ଭୁବନେଶ୍ୱର: ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଜଗତ ପ୍ରକାଶ ନଡ୍ଡା ଆସନ୍ତାକାଲି ଓଡ଼ିଶା ଆସିବେ । ଏ ନେଇ ସୂଚନା ଦେଇଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । 

ଶ୍ରୀଯୁକ୍ତ ଜେପି ନଡ୍ଡା ଦିନିକିଆ ଓଡ଼ିଆ ଗସ୍ତରେ ଆସି ରାଜ୍ୟ କାର୍ଯ୍ୟାଳୟରେ ପହଁଚିବେ । ପୂର୍ବାହ୍ନ ୧୧ଟାରୁ ୧ଟା ଯାଏ ବିଜେପି କାର୍ଯ୍ୟାଳୟରେ ରହିବେ । ଦଳୀୟ ସାଂସଦ, ବିଧାୟକ, ଦଳୀୟ କର୍ମକର୍ତ୍ତାଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଏହା ସହିତ ସଦସ୍ୟତା ଅଭିଯାନ ନେଇ ମଧ୍ୟ ରାଜ୍ୟ ପରାମର୍ଶ ଦେବେ ବୋଲି ସଭାପତି ମନମୋହନ ସାମଲ କହିଛନ୍ତି । ଆସନ୍ତାକାଲି ସନ୍ଧ୍ୟାରେ ରାଷ୍ଟ୍ରୀୟ ଅଧ୍ୟକ୍ଷ ଦିନିକିଆ ଓଡ଼ିଶା ଗସ୍ତ ସାରି ନୂଆଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି।