ଆଜି ଭାରତ ଓ ଆଫଗାନିସ୍ତାନ ଦ୍ଵିତୀୟ ଟି-୨୦ ହୋଲକର କ୍ରିକେଟ ଷ୍ଟାଡିୟମ ଇନ୍ଦୋରରେ ଖେଳାଯିବ । ପ୍ରଥମ ମ୍ୟାଚରେ ଦଳରେ ଅନୁପସ୍ଥିତ ଥିବା ବିରାଟ କୋହଲି ଆଜି ପଡିଆକୁ ଓହ୍ଲାଇବେ । ଭାରତର ଷ୍ଟାର ବ୍ୟାଟ୍ସମ୍ୟାନ ରୋହିତ ଶର୍ମା ଏବଂ ବିରାଟ କୋହଲିଙ୍କ ପାଇଁ ଏହି ଟି-୨୦ ସିରିଜ ବେଶ ଗୁରୁତ୍ୱପୂର୍ଣ୍ଣ । ପ୍ରଥମ ମ୍ୟାଚରେ ଅନୁପସ୍ଥିତ ଥିବାରୁ ଆଜିର ମ୍ୟାଚରେ ବିରାଟ ଭଲ ପ୍ରଦର୍ଶନ କରି ଟିମକୁ ଜିତାଇବାକୁ ଚେଷ୍ଟା କରିବେ ଏବଂ ପ୍ରଥମ ମ୍ୟାଚରେ କୌଣସି ରନ ନକରି ରନ ଆଉଟ ହୋଇଥିବା ରୋହିତ ଶର୍ମା ମଧ୍ୟ ଲକ୍ଷ୳ ହାସଲ କରିବାକୁ ଚେଷ୍ଟା କରିବେ । ଆଜିର ମ୍ୟାଚ ଜିତି ସିରିଜ ଜିତିବାକୁ ଲକ୍ଷ୳ ରଖିବ ଭାରତୀୟ ଦଳ । କ୍ରୀଡା ସମୀକ୍ଷକ ଏବଂ ପୂର୍ବ ରେକର୍ଡ ଅନୁଯାୟୀ ହୋଲକର ଷ୍ଟାଡିୟମରେ ବଡ ରନ ହୋଇଥାଏ । ତେଣୁ ଆଜିର ମ୍ୟାଚ ବେଶ ରୋମାଞ୍ଚକର ହେବ ବୋଲି ଆଶା କରାଯାଉଛି । ଆଜି ଭାରତୀୟ ଦଳରେ ସାମାନ୍ୟ ପରିବର୍ତ୍ତନ ହେବ ବୋଲି ଆଶା କରାଯାଉଛି । ବିରାଟ କୋହଲି ଦଳକୁ ଫେରିଥିବାରୁ ଏବଂ ୟଶସ୍ଵୀ ଜେସୱାଲ ସୁସ୍ଥ ଥିବାରୁ ଦଳରେ ସାମାନ୍ୟ ପରିବର୍ତ୍ତନ ହୋଇପାରେ ।

ଅଧିକ ପଢ଼ନ୍ତୁ : କୋଚଙ୍କ ଜନ୍ମ ଦିନରେ ଉପହାର ହେଲେ ଭାରତୀୟ ଖେଳାଳି