ନୂଆଦିଲ୍ଲୀ: ଜାତୀୟ ରାଜଧାନୀ ପୁଲିସକୁ ଏକ ବଡ଼ ସଫଳତା ମିଳିଛି । ଦିଲ୍ଲୀ ପୁଲିସର ସ୍ପେଶାଲ୍ ସ୍କ୍ୱାର୍ଡ ପ୍ରାୟ ୫୬୫ କିଲୋଗ୍ରାମରୁ ଅଧିକ କୋକେନ୍ ଜବତ କରିଛି । ଯାହାର ବଜାର ମୂଲ୍ୟ ୨୦୦୦ କୋଟି ଟଙ୍କା ହେବ ବୋଲି ଅନୁମାନ କରାଯାଉଛି । ଏହା ସହିତ ୪ ଜଣଙ୍କୁ ଗିରଫ କରାଯାଇଛି । 

ଦକ୍ଷିଣ ଦିଲ୍ଲୀରେ କୋକେନ କାରବାର ହେଉଥିବା ନେଇ ପୁଲିସକୁ ଗୁପ୍ତ ସୂଚନା ମିଳିଥିଲା । ଏଥିପାଇଁ ପୁଲିସ ଏକ ସ୍ୱତନ୍ତ୍ର ଟିମ ଗଠନ କରାଯାଇଥିଲା । ପୁଲିସ ଆଜି ଚଢ଼ାଉ କରି ୫୬୫ କିଲୋଗ୍ରାମର ବିପୁଳ ପରିମାଣରେ କୋକେନ ଜବତ କରିଛି । ଯାହାର ମୂଲ୍ୟ ୨୦୦୦ କୋଟି ଟଙ୍କା ହେବ ବୋଲି ପୁଲିସ ସୂତ୍ରରୁ ସୂଚନା ମିଳିଛି । ଏହି କାରବାରରେ ଜଡ଼ିତ ଥିବା ୪ ଜଣଙ୍କୁ ଗିରଫ କରାଯାଇଛି । 

ଏତେ ପରିମାଣର କୋକେନ କେଉଁଠୁ ଆସିଲା, କିଏ ସପ୍ଲାଏ କରୁଥିଲା ଏବଂ କେଉଁଠାକୁ ଯାଉଥିଲା ଏ ନେଇ ପୁଲିସ ଗିରଫ ଅଭିଯୁକ୍ତଙ୍କୁ ପଚରାଉଚରା କରୁଛି ।