ନୂଆଦିଲ୍ଲୀ: କେନ୍ଦ୍ର ସଡକ ଓ ପରିବହନ ମନ୍ତ୍ରୀ ନୀତିନ ଗଡକରୀ ଛତ୍ରପତି ଶିବାଜୀ ମହାରାଜଙ୍କୁ ୧୦୦ ପ୍ରତିଶତ ଧର୍ମ ନିରପେକ୍ଷ ଶାସକ ଦର୍ଶାଇଛନ୍ତି । ପ୍ରତି ଧର୍ମକୁ ସମ୍ମାନ କରୁଥିବା ଶାସକ ଥିଲେ ଛତ୍ରପତି ଶିବାଜୀ ମହାରାଜ । ଶିବାଜୀଙ୍କ ପ୍ରତି ମୋର ଅଭିଭାବକଙ୍କ ମନରେ ସ୍ୱତନ୍ତ୍ର ସ୍ଥାନ ରହିଛି । ଶିବାଜୀଙ୍କ ଉପରେ ବର୍ଣ୍ଣିତ ଏକ ପୁସ୍ତକର ବିମୋଚନ କରି ଏହା କହିଛନ୍ତି ନୀତିନ ଗଡକରୀ । 

ଗଡକରୀ କହିଛନ୍ତି, ଆଜି ସେକ୍ୟୁଲାର ଶବ୍ଦର ବହୁତ ପ୍ରଚଳନ ଚାଲିଛି । ମାତ୍ର ଇଂରାଜୀ ଶବ୍ଦକୋଷରେ ଯେଉଁ ସେକ୍ୟୁଲାର ଶବ୍ଦ ରହିଛି ତାର ଅର୍ଥ ପନ୍ଥ ଧର୍ମନିରପେକ୍ଷ ନୁହେଁ । ସେକ୍ୟୁଲାରର ଅର୍ଥ ସମସ୍ତ ପନ୍ଥକୁ ଏକ ସମାନ ସମ୍ମାନ କରିବା ଉଚିତ୍ । ସେକ୍ୟୁଲାରର ଅର୍ଥ ହିଁ ଏହା । ଛତ୍ରପତି ଶିବାଜୀ ନିଜ ଜୀବନକୁ ଲୋକ କଲ୍ୟଣା ପାଇଁ ସମର୍ପିତ କରିଥିଲେ ଓ ନିରପେକ୍ଷର ସିଦ୍ଧାନ୍ତ ସହ କାମ କରୁଥିଲେ ।

ମହାରାଷ୍ଟ୍ର ଗୃହରେ ନୀତିନ ଗଡକରୀ କହିଛନ୍ତି, ମହାରାଜ ଶିବାଜୀ ନିଜ ଜୀବନରେ ଅନେକ ଯୁଦ୍ଧ ଲଢିଛନ୍ତି । ମାତ୍ର କେବେ ବି ସେ କୌଣସି ମସଜିଦ ଉପରେ ଆକ୍ରମଣ କରି ନାହାନ୍ତି । ସେ ସର୍ବଦା ମହିଳାଙ୍କ ସମ୍ମାନ କରୁଥିଲେ । ଜନତାଙ୍କ ପ୍ରତି ସମର୍ପିତ ଶାସକ ଥିଲେ । ତାଙ୍କର ପ୍ରଶାସନ କଠୋର ଥିଲା ଏବଂ ଜନତାଙ୍କ ପ୍ରତି ହିତୈଷୀ ଥିଲା । 

ଗଡକରୀ ପ୍ରତାପଗଡ ଲଢେଇର ଉଲ୍ଲେଖ କରିଛନ୍ତି । ଏହି ଯୁଦ୍ଧ ୧୬୫୯ ନଭେମ୍ବର ୧୦ରେ ଶିବାଜୀ ମହାରାଜ ଓ ବିଜାପୁରର ସୈନିକଙ୍କ ମଧ୍ୟରେ ହୋଇଥିଲା । ବିଜାପୁରର ସୈନିକଙ୍କ ନେତୃତ୍ୱ ନେଇଥିଲେ ଅଫଜଲ ଖାନ । ଯୁଦ୍ଧରେ ଅଫଜଲ ଖାନ ନିହତ ହୋଇଥିଲେ । ତଥାପି ଶିବାଜୀ ତାଙ୍କୁ ଶତ୍ରୁ ଭାବେ ବ୍ୟବହାର ନ କରି ଅଫଜଲଙ୍କ ମର ଶରୀରକୁ ସମ୍ମାନର ସହିତ ପ୍ରତାପଗଡ କିଲ୍ଲାରେ କବର ଦେବାକୁ ଆଦେଶ ଦେଇଥିଲେ । ସବୁଠୁ ବଡ କଥା ସେ ଯେଉଁ ସୈନିକଙ୍କୁ ଆଦେଶ ଦେଇଥିଲେ, ସେମାନେ ମୁସଲିମ ସଂପ୍ରଦାୟର ଥିଲେ ।