ବର୍ମିଂହାମ: ଇଂଲଣ୍ଡ ଗସ୍ତରେ ଥିବା ଭାରତୀୟ କ୍ରିକେଟ ଦଳକୁ ଶେଷରେ ମିଳିଛି ପ୍ରଥମ ସଫଳତା। ବର୍ମିଂହାମର ଏଜବାଷ୍ଟନଠାରେ ଖେଳାଯାଇଥିବା ପ୍ରଥମ ଦିନିକିଆ ମ୍ୟାଚ୍‌ରେ ଭାରତ ଘରୋଇ ଇଂଲଣ୍ଡକୁ ୬ ୱିକେଟରେ ପରାସ୍ତ କରିଛି। ଏହି ବଡ଼ ବିଜୟ ସହ ଟିମ୍ ଇଣ୍ଡିଆ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ ୧-୦ରେ ଅଗ୍ରଣୀ ହାସଲ କରିଛି। ମ୍ୟାଚ୍‌ରେ ଇଂଲଣ୍ଡ ପ୍ରଥମେ ବ୍ୟାଟିଂ କରି ଜୋ ରୁଟ୍ ଏବଂ ଲିଆମ୍ ଡସନଙ୍କ ଅର୍ଦ୍ଧଶତକ ବଳରେ ୨୫୮ ରନ୍ କରିଥିଲା। ଜବାବରେ ଭାରତ ଗିଲଙ୍କ ୮୦ ରନ, ଅକ୍ଷରଙ୍କ ୫୭ ରନ ଓ ଓ୍ଵାଶିଂଟନ ସୁନ୍ଦରଙ୍କ ୫୨ ରନ ବଳରେ ମାତ୍ର ୪ଟି ୱିକେଟ୍ ହରାଇ ୪୬ତମ ଓଭରରେ ବିଜୟ ଲକ୍ଷ୍ୟ ହାସଲ କରିନେଇଥିଲା। 

ରୋହିତ-ବିରାଟ ଫେଲ୍

ଇଂଲଣ୍ଡ ପକ୍ଷରୁ ମିଳିଥିବା ୨୫୯ ରନର ପିଛା କରୁଥିବା ଭାରତ ଆରମ୍ଭରୁ ଦୁଇ ଷ୍ଟାର ବ୍ୟାଟର ରୋହିତ ଶର୍ମା ଓ ବିରାଟ କୋହଲିଙ୍କ ୱିକେଟ୍ ଶୀଘ୍ର ହରାଇଥିଲା। ରୋହିତ ୨୧ ବଲରୁ ୧୧ ରନ୍ ଏବଂ କୋହଲି ୬ ବଲରୁ ମାତ୍ର ୫ ରନ୍ କରି ଆଉଟ୍ ହୋଇଥିଲେ। ୪୮ ରନରେ ୨ ୱିକେଟ୍ ପଡ଼ିବା ପରେ ଅଧିନାୟକ ଶୁଭମନ ଗିଲ୍ ଏବଂ ଶ୍ରେୟସ ଆୟର ଦଳକୁ ସଙ୍କଟରୁ ଉଦ୍ଧାର କରିଥିଲେ। ଦୁହେଁ ତୃତୀୟ ୱିକେଟ୍ ପାଇଁ ୧୦୯ ରନର ଚେତାବନୀପୂର୍ଣ୍ଣ ଭାଗିଦାରୀ କରିଥିଲେ।୫୩ ବଲରୁ ୩୫ ରନ୍ କରି ଦୁର୍ଭାଗ୍ୟଜନକ ଭାବେ ରନ୍ ଆଉଟ୍ ହୋଇଥିଲେ। ଶୁଭମନ ଗିଲ୍ ୭୫ ବଲରୁ ୮୦ ରନର ଏକ ଦମଦାର ଅଧିନାୟକତ୍ୱ ପାଳି ଖେଳିଥିଲେ। କିନ୍ତୁ ବ୍ୟାଟିଂ କରୁଥିବା ସମୟରେ ଅଣ୍ଟାରେ ଯନ୍ତ୍ରଣା ହେବାରୁ ସେ ରିଟାୟର୍ଡ ହର୍ଟ ହୋଇ ପଭିଲିୟନ ଫେରିଥିଲେ।

ଅକ୍ଷର ଓ ସୁନ୍ଦରଙ୍କ ମ୍ୟାଚ୍ ବିଜୟୀ ଶତକୀୟ ଭାଗିଦାରୀ

ଗିଲ୍ ମୈଦାନ ଛାଡ଼ିବା ପରେ ୱାଶିଂଟନ ସୁନ୍ଦର ଏବଂ ଅଲରାଉଣ୍ଡର ଅକ୍ଷର ପଟେଲ ମ୍ୟାଚ୍ ଜିତାଇବାର ଦାୟିତ୍ୱ ନେଇଥିଲେ। ଦୁଇ ବାମହାତୀ ବ୍ୟାଟ୍ସମ୍ୟାନ୍ ଇଂଲଣ୍ଡ ବୋଲରଙ୍କୁ କୌଣସି ସୁଯୋଗ ନଦେଇ ସପ୍ତମ ୱିକେଟ୍ ପାଇଁ ୧୦୨ ରନର ଅପରାଜିତ ମ୍ୟାଚ୍ ବିଜୟୀ ପାର୍ଟନରସିପ୍ କରିଥିଲେ। ୱାଶିଂଟନ ସୁନ୍ଦର ୬୩ ବଲ୍ ଖେଳି ୪ଟି ଚୌକା ଓ ୧ଟି ଛକା ସହାୟତାରେ ୫୨ ରନ୍‌ କରି ଅପରାଜିତ ରହିଥିଲେ। ଅକ୍ଷର ପଟେଲ ମାତ୍ର ୫୨ ବଲରୁ ୫୭ ରନର ଏକ ଦ୍ରୁତ ପାଳି ଖେଳି ଭାରତକୁ ଜିତାଇ ଅପରାଜିତ ଫେରିଥିଲେ।

ବୋଲିଂରେ ମଧ୍ୟ କମାଲ କରିଥିଲେ ଅକ୍ଷର

ବ୍ୟାଟିଂ ପୂର୍ବରୁ ଅକ୍ଷର ପଟେଲ ବୋଲିଂରେ ମଧ୍ୟ ଇଂଲଣ୍ଡ ବ୍ୟାଟିଂ ଲାଇନଅପ୍‌କୁ ଧ୍ୱସ୍ତ କରିଦେଇଥିଲେ। ଇଂଲଣ୍ଡ ଏକଦା ବିନା ୱିକେଟ୍‌ରେ ୬୧ ରନ୍ କରି ମଜବୁତ ସ୍ଥିତିରେ ଥିବା ବେଳେ ଭାରତୀୟ ବୋଲରମାନେ ମାତ୍ର ୧୦୭ ରନ୍‌ ଭିତରେ ତାଙ୍କର ୬ଟି ୱିକେଟ୍  ନେଇଥିଲେ।

ଭାରତ ପାଇଁ ଅକ୍ଷର ପଟେଲ ସର୍ବାଧିକ ୪ଟି ୱିକେଟ୍ (୯.୫ ଓଭରରେ ୬୨ ରନ୍) ନେଇଥିବା ବେଳେ ପ୍ରସିଦ୍ଧ କ୍ରିଷ୍ଣା ଓ ଗୁରନୁର ବ୍ରାର୍ ୨ଟି ଲେଖାଏଁ ୱିକେଟ୍ ପାଇଥିଲେ। ଯଶପ୍ରୀତ ବୁମରା ଏବଂ ଶିବମ ଦୁବେଙ୍କୁ ୧-୧ ସଫଳତା ମିଳିଥିଲା। ତେବେ ଇଂଲଣ୍ଡ ପକ୍ଷରୁ ଜୋ ରୁଟ୍ (୭* ରନ୍) ଏବଂ ଲିଆମ୍ ଡସନ (୬୮ ରନ୍) ଲଢ଼ୁଆ ବ୍ୟାଟିଂ କରି ଦଳକୁ ୨୫୮ ରନ୍‌ରେ ପହଞ୍ଚାଇଥିଲେ, ଯାହା ଭାରତ ଆଗରେ ଫିକା ପ୍ରମାଣିତ ହୋଇଛି।