ନୂଆଦିଲ୍ଲୀ: ଅତୁଲଙ୍କ ସୁବାଷଙ୍କ ପୁଅ କାହା ପାଖରେ ରହିବ ତାହାକୁ ନେଇ ସୁପ୍ରିମକୋର୍ଟରେ ଚାଲିଥିବା ବିବାଦର ଅନ୍ତ ଘଟିଛି । ମାମଲାର ବିଚାର କରି ସୁପ୍ରିମକୋର୍ଟ କହିଛନ୍ତି ଯେ, ପୁଅ ତା’ ର ମାଆ ପାଖରେ ରହିବ । ଅତୁଲଙ୍କ ମାଆ ଅଞ୍ଜୁ ଦେବୀ ନିଜ ନାତିକୁ ପାଖରେ ରଖିବା ପାଇଁ କରିଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି ।

ମାମଲାର ବିଚାର କରି ସୁପ୍ରିମକୋର୍ଟ କହିଛନ୍ତି ଯେ, ପୁଅ ତା’ ର ମାଆ ନିକିତା ସିଂଘାଣିଆ ପାଖରେ ରହିବ । ଅତୁଲଙ୍କ ଆତ୍ମହତ୍ୟା ପରେ ନିକିତା ଓ ତାଙ୍କ ପରିବାର ଲୋକଙ୍କ ବିରୋଧରେ ଆତ୍ମହତ୍ୟା ପାଇଁ ଉସୁକାଇବା ଅଭିଯୋଗରେ କେସ୍ ଚାଲିଛି । ଏହି ମାମଲାର ଶୁଣାଣି ବେଳେ ଜଷ୍ଟିସ ବି ଭି ନାଗରତ୍ନା ଓ ଜଷ୍ଟିସ୍ ଏସ ସି ଶର୍ମାଙ୍କୁ ନେଇ ଗଠିତ ଖଣ୍ଡପୀଠ କହିଥିଲେ, ବାସ୍ତବରେ ନାତି ପାଇଁ ତାଙ୍କ ଜେଜେ ମାଆ ଅପରିଚିତ । ଦୁଇ ଜଣଙ୍କ ମଧ୍ୟରେ ଏତେ ଜଣାଶୁଣା ନାହିଁ ।

ସୁପ୍ରିମକୋର୍ଟ କହିଛନ୍ତି ଯେ ପିଲାଟି ତା’ ମାଆ ପାଖରେ ଅଛି। ଯଦି ଜେଜେମାଆ ପିଲାଟିର ହେପାଜତ ଚାହାଁନ୍ତି, ତେବେ ସେ ଉପଯୁକ୍ତ ଆଇନଗତ ଫୋରମର ପାଖକୁ ଯାଇପାରିବେ। ସୁପ୍ରିମକୋର୍ଟ ଏପରି ମାମଲାଗୁଡ଼ିକର ସିଧାସଳଖ ଶୁଣାଣି କରନ୍ତି ନାହିଁ। ଜଷ୍ଟିସ ବି.ଭି. ନାଗାରତ୍ନା ଏବଂ ଜଷ୍ଟିସ ଏସ.ସି. ଭିଡିଓ ଲିଙ୍କ ମାଧ୍ୟମରେ ପିଲାଟି ସହିତ କଥା ହେବା ପରେ ଅତୁଲ ସୁଭାଷଙ୍କ ମାଆ ଅଞ୍ଜୁ ଦେବୀଙ୍କ ଆବେଦନର ଜବାବରେ ଶର୍ମା ଏହି ନିଷ୍ପତ୍ତି ଦେଇଛନ୍ତି। 

ଅତୁଲଙ୍କ ପୁଅ ଏବେ ହରିୟାଣାରେ ଏକ ବୋର୍ଡିଂ ସ୍କୁଲରେ ରହି ପାଠ ପଢୁଛି । ଏହି ଛୋଟ ପିଲାର ଅବସ୍ଥା ସଂପର୍କରେ ସୁପ୍ରିମକୋର୍ଟ ହରିୟାଣା ସରକାର ଓ ମାଆ ନିକିତା ସିଂଘାଣିଆ ସତ୍ୟପାଠ ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ ।

ସୂଚନାଯୋଗ୍ୟ, ଅତୁଲ ସୁଭାଷଙ୍କ ମାଆ ପିଲାଟିର ହେପାଜତ ମାଗିଥିଲେ। ଅତୁଲଙ୍କ ମାଆ ଅଞ୍ଜୁ ଦେବୀ ପ୍ରାର୍ଥନା କରିଥିଲେ ଯେ, ଏତେ କମ୍ ବୟସରେ ମୋ ନାତିକୁ ବୋର୍ଡିଂ ସ୍କୁଲକୁ ଛଡା ନ ଯାଉ । ଅତୁଲଙ୍କ ମୃତ୍ୟୁ ଘଟଣାରେ ନିକିତାଙ୍କ ଭୂମିକା ରହିଛି । କୋର୍ଟ କହିଥିଲେ ଯେ, ଏହି ମାମଲାରେ ନିକିତା ଏବେ ସୁଦ୍ଧା ଦୋଷୀ ସାବ୍ୟସ୍ତ ହୋଇନାହାନ୍ତି । ଗଣମାଧ୍ୟମର ରିପୋର୍ଟ ଆଧାରରେ କିଛି ବି ଚୂଡାନ୍ତ ନିଷ୍କର୍ସ ବାହାର କରାଯାଇପାରିବ ନାହିଁ ।