ଆଜି ସନ୍ଧ୍ୟାରେ ଲକ୍ଷ୍ନୌର ଭାରତ ରତ୍ନ ଶ୍ରୀ ଅଟଳ ବିହାରୀ ବାଜପେୟୀ ଏକନ୍ନା କ୍ରିକେଟ ଷ୍ଟାଡିୟମରେ ଟେବୁଲ ଟପ୍ପର ରାଜସ୍ଥାନକୁ ଭେଟିବ ଲକ୍ଷ୍ନୌ ସୁପର ଜାଏଣ୍ଟସ। ଚଳିତ ଆଇପିଏଲର ୪୪ ତମ ମ୍ୟାଚରେ ରାଜସ୍ଥାନ ରୟାଲ୍ସ ଏବଂ ଲକ୍ଷ୍ନୌ ସୁପର ଜାଏଣ୍ଟସ ମଧ୍ୟରେ କଡା ଟକ୍କର ଦେଖିବାକୁ ମିଳିବ । ରାଜସ୍ଥାନ ରୟାଲ୍ସ ୮ ଟି ମ୍ୟାଚ ଖେଳି ୭ ଟି ମ୍ୟାଚରେ ବିଜୟ ହାସଲ କରି ପଏଣ୍ଟସ ଟେବୁଲର ଶୀର୍ଷରେ ରହିଛି । ସେହିପରି ଲକ୍ଷ୍ନୌ ସୁପର ଜାଏଣ୍ଟସ ୮ ଟି ମ୍ୟାଚରେ ୫ ଟି ବିଜୟ ସହ ପଏଣ୍ଟସ ଟେବୁଲର ଚତୁର୍ଥ ସ୍ଥାନରେ ରହିଛି । ତେବେ ଦୁଇ ଦଳ ପୂର୍ବରୁ ୪ ଥର ମୁହାଁମୁହିଁ ହୋଇଥିବାବେଳେ ରାଜସ୍ଥାନ ୩ ଥର ଓ ଲକ୍ଷ୍ନୌ ଥରେ ବିଜୟ ହାସଲ କରିଛି । 

ଲକ୍ଷ୍ନୌର ଦ୍ରୁତ ବୋଲର ମୟଙ୍କ ଯାଦବ ଫିଟ୍ ଥିବା ନଜର ଆସିଥିବାବେଳେ ଆଜି ସନ୍ଧ୍ୟାରେ ଦଳକୁ ଫେରିବାର ଆଶା ରହିଛି । ଲକ୍ଷ୍ନୌ ପାଇଁ ମୟଙ୍କ ୩ ଟି ମ୍ୟାଚ ଖେଳିଥିବାବେଳେ ୬ ଟି ୱିକେଟ୍ ନେଇଛନ୍ତି । ଏହା ସହ ପଞ୍ଜାବ କିଙ୍ଗ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ୩ ଟି ଲେଖାଏଁ ୱିକେଟ୍ ନେଇ ଦୁଇଟି ମ୍ୟାଚର ଶ୍ରେଷ୍ଠ ଖେଳାଳି ରୂପେ ବିବେଚିତ ହୋଇଛନ୍ତି । ଅନ୍ୟପକ୍ଷରେ ରାଜସ୍ଥାନର ସବୁ ଖେଳାଳି ସୁସ୍ଥ ଥିବାବେଳେ ରାଜସ୍ଥାନ ଭଲ ଫର୍ମରେ ନଜର ଆସୁଛି । ତେବେ ଆଜି ସନ୍ଧ୍ୟାର ମ୍ୟାଚ ୭.୩୦ ରେ ଆରମ୍ଭ ହେବ ଏବଂ ୭ ଟା ରେ ଟସ୍ ହେବ ।

ଅଧିକ ପଢନ୍ତୁ : ମୁମ୍ବାଇ ଇଣ୍ଡିଆନ୍ସ ଠାରୁ ପ୍ରତିଶୋଧ ନେବ ଦିଲ୍ଲୀ କ୍ୟାପିଟାଲ୍ସ !