ମେଲବର୍ଣ୍ଣ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଅଷ୍ଟ୍ରେଲିଆ ଗସ୍ତ ସମୟରେ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡ (ଏମ୍‌ସିଜି) ପରିଦର୍ଶନ କରିଛନ୍ତି। ତାଙ୍କ ଗସ୍ତ ସମୟରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ କ୍ରୀଡା କୂଟନୀତିକୁ ଆହୁରି ମଜବୁତ କରିବା ଉପରେ ଗୁରୁତ୍ୱାରୋପ କରାଯାଇଥିଲା। ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡ ଗସ୍ତ ସମୟରେ ପ୍ରଧାନମନ୍ତ୍ରୀ ଅଷ୍ଟ୍ରେଲିଆର ଆନ୍ତର୍ଜାତୀୟ ମାସ୍କଟ ରୁବି ଦି ରୁଙ୍କୁ ଭେଟିଥିଲେ। ଏହି ସ୍ୱତନ୍ତ୍ର ଗସ୍ତରେ ତାଙ୍କ ସହିତ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍ଥୋନି ଆଲବାନିଜ୍ ଏବଂ ପୂର୍ବତନ ଅଷ୍ଟ୍ରେଲିଆ ପୁରୁଷ କ୍ରିକେଟ୍ ଅଧିନାୟକ ଷ୍ଟିଭ୍ ୱ ମଧ୍ୟ ଥିଲେ।

ଏହି ଗସ୍ତ ସମୟରେ ଦୁଇ ଦେଶ ମଧ୍ୟରେ କ୍ରୀଡ଼ା ସହଯୋଗ ବୃଦ୍ଧି କରିବା ପାଇଁ ଏକ ଐତିହାସିକ ନିଷ୍ପତ୍ତି ନିଆଯାଇଛି। ଚଳିତ ବର୍ଷ ଡିସେମ୍ବରରେ ଅଷ୍ଟ୍ରେଲିଆର ପ୍ରସିଦ୍ଧ ଟି୨୦ ଲିଗ୍, ବିଗ୍ ବ୍ୟାସ୍ ଲିଗ୍‌ର ଉଦଘାଟନୀ ମ୍ୟାଚ୍ ଚେନ୍ନାଇରେ ଅନୁଷ୍ଠିତ ହେବ। ଏହା ଇତିହାସରେ ପ୍ରଥମ ଥର ହେବ ଯେ କୌଣସି ବିଦେଶୀ କ୍ରିକେଟ୍ ଲିଗ୍ ଭାରତୀୟ ମାଟିରେ ଏହାର ମ୍ୟାଚ୍ ଖେଳିବେ। ଏହି କାର୍ଯ୍ୟକ୍ରମ ଡିସେମ୍ବରରେ ସାରା ଭାରତରେ ଅନୁଷ୍ଠିତ ସପ୍ତାହବ୍ୟାପୀ ‘G-Day Namaste’ ଉତ୍ସବର ମୁଖ୍ୟ ଆକର୍ଷଣ ହେବ, ଯେଉଁଥିରେ ଅଷ୍ଟ୍ରେଲିଆ ସଂସ୍କୃତି, ବ୍ୟବସାୟ ଏବଂ କ୍ରୀଡ଼ା ସହିତ ଜଡିତ ବିଭିନ୍ନ କାର୍ଯ୍ୟକ୍ରମ ପ୍ରଦର୍ଶିତ ହେବ।

ପ୍ରଧାନମନ୍ତ୍ରୀ ମୋଦୀ ତାଙ୍କ ଭାଷଣରେ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡର ଐତିହାସିକ ଗୁରୁତ୍ୱ ଏବଂ ଦୁଇ ଦେଶ ମଧ୍ୟରେ କ୍ରିକେଟ୍ ପ୍ରେମ ବିଷୟରେ ଉଲ୍ଲେଖ କରି କହିଛନ୍ତି, ‘MCGକୁ ଆସିବା ଯେକୌଣସି ଭାରତୀୟଙ୍କ ହୃଦୟରେ ଦୁଇଟି ଭାବନା ଆଣିଥାଏ: ଭାରତ-ଅଷ୍ଟ୍ରେଲିଆ ମ୍ୟାଚ୍‌ର ଉତ୍ସାହ ଏବଂ ଅନୁଭବ ଯେ କ୍ରିକେଟ୍ କେବଳ ଏକ ଖେଳ ନୁହେଁ, ବରଂ ଦୁଇ ଦେଶ ମଧ୍ୟରେ ଏକ ସମାନ ଆଗ୍ରହ।’ ପ୍ରଧାନମନ୍ତ୍ରୀ ହାଲୁକା ସ୍ୱରରେ ଆହୁରି କହିଲେ, କିନ୍ତୁ ଆଜି ଏଠାରେ 'ଶେଷ ଓଭର ଫିନିଶ୍'ର କୌଣସି ଚାପ ନାହିଁ। ଆଜି ଏଠାରେ କେବଳ କ୍ରୀଡାର ଆନନ୍ଦ ଅଛି। ଆଜି ଏଠାରେ କେବଳ କ୍ରୀଡାର ଆନନ୍ଦ, ଆମର ବନ୍ଧୁତାର ଉଷ୍ମତା ଏବଂ ଭବିଷ୍ୟତର ଚାମ୍ପିଅନଙ୍କ ଶକ୍ତି ଅଛି।  

ଅଧିକ ପଢ଼ନ୍ତୁ: ଫିଫା ବିଶ୍ବକପ: ମରକ୍କୋ ପରାସ୍ତ, ବିଜୟ ସହିତ ସେମିଫାଇନାଲରେ ଫ୍ରାନ୍ସ