ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସ କହିଛନ୍ତି ଯେ ଆସନ୍ତା ୧୦ ବର୍ଷ ମଧ୍ୟରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (ଏଆଇ) ହେତୁ ଲୋକଙ୍କୁ ସପ୍ତାହରେ ମାତ୍ର ୨ କିମ୍ବା ୩ ଦିନ କାମ କରିବାକୁ ପଡିବ। ଜିମି ଫାଲନଙ୍କ ଅଭିନୀତ ଦି ଟନାଇଟ ସୋ’ରେ ଗେଟ୍ସ ଏହା କହିଛନ୍ତି। ସେ କହିଛନ୍ତି ଯେ ଏଆଇ ହେତୁ ଅନେକ କାର୍ଯ୍ୟ ସହଜ ହେବ ଏବଂ ଡାକ୍ତରଙ୍କ ପରାମର୍ଶ କିମ୍ବା ଶିକ୍ଷା ଭଳି ସେବା ମଧ୍ୟ ଉନ୍ନତ ହେବ। ସେ ଆହୁରି ମଧ୍ୟ କହିଛନ୍ତି ଯେ ଏଆଇ ନିଜେ ଅନେକ କାମ କରିବ, ଯାହା ମଣିଷର ଆବଶ୍ୟକତାକୁ ହ୍ରାସ କରିବ।ଏଥିସହିତ ଲୋକଙ୍କ କାମ କରିବାର ତରିକା ମଧ୍ୟ ସମ୍ପୂର୍ଣ୍ଣ ଭାବେ ବଦଳିଯିବ ବୋଲି ସେ କହିଛନ୍ତି ।

୨୦୨୩ ମସିହାରେ ମଧ୍ୟ ସେ କହିଥିଲେ ଯେ ଏଇ କାରଣରୁ ଲୋକମାନେ ସପ୍ତାହରେ ମାତ୍ର ୩ ଦିନ କାମ କରିପାରିବେ। କିନ୍ତୁ ସେ ଏହା ମଧ୍ୟ ସ୍ୱୀକାର କରିଛନ୍ତି ଯେ ପ୍ରତ୍ୟେକ କାର୍ଯ୍ୟ ଏଆଇ ଦ୍ୱାରା ପ୍ରଭାବିତ ହେବ ନାହିଁ ।

ତେବେ ବିଲ ଗେଟ୍ସଙ୍କ ଏହି ଭାରତରେ ଭାରତର କାର୍ଯ୍ୟକରିବାର ତରିକାଠୁ ସମ୍ପୂର୍ଣ୍ଣ ଭିନ୍ନ। କାରଣ ଭାରତରେ ଏମିତି ଅନେକ ବିଜନେସ ଲିଡ଼ର ରହିଛନ୍ତି,ଯେଉଁମାନେ ଅଧିକ ସମୟ କାମ କରିବାକୁ ଜରୁରୀ ବୋଲି ଭାବନ୍ତି। ଇନଫୋସିସ୍ ପ୍ରତିଷ୍ଠାତା ନାରାୟଣ ମୁର୍ତ୍ତୀ ଏବଂ ଲାରସେନ୍ ଆଣ୍ଡ ଟୁବ୍ରୋ ଅଧ୍ୟକ୍ଷ ଏସ୍.ଏନ୍ ସୁବ୍ରମଣ୍ୟନ୍ କହିଛନ୍ତି ଯେ ଦେଶର ପ୍ରଗତି ପାଇଁ ଲୋକମାନେ ଅଧିକ ଘଣ୍ଟା କାମ କରିବା ଉଚିତ୍। ଆନ୍ତର୍ଜାତୀୟ ଶ୍ରମ ସଂଗଠନ (ଆଇଏଲଏ) ଅନୁଯାୟୀ ଭାରତ ହେଉଛି ବିଶ୍ୱର ସବୁଠାରୁ ଅଧିକ କାର‌୍ୟ୍ୟକ୍ଷମ ଦେଶ। ଏଠାରେ ୫୧% କର୍ମଚାରୀ ପ୍ରତି ସପ୍ତାହରେ ୪୯ ଘଣ୍ଟାରୁ ଅଧିକ କାମ କରନ୍ତି ।

କଣ ଭାରତରେ ଏହା ଲାଗୁ ହେବ କି?

ଏଆଇର ଆସିବା ଦ୍ୱାରା ଅନେକ ଦେଶରେ କାମ କରିବାର ସମୟ ହ୍ରାସ ହୋଇପାରେ ହେଲେ ଭାରତରେ ଏହା ଶୀଘ୍ର ଲାଗୁ ହେବ ନାହିଁ। କାରଣ ଏଠାକାର ପରିସ୍ଥିତି, ଜନସଂଖ୍ୟା ଏବଂ ଲୋକଙ୍କ ଦକ୍ଷତା ଉପରେ ନିର୍ଭର କରିବ। କିନ୍ତୁ ଆଗାମୀ ସମୟରେ ଏଆଇ କାମ କରିବାର ଶୈଳୀକୁ ନିଶ୍ଚିନ୍ତ ଭଭାବେ ପରିବର୍ତ୍ତନ କରିବ।

ଅଧିକ ପଢନ୍ତୁ: କର୍ଣ୍ଣାଟକ ରାଜପଥରେ ଛାତିଥରା ଦୁର୍ଘଟଣା; ଚାଲିଗଲା ଗୋଟିଏ ପରିବାରର ୩ ଜଣଙ୍କ ଜୀବନ; ସାମ୍ନାକୁ ଆସିଲା ସିସିଟିଭ ଫୁଟେଜ