଥିବା ଅନୁମାନ କରାଯାଉଛି । ତେବେ ଟ୍ରକ ଡ୍ରାଇଭର ଥାନା ଆତ୍ମସମର୍ପଣ କରିଥିବା ଜଣାପଡ଼ିଛି । ପୁଲିସ ଟ୍ରକକୁ ଅଟକ ରଖି ତଦନ୍ତ ଆରମ୍ଭ କରିଛି ।