ନୂଆଦିଲ୍ଲୀ: ମହିଳା ସଂରକ୍ଷଣ ବିଲ୍ ଉପରେ ପୂର୍ବତନ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଶନିବାର କଂଗ୍ରେସ ଉପରେ ଶାଣିତ ସ୍ଵରରେ ଆକ୍ରମଣ କରିଛନ୍ତି। ସେ କଂଗ୍ରେସ ଦଳ ଉପରେ ଅଭିଯୋଗ କରିଛନ୍ତି ଯେ ଏହି ପାର୍ଟି ମହିଳାମାନଙ୍କ ସହିତ ବିଶ୍ଵାସଘାତ କରିଛି। ଲୋକସଭାରେ ମହିଳା ସଂରକ୍ଷଣ ଲାଗୁ କରିବା ଏବଂ ଆସନ ସଂଖ୍ୟା ବୃଦ୍ଧି କରିବା ପାଇଁ ସମ୍ବିଧାନ ସଂଶୋଧନ ବିଲ୍ ସଂସଦର ନିମ୍ନ ସଦନରେ ବିଫଳ ହେବା ପରେ ଏହାର ରାଜନୈତିକ ଆଶାର ପରାଜୟକୁ ପାଳନ କରୁଛନ୍ତି ବିରୋଧୀ।

ସ୍ମୃତି ଇରାନୀ କହିଛନ୍ତି, କଂଗ୍ରେସ ଏବଂ ଏହାର ସହଯୋଗୀ ଦଳଗୁଡ଼ିକ ବିଧାନସଭାରେ ମହିଳାଙ୍କୁ ୩୩ ପ୍ରତିଶତ ସଂରକ୍ଷଣ ନ ଦେବା ନେଇ ଖୁସି ଅଛନ୍ତି। ଯଦିଓ ବିଭିନ୍ନ ଦଳର ମହିଳା ନେତ୍ରୀମାନେ ଦଶନ୍ଧି ଧରି ଏହା ପାଇଁ ଦାବି କରିଆସୁଛନ୍ତି। କିନ୍ତୁ ପ୍ରକୃତ ସମୟରେ ବିରୋଧୀ ନିଜର ଅସଲ ରୂପ ଦେଖାଇଛି। 

ସେ ଅଭିଯୋଗ କରିଛନ୍ତି ଯେ ଗତକାଲି ଲୋକସଭାରେ ଯେଉଁମାନେ ତାଳି ମାରିଥିଲେ ଏବଂ ଟେବୁଲ ବାଡ଼େଇଥିଲେ, ଦେଶ ସେହି ନେତା ଓ ପାର୍ଟିଗୁଡ଼ିକୁ କ୍ଷମା କରିବେ ନାହିଁ। ଗତକାଲି ଯେଉଁମାନେ ଜୋରରେ ହସିଥିଲେ, ମହିଳାମାନେ ସେହି ନେତା ଓ ସାଂସଦମାନଙ୍କୁ କ୍ଷମା କରିବେ ନାହିଁ। ନିର୍ବାଚନରେ ସେମାନଙ୍କୁ ଭୋଟର ଉଚିତ୍ ଜବାବ ଦେବେ। 

ସ୍ମୃତି ଇରାନୀ ଏହା ମଧ୍ୟ କହିଛନ୍ତି ସଂସଦରେ କେବଳ ୩୩ ପ୍ରତିଶତ ସଂରକ୍ଷଣ ଦାବି କରୁଥିବା ମହିଳାମାନଙ୍କୁ ସେମାନଙ୍କ ଅଧିକାରରୁ ବଞ୍ଚିତ କରାଯାଉଛି। ମହିଳା ସଂରକ୍ଷଣ ବିଧେୟକ କାର୍ଯ୍ୟକାରୀ କରିବା ଏବଂ ଲୋକସଭାରେ ଆସନ ସଂଖ୍ୟା ବୃଦ୍ଧି କରିବା ପାଇଁ ସାମ୍ବିଧାନିକ ସଂଶୋଧନ ବିଲ୍ ଶୁକ୍ରବାର ଲୋକସଭାରେ କାଟ୍ ଖାଇଛି। ଆବଶ୍ୟକ ଦୁଇ-ତୃତୀୟାଂଶ ସମର୍ଥନ ମିଳି ପାରି ନ ଥିଲା। ବିଲ୍ ସପକ୍ଷରେ ୨୯୮ ସଦସ୍ୟ ଭୋଟ ଦେଇଥିବା  ବିପକ୍ଷରେ ୨୩୦ ସାଂସଦ ଭୋଟ ଦେଇଥିଲେ। ଭୋଟ ଦେଇଥିବା ୫୨୮ ସଦସ୍ୟଙ୍କ ମଧ୍ୟରୁ, ବିଲ୍ ପାସ୍ ପାଇଁ ୩୫୨ ଭୋଟ ଆବଶ୍ୟକ ଥିଲା।

ସେ ଦାବି କରିଛନ୍ତି ଯେ କଂଗ୍ରେସ ପ୍ରାୟ ୯୮ ବର୍ଷ ଧରି ମହିଳା ରାଜନୈତିକ ଅଧିକାରର ଦୃଷ୍ଟିକୋଣକୁ ଆଗକୁ ବଢ଼ାଇବା ପାଇଁ ଶ୍ରେୟ ନେଇଛି। ହେଲେ ଏହି ପାର୍ଟିର ବାସ୍ତବ ରୂପ ଗତକାଲି ସଂସଦର ନିମ୍ନସଦନ ଲୋକସଭାରେ ଦେଖିବାକୁ ମିଳିଛି। ଏମାନଙ୍କୁ ଦେଶ କଦାପି କ୍ଷମା କରିବନି ବୋଲି ସ୍ମୃତି କହିଛନ୍ତି।