କୋଲକାତା: ବିଶ୍ୱର ସବୁଠାରୁ ଲୋକପ୍ରିୟ ଟି-୨୦ କ୍ରିକେଟ ଲିଗ୍ ତଥା ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍‌)ର ୧୮ତମ ସଂସ୍କରଣ ଆଜି ଠାରୁ ଆରମ୍ଭ ହେଉଛି। ପ୍ରଥମ ମ୍ୟାଚ୍ କୋଲକାତାର ଇଡେନ ଗାର୍ଡେନରେ ଆଜି ସନ୍ଧ୍ୟା ସାଢ଼େ ୭ଟାରୁ କୋଲକାତା ନାଇଟ୍ ରାଇଡର୍ସ (କେକେଆର) ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ମଧ୍ୟରେ ଖେଳାଯିବ। କୋଲକାତା ନାଇଟ୍ ରାଇଡର୍ସ ଗତଥର (ଆଇପିଏଲ୍‌-୨୦୨୪)ର ଚାମ୍ପିଅନ୍ ଥିଲା।

ଆଇପିଏଲ୍‌ର ପ୍ରଥମ ମ୍ୟାଚ୍ ୨୦୦୮ ମସିହାରେ ଆରସିବି ଏବଂ କେକେଆର ମଧ୍ୟରେ ଖେଳାଯାଇଥିଲା। ସେହି ବର୍ଷ ୧୮ ଏପ୍ରିଲରେ ଅନୁଷ୍ଠିତ ସେହି ମ୍ୟାଚ୍‌ରେ, କେକେଆରର ବ୍ରେଣ୍ଡନ୍ ମ୍ୟାକକୁଲମଙ୍କ ଝଡ଼ରେ ଆରସିବିର ଦଳ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲା। ମ୍ୟାକକୁଲମ ୧୫୮* (୭୩ ବଲ୍)ର ଏକ ଚମତ୍କାର ଇନିଂସ ଖେଳିଥିଲେ। ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯାଇଥିବା ସେହି ମ୍ୟାଚ୍‌ରେ କେକେଆର ସେତେବେଳେ ୨୦ ଓଭରରେ ୨୨୨/୩ ରନ୍‌ର ଏକ ବିଶାଳ ସ୍କୋର କରିଥିଲା, ସେତେବେଳେ ଟି-୨୦ କ୍ରିକେଟ୍‌ରେ ଏତେ ବଡ଼ ସ୍କୋର ହୋଇନଥିଲା। ସେହି ମ୍ୟାଚ୍‌ରେ ଆରସିବି ଦଳ ମାତ୍ର ୮୨ ରନ୍‌ରେ ଅଲଆଉଟ୍ ହୋଇଯାଇଥିଲା।

ଆଇପିଏଲ୍‌ର ୧୮ତମ ସଂସ୍କରଣ କିନ୍ତୁ ଅଲଗା ହୋଇପାରେ। ଆରସିବି ଏବଂ କେକେଆର ମଧ୍ୟରେ ପ୍ରତିଦ୍ୱନ୍ଦ୍ୱିତା ସବୁଠାରୁ ପୁରୁଣା। ଦୁଇ ଦଳ ମଧ୍ୟରେ ଅନେକ ରୋମାଞ୍ଚକର ମ୍ୟାଚ୍ ଖେଳାଯାଇଛି, ଯେଉଁଠାରେ କେକେଆର ଦଳ ଟିକେ ଆଗକୁ ଦେଖାଯାଉଛି। ଦୁଇ ଫ୍ରାଞ୍ଚାଇଜ୍ ମଧ୍ୟରେ ମୋଟ ୩୫ଟି ମ୍ୟାଚ୍ ଖେଳାଯାଇଛି। ଏଥିମଧ୍ୟରୁ କେକେଆର ୨୧ ଥର ଜିତିଛି। ଯେତେବେଳେ ଆରସିବି ୧୪ ଥର ଜିତିଛି। ଗତ ୧୦ଟି ମ୍ୟାଚ୍‌ରେ ଉଭୟ ଦଳ ୫-୫ଟି ମ୍ୟାଚ୍‌ ଜିତିବା ପରେ ସମାନ ସ୍ଥିତିରେ ଅଛନ୍ତି। 

• ଏଥର ଆରସିବି ଏବଂ କ‌େକେଆର ଦଳ ନୂତନ ଅଧିନାୟକଙ୍କ ସହିତ ପଡ଼ିଆକୁ ପ୍ରବେଶ କରୁଛନ୍ତି। କେକେଆରର କମାଣ୍ଡ ଅଜିଙ୍କ୍ୟ ରାହାଣେଙ୍କୁ ଦିଆଯାଇଛି। ଆରସିବିର କମାଣ୍ଡ ରଜତ ପାଟିଦାରଙ୍କ ହାତରେ ରହିବ।

ଆରସିବି: 

ରିଟେନ୍ - ବିରାଟ କୋହଲି, ରଜତ ପତିଦାର (ଅଧିନାୟକ) ଏବଂ ଯଶ ଦୟାଲ।

କିଣିଛନ୍ତି- ଲିଆମ୍ ଲିଭିଂଷ୍ଟୋନ୍, ଫିଲ୍ ସଲ୍ଟ, ଜିତେଶ ଶର୍ମା, ଜୋଶ୍ ହାଜେଲଉଡ୍, ରସିଖ୍ ଦାର, ସୁୟାଶ ଶର୍ମା, କୃଣାଲ୍ ପାଣ୍ଡ୍ୟା, ଭୁବନେଶ୍ୱର କୁମାର, ସ୍ୱପ୍ନିଲ୍ ସିଂହ, ଟିମ୍ ଡେଭିଡ୍, ରୋମାରିଓ ସେଫର୍ଡ, ନୁୱାନ୍ ତୁଷାରା, ମନୋଜ ଭଣ୍ଡାଗେ, ଜାକବ୍ ବେଥେଲ୍, ଦେବଦତ୍ତ ପାଡିକ୍କଲ୍, ସ୍ୱସ୍ତିକ ଚିକାରା, ଲୁଙ୍ଗି ଏନଗିଡି, ଅଭିନନ୍ଦନ ସିଂହ, ମୋହିତ ରାଠି।

କେକେଆର:

ରିଟେନ୍ - ସୁନୀଲ ନାରାୟଣ, ରିଙ୍କୁ ସିଂହ, ଆନ୍ଦ୍ରେ ରସେଲ, ବରୁଣ ଚକ୍ରବର୍ତ୍ତୀ, ହର୍ଷିତ ରାଣା ଏବଂ ରମନଦୀପ ସିଂହ

କିଣିଛନ୍ତି- ଭେଙ୍କଟେଶ ଆୟର, କ୍ୱିଣ୍ଟନ ଡି କକ୍, ରହମାନୁଲ୍ଲା ଗୁରବାଜ, ଆନ୍ରିକ ନୋରକିଆ, ଅଂକ୍ରିଶ ରଘୁବଂଶୀ, ବୈଭବ ଆରୋରା, ମୟଙ୍କ ମାର୍କଣ୍ଡେ, ରୋଭମାନ ପାୱେଲ, ମନୀଷ ପାଣ୍ଡେ, ସ୍ପେନ୍ସର ଜନସନ, ଲଭନିତ ସିସୋଦିଆ, ଅଜିଙ୍କ୍ୟ ରାହାଣେ (ଅଧିନାୟକ), ଅନୁକୂଳ ରୟ, ମୋଇନ୍ ଅଲି, ଚେତନ ସାକାରିଆ (ବଦଳ)।

ସତର୍କ ସୂଚନା: ଆଇପିଏଲ୍‌ର ଉଦଘାଟନୀ ଉତ୍ସବର ମାତ୍ର ଗୋଟିଏ ଦିନ ପୂର୍ବରୁ, କୋଲକାତାରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି। ପ୍ରକୃତରେ, ଆଇପିଏଲ୍‌ ସିଜିନର ପ୍ରଥମ ମ୍ୟାଚ୍ ସମ୍ପୂର୍ଣ୍ଣ ବାତିଲ ହୋଇପାରେ, କାରଣ ପାଣିପାଗ ବିଭାଗ ଏକ ଅରେଞ୍ଜ ଆଲର୍ଟ ଜାରି କରିଛି।

ଅଧିକ ପଢ଼ନ୍ତୁ: ଭାରତୀୟ କ୍ରିକେଟ୍ ଟିମ୍ ଉପରେ ଟଙ୍କା ବର୍ଷା