ଦେଓଘର: ଝାଡ଼ଖଣ୍ଡର ଦେଓଘରରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଅନେକ କାଉଡ଼ିଆ ପ୍ରାଣ ହରାଇଛନ୍ତି। ଏହି ସଡ଼କ ଦୁର୍ଘଟଣାରେ ଅତି କମରେ ପାଞ୍ଚ ଜଣ କାଉଡ଼ିଆଙ୍କ ମୃତ୍ୟୁ ଘଟିଛି ଏବଂ ଅନେକ ଆହତ ହୋଇଛନ୍ତି। ଜଣେ ପୋଲିସ ଅଧିକାରୀ କହିଛନ୍ତି ଯେ ଭୋର ପ୍ରାୟ ୪.୩୦ ସମୟରେ ମୋହନପୁର ଥାନା ଅଞ୍ଚଳର ଜାମୁନିଆ ଜଙ୍ଗଲ ନିକଟରେ କନୱାରିଆ ଭର୍ତ୍ତି ବସ୍ ଏବଂ ଗ୍ୟାସ୍ ସିଲିଣ୍ଡର ବୋଝେଇ ଗାଡ଼ି ମଧ୍ୟରେ ଧକ୍କା ହେବା ପରେ ଏହି ଦୁର୍ଘଟଣା ଘଟିଛି।

ପୋଲିସ ମହାନିରୀକ୍ଷକ (ଡୁମକା ଅଞ୍ଚଳ) ଶୈଳେନ୍ଦ୍ର କୁମାର ସିହ୍ନା ଗଣମାଧ୍ୟମର ପ୍ରତିନିଧିଙ୍କୁ କହିଛନ୍ତି, ଦେଓଘରର ମୋହନପୁର ଥାନା ଅଞ୍ଚଳର ଜାମୁନିଆ ଜଙ୍ଗଲ ନିକଟରେ କନୱାରିଆ ଭର୍ତ୍ତି ଏକ ବସ୍ ଏବଂ ଗ୍ୟାସ୍ ସିଲିଣ୍ଡର ବୋଝେଇ ଟ୍ରକ୍ ଧକ୍କା ହୋଇଛି, ଯେଉଁଥିରେ ଅତି କମରେ ପାଞ୍ଚ ଜଣଙ୍କର ମୃତ୍ୟୁ ହୋଇଛି ଏବଂ ଅନେକ ଆହତ ହୋଇଛନ୍ତି। 

ଜଣେ ଅଧିକାରୀ କହିଛନ୍ତି ଯେ ଅନେକ ଆହତଙ୍କ ଅବସ୍ଥା ଗୁରୁତର ଥିବାରୁ ମୃତକଙ୍କ ସଂଖ୍ୟା ବୃଦ୍ଧି ପାଇପାରେ। ସେ କହିଛନ୍ତି ଯେ ଜିଲ୍ଲା ପ୍ରଶାସନକୁ ସତର୍କ କରାଯାଇଛି ଏବଂ ଆହତମାନଙ୍କୁ ନିକଟସ୍ଥ ଡାକ୍ତରଖାନା ଏବଂ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଛି।

ଟ୍ରାଫିକ୍ ପୋଲିସ ଡେପୁଟି ସୁପରିଣ୍ଟେଣ୍ଡେଣ୍ଟ ଲକ୍ଷ୍ମଣ ପ୍ରସାଦ କହିଛନ୍ତି ଯେ ଦୁର୍ଘଟଣାରେ ଅତି କମରେ ନଅ ଜଣଙ୍କର ମୃତ୍ୟୁ ହୋଇଛି ଏବଂ ଆହତମାନଙ୍କୁ ତୁରନ୍ତ ଡାକ୍ତରଖାନାକୁ ପଠାଯାଉଛି।

ଅଧିକ ପଢ଼ନ୍ତୁ: ଏସିଆ କପ୍‌’ରେ ପାକିସ୍ତାନ ସହ ଭାରତ ଖେଳିବା ଉଚିତ ନୁହେଁ