ନୂଆଦିଲ୍ଲୀ : ବିବାହ ବନ୍ଧନରେ ବାନ୍ଧି ହୋଇଛନ୍ତି ଭାରତୀୟ ଆଥଲେଟିକ୍ସର ଗୋଲ୍ଡେନ ବୟ ନୀରଜ ଚୋପ୍ରା । ନୀରଜ ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି । ରବିବାର ସେ ହିମାନୀଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି । ସେ ତାଙ୍କ ସୋସିଆଲ ମିଡିଆ ଅଫିସିଆଲ ଟ୍ୱିଟର ହ୍ୟାଣ୍ଡେଲ ଏବଂ ଇନଷ୍ଟାଗ୍ରାମରେ ବିବାହର ଅନେକ ଫଟୋ ସେୟାର କରିଛନ୍ତି, ଯେଉଁଥିରେ ସେ ରୀତିନୀତି ଅନୁସାରେ ବିବାହ ଶେଷ କରୁଥିବାର ନଜର ଆସିଛନ୍ତି । ତେବେ ନୀରଜଙ୍କ ହଠାତ୍ ବିବାହ ଖବର ଦେଇ ନିଜ ଫ୍ୟାନ୍ ମାନଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ଫଟୋରେ ନୀରଜ ତାଙ୍କ ପତ୍ନୀ ଏବଂ ପରିବାରର ସଦସ୍ୟଙ୍କ ସହ ନଜର ଆସିଛନ୍ତି । ଫଟୋ ସହ କ୍ୟାପ୍ସନ ଦେଇ ସେ ଲେଖିଛନ୍ତି 'ଜୀବନର ଏକ ନୂଆ ଅଧ୍ଯାୟ ନିଜ ପରିବାର ସହ। 

ସୂଚନା ଥାଉକି ୨୭ ବର୍ଷୀୟ ନୀରଜ ଚୋପ୍ରା ଟୋକିଓ ଅଲିମ୍ପିକ୍ସରେ ଜାଭେଲିନ୍ ଥ୍ରୋ ଇଭେଣ୍ଟରେ ସ୍ୱର୍ଣ୍ଣ ପଦକ ଏବଂ ପ୍ୟାରିସ୍ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିଲେ।