ହରିୟାଣା: ସଚିନ୍ ପାଇଲଟ, କଂଗ୍ରେସ ଦଳର ଜଣେ ଟାଣୁଆ ବିଧାୟକ। ଏହି ବିଧାୟକଙ୍କୁ କିଏ ବା ନ ଜାଣେ। ରାଜସ୍ଥାନ ରାଜନୀତିର ଆଗଧାଡ଼ିର ନେତା ଯାହାଙ୍କ ଲୋକପ୍ରିୟତା ବି ଢେର ଅଧିକା। ବିଶେଷ କରି ଅଧିକାଂଶ ଯୁବପିଢୀମାନେ ସଚିନଙ୍କ ପ୍ରେମରେ ବାୟିଆ ହୁଅନ୍ତି। ସବୁଆଡେ ସଚିନଙ୍କ ପ୍ରଂଶସକମାନେ ରହିଛନ୍ତି। ନିଜ ନେତୃତ୍ୱକୁ ନେଇ ସେ ଯେତିକି ଚର୍ଚ୍ଚାରେ ଥାଆନ୍ତୁ ନା କାହିଁକି ତାଠୁ ଅଧିକ ଚର୍ଚ୍ଚାରେ ନିଜ ସୁନ୍ଦର ଚେହେରା ପାଇଁ। ଏବେ ଏଇ ନେତାଙ୍କ ପ୍ରେମରେ ପଡିଛନ୍ତି ହରିୟାଣାର ନୈନା ନାମକ ଜଣେ ମହିଳା ସରପଞ୍ଚ।
ନିକଟରେ ଏକ ଟିଭି ଚ୍ୟାନଲରେ ସାକ୍ଷାତକାରରେ ସେ ଖୋଲାଖୋଲି ଭାବେ କହିଛନ୍ତି, ‘ସଚିନ ପାଇଲଟ୍ ତାଙ୍କର କ୍ରସ୍। ସେ ହୃଦୟରୁ ସୁନ୍ଦର। ତାଙ୍କ ନିକଟରେ ଏକ ସରଳ ସୁନ୍ଦର ବ୍ୟକ୍ତିତ୍ୱ ରହିଛି। ମତେ ୧୪ ବର୍ଷ ବୟସ ହୋଇଥିବା ବେଳେ ସେତେବେଳଠୁ ସେ ମୋର କ୍ରସ ହୋଇଛନ୍ତି। ଆଗକୁ ବି ସେ ହିଁ ମୋର କ୍ରସ ହୋଇ ରହିବେ। ତେବେ ମୁଁ ତାଙ୍କୁ ଆଗକୁ ରାଜସ୍ଥାନର ମୁଖ୍ୟମନ୍ତ୍ରୀ ଆସନରେ ଦେଖିବାକୁ ଚାହୁଁଛି। ତେବେ ଏପର୍ଯ୍ୟନ୍ତ ଯଦିଓ ମୁଁ ତାଙ୍କୁ ଭେଟିବାକୁ ସୁଯୋଗ ପାଇନାହିଁ, ତଥାପି ଖୁବ୍ଶୀଘ୍ର ମୁଁ ତାଙ୍କୁ ଭେଟିବାକୁ ଚାହୁଁଛି। ତାଙ୍କ ସହ ନିରୋଳାରେ ବସି ଗୋଟେ କପ୍ କଫି ପିଇବାକୁ ଚାହେଁ’ ବୋଲି ହରିୟାଣାର ମହିଳା ସରପଞ୍ଚ ନୈନା କହିଛନ୍ତି।
ସାକ୍ଷାତକାର ସମୟରେ ନୈନା ଆହୁରି ମଧ୍ୟ କହିଛନ୍ତି, ସଚିନଙ୍କୁ ନେଇ ମୁଁ କହୁଥିବା କଥାକୁ ନେଇ ଯଦି କିଏ ଟ୍ରୋଲ କରନ୍ତି, ତେବେ ସେଥିରୁ ମୋର କୌଣସି ଫରକ ପଡ଼ିବ ନାହିଁ। ସଚିନ୍ ମୋର ପ୍ରିୟ ଥିଲେ, ଅଛନ୍ତି, ଏବଂ ଆଗକୁ ମଧ୍ୟ ରହିବେ।
ତେବେ ଏଠାରେ କଥା ରଖୁଛୁ, ସଚିନ ପାଇଲଟଙ୍କ ସହ ତାଙ୍କ ପତ୍ନୀଙ୍କ ଛାଡ଼ପତ୍ର ହୋଇସାରିଛି। ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ଝିଅ ସାରା ଅବଦୁଲ୍ଲାଙ୍କୁ ପ୍ରେମ ବିବାହ କରିଥିଲେ ସଚିନ୍ । ବିଦେଶରେ ଦୁହେଁ ପାଠ ପଢୁଥିବା ବେଳେ ପ୍ରେମ ହେବା ପରେ ୨୦୦୪ରେ ବିବାହ କରିଥିଲେ। ହେଲେ ଏ ବିବାହକୁ ନେଇ ଖୁସି ନଥିଲେ ସାରାଙ୍କ ବାପା ଫାରୁକ ଅବଦୁଲ୍ଲା। ତେବେ ସଚିନ ଓ ସାରାଙ୍କ ୨ଟି ଝିଅ ରହିଥିବା ବେଳେ ସେମାନଙ୍କ ଭିତରେ କେବେ ଛାଡ଼ପତ୍ର ହେଲା, ତାହା ଜଣାପଡ଼ିନାହିଁ, ହେଲେ ୨୦୨୩ ବିଧାନସଭା ନିର୍ବାଚନ ବେଳେ ନାମାଙ୍କନ ଦାଖଲ ସମୟରେ ଛାଡ଼ପତ୍ର ହୋଇସାରିଥିବା ଜଣାପଡ଼ିଥିଲା। କାରଣ ଏହାପୂର୍ବର ୨୦୧୮ ବେଳକୁ ନାମାଙ୍କନ ଦାଖଲରେ ସଚିନ୍ ନିଜ ପତ୍ନୀଙ୍କ ନାଁ ସାରା ପାଇଲଟ ବୋଲି ନାମାଙ୍କନ ପତ୍ରରେ ଲେଖିଥିଲେ।