ଆଜି ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୩ ତମ ଜନ୍ମଦିନ । ଏହି ଅବସରରେ ଆଜି ଓଡ଼ିଆ ପୁଅଙ୍କୁ ସମ୍ମାନିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନାର ଶୁଭାରମ୍ଭ କରି ପୁରୀର ଟାହିଆ କାରିଗର ବସନ୍ତ ରଣାଙ୍କୁ ସମ୍ମାନିତ କରିଛନ୍ତି ।
ସୂଚନା ଅନୁସାରେ , ବସନ୍ତ ମହାପ୍ରଭୁଙ୍କ ବିଭିନ୍ନ ପ୍ରକାରର ବେଶ ପ୍ରସ୍ତୁତ କରିଥାନ୍ତି । ଯେପରିକି ମହାପ୍ରଭୁଙ୍କ ଟାହିଆ , ହାତୀ ବେଶ ଓ ନାଗାର୍ଜୁନ ବେଶ ଆଦିକୁ ଅତି ସୁନ୍ଦର ଭାବେ ସେ ପ୍ରସ୍ତୁତ କରିଥାନ୍ତି । ଆଜି ବସନ୍ତ ରଣାଙ୍କୁ ନୂଆଦିଲ୍ଲୀ ଦ୍ୱାରକାର ଯଶୋଭୂମି ପରିସରରେ ସମ୍ମାନିତ କରିଛନ୍ତି ପ୍ରଧାନମନ୍ତ୍ରୀ । ଆଜି ପିଏମ ବିଶ୍ଵକର୍ମା ଯୋଜନା ଶୁଭାରମ୍ଭ ହୋଇଥିବା ବେଳେ ଏହି କାର୍ଯ୍ୟକ୍ରମରେ ବିଭିନ୍ନ ଶିଳ୍ପକାରିଗରମାନଙ୍କୁ ସମ୍ମାନିତ କରାଯାଇଛି । ଜନ୍ମଦିନ ଅବସରରେ ସାରା ଦେଶରେ ଆରମ୍ଭ ହୋଇଯାଇଛି ବିଶ୍ବକର୍ମା ଯୋଜନା । ୧୯୫୦ ମସିହା ସେପ୍ଟେମ୍ବର ୧୭ ତାରିଖରେ ଗୁଜୁରାଟ ରାଜ୍ୟରେ ଜନ୍ମ ଗ୍ରହଣ କରିଥିଲେ ପ୍ରଧାନମନ୍ତ୍ରୀ ମୋଦି । ପ୍ରଧାନମନ୍ତ୍ରୀ ମୋଦି ୨୦୧୪ ମସିହାରୁ ଭାରତ ୧୪ତମ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରୁଛନ୍ତି । ତାଙ୍କ ୯ ବର୍ଷ ଶାସନ କାଳ ମଧ୍ୟରେ ଦେଶ ବିଭିନ୍ନ ଅର୍ଥନୀତି, ବୈଦେଶିକ ଓ ସାମରିକ କ୍ଷେତ୍ରରେ ଅନେକ ସଫଳତା ହାସଲ କରିଛି । କିଛି ନୂଆ ରୂପରେ ସାରା ଦେଶବାସୀମାନଙ୍କୁ ଭେଟି ଦେବେ " ବିଶ୍ବକର୍ମା ଯୋଜନା" । ବିଭିନ୍ନ କୌଳିକ ବୃତ୍ତିକୁ ନିଜର ଜୀବିକା କରିଥିବା ଲୋକଙ୍କୁ ସହାୟତା ପ୍ରଦାନ କରିବା ସହିତ ତାଙ୍କୁ ଉତ୍ସାହ ପ୍ରଦାନ କରିବା ପାଇଁ ଏକ ଭିନ୍ନ ପ୍ରୟାସ କରିଛନ୍ତି ପ୍ରଧାନମନ୍ତ୍ରୀ । ଏହି ଯୋଜନାରେ ପ୍ରାୟ ୧୩୦୦୦ କୋଟି ଟଙ୍କାର ବଡ଼ ପ୍ରକଳ୍ପ କରିଛନ୍ତି କେନ୍ଦ୍ର ସରକାର ।
ଏହି ଯୋଜନାରେ ୧୮ଟି ପାରମ୍ପରିକ ଶିଳ୍ପ ଓ ବୃତ୍ତିକୁ ସାମିଲ କରାଯାଇଛି । ପ୍ରଧାନମନ୍ତ୍ରୀଙ୍କର ଏହି ଯୋଜନାରେ ଦେଶରେ ପ୍ରାୟ ୩୦ ଲକ୍ଷରୁ ଅଧିକ ପରିବାର ଉପକୃତ ହେବେ ।ଏହି ଯୋଜନାରେ ଦକ୍ଷତା ବିକାଶ, ଉପକରଣ ପାଇଁ ସହାୟତା, ଡିଜିଟାଲ ପାଇଁ ପ୍ରୋତ୍ସାହନ ପାଇଁ ସହାୟତା ପ୍ରଦାନ କରାଯିବ ।
ଆଗକୁ ପଢନ୍ତୁ :- ସ୍ମୋକ ଆର୍ଟରେ ପ୍ରଧାନମନ୍ତ୍ରୀଙ୍କ ଫଟୋ