ଖବର ଓଡ଼ିଶା: ଏଣିକି ଓଡ଼ିଶା ପାଇଁ ଆଉ ଖେଳିବେନି କ୍ରିକେଟର୍ ଶୁଭ୍ରାଂଶୁ ସେନାପତି । ମଧ୍ୟ ପ୍ରଦେଶ ପାଇଁ ଖେଳିବେ ଓଡ଼ିଆ କ୍ରିକେଟର୍ ଶୁଭ୍ରାଂଶୁ ସେନାପତି । ଓଡ଼ିଶା କ୍ରିକେଟ ଆସୋସିଏସନ୍ ଶୁଭ୍ରାଂଶୁଙ୍କୁ ଏନଓସି ପ୍ରଦାନ କରିଛି । ଶୁଭ୍ରାଂଶୁ ଓସିଏ ନିକଟରେ ଏନଓସି ପାଇଁ ଆବେଦନ କରିଥିବା ବେଳେ ଓସିଏ ଶୁଭ୍ରାଂଶୁଙ୍କ ଏନଓସିକୁ ଗ୍ରହଣ କରିଛି । ଏ ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଶୁଭ୍ରାଂଶୁ ।
ଶୁଭ୍ରାଂଶୁ ଓଡିଶା କ୍ରିକେଟର ଜଣେ ଉଦିୟମାନ ଖେଳାଳି । ସେ ଓଡିଶା କ୍ରିକେଟ ଛାଡିବା ପରେ ମଧ୍ୟ ପ୍ରଦେଶ ପାଇଁ ଖେଳିବେ । ତେବେ ଏହା ତାଙ୍କର ବ୍ୟକ୍ତିଗତ ନିଷ୍ପତ୍ତି ବୋଲି କହିଛନ୍ତି । ମଧ୍ୟ ପ୍ରଦେଶ କ୍ରିକେଟ କୋଚ ଚନ୍ଦ୍ରକାନ୍ତ ପଣ୍ଡିତ ତାଙ୍କୁ ଯୋଗାଯୋଗ କରିଥିଲେ । ଶୁଭ୍ରାଂଶୁ ଓସିଏ ନିକଟରେ ଏନଓସି ପାଇଁ ଆବେଦନ କରିଥିବା ବେଳେ ଓସିଏ ଶୁଭ୍ରାଂଶୁଙ୍କ ଏନଓସିକୁ ଗ୍ରହଣ କରିଛି । ଏଥିପାଇଁ ଓସିଏକୁ ସେ ଧନ୍ୟବାଦ ଜଣାଛନ୍ତି । ଓସିଏରେ କିଛି ଅଭାବ ତ୍ରୁଟି ନାହିଁ , ସମସ୍ତେ ଏଠି ଖେଳି ଆଗକୁ ଯାଇ ପାରିବେ ବୋଲି ଶୁଭ୍ରାଂଶୁ କହିଛନ୍ତି ।
ଅନ୍ୟପଟେ ଶୁଭ୍ରାଂଶୁ ସେନାପତି ଓଡିଶା କ୍ରିକେଟ ଛାଡିବା ନେଇ ଓସିଏ ସମ୍ପାଦକ ସଞ୍ଜୟ ବେହେରା ପତିକ୍ରିୟା ରଖିଛନ୍ତି । ସମ୍ପାଦକ କହିଛନ୍ତି ଶୁଭ୍ରାଂଶୁ ସେନାପତି ରାଜ୍ୟର ଗୋଟେ ଆସେଟ । ଓସିଏ ପକ୍ଷରୁ ତାଙ୍କୁ ସବୁବେଳେ ସପୋର୍ଟ ଯୋଗାଇ ଦିଆଯାଇଛି । ଚନ୍ଦ୍ରକାନ୍ତ ପଣ୍ଡିତ ମଧ୍ୟପ୍ରଦେଶ ଓ ଏକ IPL ଟିମର କୋଚ ଅଛନ୍ତି । ଯଦି ଚନ୍ଦ୍ରକାନ୍ତ ପଣ୍ଡିତଙ୍କ ମାଧ୍ୟମରେ ଶୁଭ୍ରାଂଶୁଙ୍କ କ୍ୟାରିୟର ହେଇ ପାରିବ ତାହାଲେ ଆମେ ଖୁସି ହେବୁ । ଓସିଏ ସବୁବେଳେ ଖେଳାଳିଙ୍କ ସାଙ୍ଗରେ ଥାଏ । ବାହାର ରାଜ୍ୟର ଖେଳାଳି ଓଡ଼ିଶା ରେ ଖେଳିବା ପାଇଁ ଓସିଏକୁ ମଧ୍ୟ ଅନୁରୋଧ କରିଛନ୍ତି । କିନ୍ତୁ ଓସିଏ ଓଡ଼ିଶାର ଖେଳାଳିଙ୍କୁ ଖେଳିବାର ସୁଯୋଗ ଦେଇଛି। ଶୁଭ୍ରାଂଶୁ ଙ୍କୁ ଅଧିନାୟକ ପଦ ଦିଆଯାଇଥିଲା । ବିସିସିଆଇ ପକ୍ଷରୁ ଏଭଳି ସିଷ୍ଟମ ରହିଛି । ଖେଳାଳି ନିଜ ରାଜ୍ୟ ପାଇଁ ଖେଳି ପାରିବ ଓ ଅନ୍ୟ ରାଜ୍ୟ ପାଇଁ ବି ଖେଳି ପାରିବ । ଏଥିରେ ଆମେ ପ୍ରତିବନ୍ଧକ ଲଗାଇ ପାରିବୁ ନାହିଁ। ଆଗାମୀ ଦିନରେ ଓଡ଼ିଶା ଟିମ ଭଲ ପଦର୍ଶନ କରିବ ବୋଲି କହିଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା ।