ସେରମ୍ ଇନଷ୍ଟିଚ୍ୟୁଟର ନୂଆ ପ୍ରଚେଷ୍ଟା, ନାକରେ ଦିଆଯିବ କରୋନା ଟିକା!
Khabar Odisha:india-and-beyondserum-institute-bharat-biotech-to-begin-trials-of-nasal-covid-19-vaccine
ନୂଆଦିଲ୍ଲୀ,ଅକ୍ଟୋବର ୧୯ (ଖବର ଓଡ଼ିଶା)

କରୋନା ଭୁତାଣୁରୁ ରକ୍ଷା ପାଇବା ପାଇଁ ଦେଶରେ ବିଭିନ୍ନ ପଦକ୍ଷେପମାନ ଗ୍ରହଣ କରାଯାଉଛି । ଏହି ମହାମାରୀକୁ ନେଇ ଲୋକଙ୍କ ମନରେ ଅନେକ ପ୍ରଶ୍ନ ଉଙ୍କି ମାରୁଛି । କେବେ ଏହି କରୋନା ଟିକା ବାହାରିବ ? କେବେ ଦେଶବାସୀ ଏହି ମାରାତ୍ମକ ଭୂତାଣୁରୁ ମୁକ୍ତି ପାଇବେ । ମହାମାରୀ ସହ ଲଢ଼ିବା ପାଇଁ ଅନେକ ଟିକା ଉପରେ ପରୀକ୍ଷଣ ଚାଲୁ ରହିଥିବା ବେଳେ ଏବେ ନାକରେ ଦିଆଯାଇ ପାରୁଥିବା କରୋନା ଟିକା ବାହାର କରିବା ପାଇଁ ଉଦ୍ୟମ ଆରମ୍ଭ ହୋଇଛି । ଖୁବ ଶୀଘ୍ର ଏ ନେଇ ସେରମ ଇନଷ୍ଟିଚ୍ୟୁଟ ପରୀକ୍ଷା ଆରମ୍ଭ କରିବ ବୋଲି ଜଣା ପଡିଛି । ଏ ବିଷୟରେ ସରକାର ସୂଚନା ଦେଇ କହିଛନ୍ତି ଯେ, ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକ୍ ନିୟାମକ ଅନୁମୋଦନ ପାଇବା ପରେ ନାଜାଲ କରୋନାଭାଇରସ୍ ଟିକା(ନାକରେ ଦିଆଯାଇପାରୁଥିବା ଟିକା)ର ପରୀକ୍ଷା ଆରମ୍ଭ କରିବେ। କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଧନ କହିଛନ୍ତି ଯେ, ବର୍ତ୍ତମାନ ଭାରତରେ କୌଣସି ନାଜାଲ କରୋନାଭାଇରସ୍ ଟିକା ଉପରେ ପରୀକ୍ଷା କରାଯାଇ ନାହିଁ। ଭାରତରେ ନାଜାଲ କରୋନାଭାଇରସ୍ ଟିକାର ପରୀକ୍ଷଣ ପାଇଁ ଭାରତୀୟ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ (ଆଇସିଏମଆର) ସହଯୋଗରେ ଭାରତ ବାୟୋଟେକ ୱାଶିଂଟନ ବିଶ୍ୱବିଦ୍ୟାଳୟ ଏବଂ ସେଣ୍ଟ ଲୁଇସ ବିଶ୍ୱବିଦ୍ୟାଳୟ ସହିତ ଏକ ଚୁକ୍ତି କରିଛି। ଭାରତ ବାୟୋଟେକ୍ ୱାଶିଂଟନ୍ ୟୁନିଭରସିଟି ସ୍କୁଲ୍ ଅଫ୍ ମେଡିସିନ୍ ସହିତ କରିଥିବା ଚୁକ୍ତିରେ କରୋନାଭାଇରସ୍ ସଂକ୍ରମଣ ସୃଷ୍ଟି କରୁଥିବା ଭୂତାଣୁ ପାଇଁ ଏକ ଇଣ୍ଟ୍ରାନାଜାଲ ଟିକା ଉତ୍ପାଦନ କରାଯିବ ଏବଂ ଏହାର ପରୀକ୍ଷଣ ସହ ଏହାକୁ ବଜାରରେ ମଧ୍ୟ ବିକ୍ରି କରାଯିବ ।

  • Tags:

Subscribe

National International State Sports Entertainment