ଶ୍ରୀନଗର: ଜମ୍ମୁ କାଶ୍ମୀର ଶ୍ରୀନଗରରୁ ଆଶ୍ଚର୍ଯ୍ୟ କରିବା ଭଳି ଖବର ସାମ୍ନାକୁ ଆସିଛି । ଅନନ୍ତନାଗର ଜଣେ ପୂର୍ବତନ ଡାକ୍ତର ଅଦୀଲ ଅହମ୍ମଦ ରଦରଙ୍କ ଲକରରୁ ମିଳିଛି ଏକ-୪୭ ରାଇଫଲ୍ । ସେ ଜଲଗୁଣ୍ଡ ଅନନ୍ତନାଗର ବାସିନ୍ଦା ହୋଇଥିବାବେଳେ ଅନନ୍ତନାଗ ଜିଏମସିରେ କାର୍ଯ୍ୟରତ ଥିଲେ । ସେ ୨୦୨୪, ଅକ୍ଟୋବର ୨୪ ପର୍ଯ୍ୟନ୍ତ ସେଠାରେ କାର୍ଯ୍ୟରତ ଥିଲେ । ପୋଲିସ ରାଇଫଲକୁ ନିଜ ହେପାଜତକୁ ନେଇଛି । 

ନୌଗାମ ଥାନା ପୋଲିସ ୧୬୨/୨୦୨୫ରେ ଏକ ଏତଲା ରୁଜୁ କରିଛି । ଭାରତୀୟ ବନ୍ଧୁକ ଅଧିନିୟମର ବିଭିନ୍ନ ଧାରା ସହିତ ୟୁଏପିଏ ଧାରାରେ ମାମଲା ରୁଜୁ ହୋଇଛି । ପୋଲିସ ଏବଂ ତଦନ୍ତ ଅଧିକାରୀମାନେ ଏହାକୁ ଗମ୍ଭୀରତାର ସହିତ ନେଇଛି । ଅଦୀଲ ଅହମ୍ମଦ ରଦରଙ୍କ ବିରୁଦ୍ଧରେ ଏପରି ହତିଆର ରଖିବାକୁ ନେଇ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ମାମଲା ଚାଲୁ ହୋଇପାରେ । 

ଶ୍ରୀନଗର ପୋଲିସ ଅଦୀଲଙ୍କୁ ନିଜ ହେପାଜତକୁ ନେଇ ପଚରାଉଚରା କରୁଛି । ଏଥିରେ ସମସ୍ତ ଡିଜିଟାଲ୍ ଏବଂ କାଗଜପତ୍ର ପ୍ରମାଣକୁ ମଧ୍ୟ ଧ୍ୟାନ ଦିଆଯାଉଛି । ଏହାକୁ ରାଜ୍ୟର ଆଇନ ବ୍ୟବସ୍ଥା ଏବଂ ସୁରକ୍ଷା ବଡ଼ ସଙ୍କଟ ବୋଲି ବିବେଚନା କରାଯାଉଛି । 

ଅନ୍ୟପକ୍ଷରେ ଜମ୍ମୁ କାଶ୍ମୀରର ଦୁଇ ପ୍ରମୁଖ କାରାଗାରରେ ଆତଙ୍କବାଦୀ ଗତିବିଧି ନେଇ ଚଢ଼ଉ କରାଯାଇଛି । ଶ୍ରୀନଗର ସେଣ୍ଟ୍ରାଲ ଜେଲ ଏବଂ କୁପୱାଡ଼ା ଜେଲରେ ଚଢ଼ଉ ହୋଇଛି । ସେପଟେ କୁପୱାଡାର କେରାନ ସେକ୍ଟରରେ ସେନାର ଏନକାଉଣ୍ଟରରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି ।