କର୍ଣ୍ଣାଟକ: କର୍ଣ୍ଣାଟକ ରାଜପଥରେ ଏକ ଛାତିଥରା ଦୁର୍ଘଟଣା ଘଟିଛି। ରାଜପଥର ୧୫୦ଏ ଚିତ୍ରାଦୁର୍ଗା ଜିଲ୍ଲାରେ ଘଟିଛି ଏହି ହୃଦୟ ବିଦାରକ ଦୁର୍ଘଟଣା। ଏଥିରେ ଗୋଟିଏ ପରିବାରର ୩ ଜଣ ପ୍ରାଣ ହରାଇଛନ୍ତି। ମୃତକ ୩ ଜଣ ହେଉଛନ୍ତି ସମ୍ପର୍କରେ ବାପା ଏବଂ ତାଙ୍କର ୨ ନାଳବକ ପୁଅ। ସେହିପରି ଗାଡ଼ିରେ ଥିବା ଅନ୍ୟ ୩ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି।
ଘଟଣା ମୁତାବିକ ୩୫ ବର୍ଷୀୟ ମୌଲା ଅବଦୁଲ ଗାଡ଼ି ଚଳାଉଥିଲେ। ସାଙ୍ଗରେ ତାଙ୍କର ୧୫ ବର୍ଷୀୟ ପୁଅ ରେହମାନ ଓ ୧୦ ବର୍ଷୀୟ ପୁଅ ସମୀର ରହିଥିଲେ। ଏହି ଦୁର୍ଘଟଣାରେ ୩ଜଣ ଯାକ ପ୍ରାଣ ହରାଇଛନ୍ତି। ସେହିପରି ମୌଲାଙ୍କ ପତ୍ନୀ ସଲିମା ବେଗମ, ତାଙ୍କ ମା ଫତିମା ଏବଂ ପୁଅ ହୁସେନ ସେଇ ଗାଡ଼ିରେ ଥିବା ବେଳେ ସେମାନେ ଗୁରୁତର ହୋଇ ଚିକିତ୍ସିତ ହେଉଛନ୍ତି।
ଏହି ମର୍ମନ୍ତୁଦ ଦୁର୍ଘଟଣାର ସିସିଟିଭି ଫୁଟେଜ୍ ସାମ୍ନାକୁ ଆସିଛି ଯେଉଁଥିରେ ଦେଖାଯାଉଛି ଯେ ଏକ କାର ଡିଭାଇଡରରେ ପିଟି ହେବା ପରେ ୧୫ ଥର ଓଲଟି ପଡ଼ିଛି । ଦୁର୍ଘଟଣାର ଦୃଶ୍ୟ ଏତେ ଭୟଙ୍କର ଥିଲା ଯେ, ଏହି ଭିଡ଼ିଓ ଏବେ ଭାଇରାଲ ହେବାରେ ଲାଗିଛି।