ମୁମ୍ବାଇ: ସବୁବେଳେ ନିଜର ନୂଆ ରେକର୍ଡ ପାଇଁ ଚର୍ଚ୍ଚାରେ ଥାଆନ୍ତି କ୍ରିକେଟର କିମ୍ବଦନ୍ତୀ ସଚିନ ତେନ୍ଦୁଲକର । ଏଥର କିନ୍ତୁ ଖେଳ ପାଇଁ ନୁହେଁ ବରଂ ନିଜର ନିଆରା ତଥା ଅଲଗା କିଛି ଅନ୍ଦାଜ ପାଇଁ ସୋସିଆଲ ମିଡିଆରେ ବେଶ ଚର୍ଚ୍ଚାରେ ଅଛନ୍ତି  । ନିଜର ୫୦ତମ ଜନ୍ମ ଦିନର କିଛି ଦିନ ପରେ ସଚିନ ତେନ୍ଦୁଲକର ନିଜ ଇନଷ୍ଟା ଆଇଡିରେ ଏହି ଫଟୋକୁ ସେୟାର କରିଛନ୍ତି । ସଚିନ ନିଜ ଇନଷ୍ଟାଗ୍ରାମରେ ଯେଇଁ ଷ୍ଟୋରୀ ସେୟାର କରିଛନ୍ତି, ସେଥିରେ ପତ୍ନୀ ଅଞ୍ଜଳି ଓ ଝିଅ ସାରା ତେନ୍ଦୁଲକର ନଜର ଆସିଛନ୍ତି । ମାଷ୍ଟର ବ୍ଲାଷ୍ଟର ମାଟି ଚୁଲୀକୁ ନିଜେ ଫୁଙ୍କି ଖାଦ୍ୟ ରାନ୍ଧୁଥିବାର ଏକ ଫଟୋ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ଗତ ଅପ୍ରେଲ ମାସ  ୨୪ ତାରିଖରେ କ୍ରିକେଟର ଗଡଙ୍କୁ ୫୦ ବର୍ଷ ପୁରିଛି । ଗ୍ରାଉଣ୍ଡରେ ଶତକ ଓ ଅର୍ଦ୍ଧଶତକ ମାରୁଥିବା ସଚିନ, ବୟସରେ ଅର୍ଦ୍ଧଶତକ ମାରିଛନ୍ତି । ଜନ୍ମ ଦିନ ଅବସରରେ ଝିଅ ସାରା ଓ ପତ୍ନୀ ଅଞ୍ଜଳୀଙ୍କ ସହିତ ମାଟି ଚୁଲୀରେ କାଠ ଜାଳି ରୋଷେଇ କରୁଥିବା ଦେଖିବାକୁ ମିଳିଛି । 

 

 

 

 

View this post on Instagram

 

 

 

 

 

 

 

 

 

 

 

A post shared by Sachin Tendulkar (@sachintendulkar)

ଏହି ଫଟୋକୁ ସେୟାର ପୋଷ୍ଟ କରି ସଚିନ ଲେଖିଛନ୍ତି, ଏହା ସମ୍ଭବ ନୁହେଁ, ଆପଣ ପ୍ରତିଦିନ ଅର୍ଦ୍ଧଶତକ ମାରିବେ, ଯେଉଁଦିନ ଏହା ହୋଇଥାଏ, ଆପଣ ସେହି ଲୋକଙ୍କ ସହିତ ଖୁସି ମନଇବାକୁ ସୁଯୋଗ ମିଳିଥାଏ ଯିଏ ଆପଣଙ୍କୁ ଅଧିକ ଚାହାନ୍ତି । ୫୦ତମ ଜନ୍ମ ଦିନରେ ଏକ ଗାଁ ପରିବେଶରେ ଟିମ୍ ସହିତ ଏଭଳି ଭାବେ ଜନ୍ମଦିନକୁ ସେଲିବ୍ରିସନ କରାଗଲା। ତେବେ ଜନ୍ମଦିନ ପାର୍ଟିରେ ସଚିନ ନିଜ ପୁଅ ଅର୍ଜୁନ ତେନ୍ଦୁଲକରରୁ ମନେ ପକାଇଛନ୍ତି ସଚିନ୍ । ଅର୍ଜୁନ ତେନ୍ଦୁଲକର ଏବେ ମୁମ୍ବାଇ ଇଣ୍ଡିଆନ୍ ଦଳରୁ ଆଇପିଏଲ ଖେଳୁଛନ୍ତି । ଏହାକୁ କିଛି ଫ୍ୟାନ୍ସ ପ୍ରଶଂସା କରିଥିବା ବେଳେ କିଛି ଫ୍ୟାନ୍ସ ମଜାଳିଆ ଅନ୍ଦାଜରେ ସୁବମନ୍ ଗିଲଙ୍କ କଥା କମେଣ୍ଟରେ ପଚାରିଛନ୍ତି । ସଚିନଙ୍କ ଏହି ପୋଷ୍ଟରେ ଫ୍ୟାନ୍ସ ମାନେ ମଜାଳିଆ ଅନ୍ଦାଜରେ ଲେଖିଛନ୍ତି, କେବଳ ଅର୍ଜୁନଙ୍କୁ ମିସ୍ କରିଛନ୍ତି, ସୁବମନ ଗିଲଙ୍କୁ ମିସ୍ କରୁନାହାନ୍ତି ?  ଅନ୍ୟ ଜଣେ ୟୁଜର୍ସ ଲେଖିଛନ୍ତି, ସଚିନ ତେନ୍ଦୁଲକର, ସୁବମନ୍ ଗିଲଙ୍କ ପାଇଁ ରୋଷେଇ କରୁଛନ୍ତି । ସେହିଭଳି ଅନ୍ୟ ଜଣେ  ୟୁଜର୍ସ ସଚିନଙ୍କୁ ସମ୍ମାନ ଜଣାଇ ଲେଖିଛନ୍ତି '' ଏଇ ଫଟୋରୁ ଏହା ପ୍ରମାଣିତ ହେଉଛି ଯେ ଆପଣ ସବୁ ବର୍ଗର ମଣିଷଙ୍କ କଥା ଚିନ୍ତା କରନ୍ତି ଯେଉଁମାନେ କି ନୀତିଦିନ ଏଭଳି ଜୀବନ ଜିଅନ୍ତି , ଆପଣ ଏହି ଫଟୋ ଅପଲୋଡ କରି ଦେଖାଇଦେଇଛନ୍ତି କି ଦୁନିଆ କେବଳ ମୁମ୍ବାଇ କି ମାଳଦ୍ଵୀପରେ ସୀମିତ ନୁହଁ । ତେବେ ଏହି ଫଟୋ ପୋଷ୍ଟ ହେବାର କ୍ଷଣିକ ମଧ୍ୟରେ  ଭାଇରାଲ୍ ହୋଇଛି ଓ ଲକ୍ଷ ଲକ୍ଷ ୟୁଜର୍ସମାନେ ଲାଇକ୍ କରିବା ସହିତ ସେୟାର କରିଛନ୍ତି ।