ମୁମ୍ବାଇ: ମହାରାଷ୍ଟ୍ର ଅପରାଧ ତଦନ୍ତ ବିଭାଗ (CID) ବାରାମତିରେ ହୋଇଥିବା ବିମାନ ଦୁର୍ଘଟଣାର ତଦନ୍ତ ଆରମ୍ଭ କରିଛି, ଯେଉଁଥିରେ ଉପମୁଖ୍ୟମନ୍ତ୍ରୀ ଅଜିତ ପାୱାର ଏବଂ ଅନ୍ୟ ଚାରି ଜଣଙ୍କ ମୃତ୍ୟୁ ହୋଇଥିଲା।

ଗତ ୨୮ ତାରିଖରେ ପୁଣେ ଜିଲ୍ଲାର ବାରାମତୀରେ ବିମାନ ଦୁର୍ଘଟଣାଜନିତ ମୃତ୍ୟୁ ମାମଲାର CID ତଦନ୍ତ ପାଇଁ ମହାରାଷ୍ଟ୍ର ପୁଲିସ୍ ନିର୍ଦ୍ଦେଶ ଜାରି କରିଛି। ସ୍ଥାନୀୟ ପୁଲିସ ଭାରତୀୟ ନାଗରିକ ସୁରକ୍ଷା ସଂହିତା (BNSS)ର ଧାରା ୧୯୪ ଅନୁଯାୟୀ ଦୁର୍ଘଟଣାଜନିତ ମୃତ୍ୟୁ ମାମଲା ପଞ୍ଜିକୃତ କରି ଏହାକୁ CID କୁ ହସ୍ତାନ୍ତର କରିଛି। ଘଟଣା ଦିନ ପୱାର ନିଜ ବ୍ୟକ୍ତିଗତ ବିମାନ Learjet 45ରେ ମୁମ୍ବଇରୁ ଉଡ଼ାଣ ଭରିଥିଲା। ବାରାମତୀରେ ଅବତରଣ ସମୟରେ ଏୟାରଷ୍ଟ୍ରିପର ଧାରରୁ ପ୍ରାୟ ୨୦୦ ମିଟର ଦୂରରେ ଦୁର୍ଘଟଣାଗ୍ରସ୍ତ ହେବା ପରେ ପଓ୍ବାରଙ୍କ ସମେତ ବିମାନରେ ଥିବା ସମସ୍ତଙ୍କର ମୃତ୍ୟୁ ହୋଇଥିଲା । ପୁଣେ ଗ୍ରାମୀଣ ପୋଲିସ ଏହି ମାମଲାରେ ଏକ ଦୁର୍ଘଟଣାଜନିତ ମୃତ୍ୟୁ ରିପୋର୍ଟ ପଞ୍ଜିକୃତ କରିଥିଲା। ତଦନ୍ତ ବର୍ତ୍ତମାନ CIDକୁ ହସ୍ତାନ୍ତର କରାଯାଇଛି।

ଅଧିକ ପଢନ୍ତୁ: ସାମ୍ନାକୁ ଆସିଲା ଅଜିତ ପାୱାରଙ୍କ ବିମାନ ଦୁର୍ଘଟଣାର ସିସିଟିଭି ଫୁଟେଜ୍; ଦେଖନ୍ତୁ କିପରି ଥିଲା ଧ୍ୱଂସାବଶେଷର ସେଇ ମୁହୂର୍ତ୍ତ..

ତେବେ ପୁଲିସ୍ ଅଧିକାରୀ କହିଛନ୍ତି ଯେ CID କର୍ମଚାରୀଙ୍କ ଏକ ଦଳ ସେମାନଙ୍କର କାମ ଆରମ୍ଭ କରିଛି। CID ସ୍ଥାନୀୟ ପୁଲିସଠାରୁ ଘଟଣା ସମ୍ପର୍କିତ ସମସ୍ତ କାଗଜପତ୍ର ସଂଗ୍ରହ କରିଛି ବୋଲି ସୂଚନା ଦେଇଛି। ସିସିଟିଭି ଫୁଟେଜରେ ବିମାନର ଶେଷ ମୁହୂର୍ତ୍ତଗୁଡ଼ିକୁ କଏଦ କରାଯାଇଛି। ଭିଡିଓରେ ବିମାନଟି ଦୁର୍ଘଟଣାଗ୍ରସ୍ତ ହେବା ଏବଂ ବିସ୍ଫୋରଣ ହେବା ପୂର୍ବରୁ ଆକାଶରେ ହଠାତ୍ ଗତି କରୁଥିବା ଦେଖାଯାଇଛି। କର୍ତ୍ତୃପକ୍ଷ ବିମାନର ବ୍ଲାକ୍ ବାକ୍ସ ଉଦ୍ଧାର ହୋଇଥିବା ନିଶ୍ଚିତ କରିଛନ୍ତି, ଯେଉଁଥିରେ ଉଡ଼ାଣ ତଥ୍ୟ ଏବଂ କକପିଟ୍ ଭଏସ୍ ରେକର୍ଡିଂ ରହିଛି। ତଦନ୍ତକାରୀମାନେ ଏକ ନିଶ୍ଚିତ କାରଣ ସ୍ଥାପନ କରିବା ପାଇଁ ରକ୍ଷଣାବେକ୍ଷଣ ରେକର୍ଡ ଏବଂ କାର୍ଯ୍ୟକ୍ଷମ ବିବରଣୀ ସହିତ ଏହି ତଥ୍ୟ ଯାଞ୍ଚ କରୁଛନ୍ତି।

ଅଧିକ ପଢନ୍ତୁ: ପଞ୍ଚଭୂତରେ ବିଲୀନ ହେଲେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ; ରାଷ୍ଟ୍ରୀୟ ମର୍ଯ୍ୟାଦାର ସହ ହେଲା ଶେଷକୃତ୍ୟ, ଜନସମୁଦ୍ର ପାଲଟିଲା ବାରାମତୀ