ଦିଲ୍ଲୀ ଯିବେ ରାଜ୍ୟର ୨୨ ଜଣ ବିଜେପି ବିଧାୟକ । ଦିଲ୍ଲୀରେ ବିଜେପି ବିଧାୟକମାନେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଏବଂ ରାଷ୍ଟ୍ରପତିଙ୍କୁ ଭେଟିବେ । ଏଥିସହ ଜାତୀୟ ନିର୍ବାଚନ କମିଶନଙ୍କୁ ମଧ୍ୟ ଭେଟିବେ । ଏନେଇ ସୂଚନା ଦେଇଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର । 

ଶ୍ରୀ ମିଶ୍ର କହିଛନ୍ତି ସମସ୍ତ ବିଧାୟକ ଓଡିଶାର ଶାସନ ବ୍ୟବସ୍ଥା ବିଷୟରେ ମୁଖ୍ୟ ନିର୍ବାଚନ କମିଶନଙ୍କୁ ଜଣାଇବେ । ଓଡିଶାରେ ସମ୍ବିଧାନ ହିସାବରେ ସରକାର ଚାଲୁନଥିବା ନେଇ ଅଭିଯୋଗ କରିବେ । ରାଷ୍ଟ୍ରପତିଙ୍କୁ ଭେଟି ଅବ୍ୟବସ୍ଥା ସମ୍ପର୍କରେ ଜଣାଇବେ । ପ୍ରଧାନମନ୍ତ୍ରୀଙ୍କ ସହ ଓଡିଶାର ସମ୍ପୂର୍ଣ୍ଣ ରାଜନୈତିକ ପରିସ୍ଥିତି ବିଷୟରେ ଆଲୋଚନା କରିବେ । ଓଡିଶାରେ ବ୍ୟାପକ ଦୁର୍ନୀତି ହେଉଥିବା ଅଭିଯୋଗ କରିବେ । ଗୃହମନ୍ତ୍ରୀ ଅମିତ ଶାହାଙ୍କୁ ଭେଟି ଓଡିଶାର ଆଇନଶୃଙ୍ଖଳା ପରିସ୍ଥିତି, ବିଜେପି କର୍ମୀଙ୍କ ଉପରେ ଅତ୍ୟାଚାର ପ୍ରସଙ୍ଗରେ ଅବଗତ କରିବେ । ଆଗକୁ ନିର୍ବାଚନ ଆସୁଛି । ଆଉ ଏହା ପୂର୍ବରୁ ନବୀନ ସରକାର ଗୋଟିଏ ପରେ ଗୋଟିଏ ଯୋଜନା ଘୋଷଣା କରିବା ସହ ଶୁଭାରମ୍ଭ କରି ଚାଲିଛନ୍ତି । କିନ୍ତୁ ଏହି ସବୁ ଯୋଜନା ପାଇଁ ଦିଆଯାଉଥିବା ବିଜ୍ଞାପନରେ ଶଙ୍ଖ ଚିହ୍ନ ରହିବାକୁ ନେଇ ଆପତ୍ତି ଉଠାଇଛନ୍ତି ବିରୋଧୀ ।   

ଅଧିକ ପଢନ୍ତୁ :- କୁମାର ପୂର୍ଣ୍ଣିମାରେ ପଡୁଛି ଚନ୍ଦ୍ର ଗ୍ରହଣ : ଶ୍ରୀମନ୍ଦିରରେ ସ୍ୱତନ୍ତ୍ର ନୀତିକାନ୍ତି