ନରେନ୍ଦ୍ର ମୋଦୀ ୨୦୧୪ରେ ସଂସଦର ପାହାଚରେ ମାରିଥିଲେ ମୁଣ୍ଡିଆ, ୨୦୧୯ରେ ସମ୍ବିଧାନ ସାମ୍ନାରେ ନୁଆଁଇଲେ ମୁଣ୍ଡ
Khabar Odisha:Politics-odisha-narendra-modi-bows-before-the-constitution-before-starting-his-address-at-the-nda-parliamentary-meeting
ନୂଆଦିଲ୍ଲୀ,ମେ୨୫(ଖବର ଓଡ଼ିଶା):

 ରାଷ୍ଟ୍ରୀୟ ଗଣତାନ୍ତ୍ରିକ ମେଣ୍ଟ(ଏନଡିଏ)ର ବୈଠକରେ ସଂସଦୀୟ ଦଳର ନେତା ଭାବେ ନିର୍ବାଚିତ ହେବା ପରେ ନରେନ୍ଦ୍ର ମୋଦୀ ସେଣ୍ଟ୍ରାଲ ହଲରେ ଉପସ୍ଥିତ ସାଂସଦଙ୍କୁ ସମ୍ବୋଧିତ କରିଛନ୍ତି।  ସେ ପ୍ରଥମ ଥର ସାଂସଦ ହୋଇ ଆସିଥିବା ନେତାଙ୍କୁ ବିଶେଷ ଭାବେ ଅଭିନନ୍ଦନ ଜଣାଇଥିଲେ। ଏହି ଅବସରରେ ନରେନ୍ଦ୍ର ମୋଦୀ କହିଛନ୍ତି ଯେ, ପ୍ରଚଣ୍ଡ ଜନାଦେଶ ଦାୟିତ୍ଵକୁ ଅଧିକ ବଢାଇଥାଏ। ସେ କହିଛନ୍ତି ଯେ, ଭାରତର ନିର୍ବାଚନ ବିଶ୍ଵ ପାଇଁ ଆଶ୍ଚର୍ଯ୍ୟ ଅଟେ। ଏହି ସମୟରେ ନରେନ୍ଦ୍ର ମୋଦୀ ‘ଭାରତର ସମ୍ବିଧାନ’ ସାମ୍ନାରେ ମୁଣ୍ଡ ନୁଆଁଇ  ନିଜର ଭାଷଣ ଆରମ୍ଭ କରିଥିଲେ।

ସୂଚନାଯୋଗ୍ୟ, ୨୦୧୪ ସାଧାରଣ ନିର୍ବାଚନ ଜିତିବା ପରେ ପ୍ରଥମ ଥର ସଂସଦ ପହଞ୍ଚିଥିବା ମୋଦୀ  ସଂସଦର ପାହାଚରେ ମୁଣ୍ଡିଆ ମାରି ଭିତରକୁ ପ୍ରବେଶ କରିଥିଲେ।  ୨୦୧୪ ମେ ୨୦ରେ ସଂସଦୀୟ ଇତିହାସରେ ପ୍ରଥମ ଥର ଏମିତି କିଛି ଘଟିବ କେହି ବିଶ୍ଵାସ କରିନଥିଲେ। ନରେନ୍ଦ୍ର ମୋଦୀ ସେହି ସମୟରେ ଗଣତନ୍ତ୍ରର ମନ୍ଦିରର ଦ୍ଵାରରେ ମୁଣ୍ଡ ନୁଆଁଇ ଆର୍ଶୀବାଦ ନେଇଥିଲେ। ଏଥର ସେ ଭାରତର ସମ୍ବିଧାନ ସାମ୍ନାରେ ମୁଣ୍ଡ ନୁଆଁଇ ଆର୍ଶୀବାଦ ନେଇଛନ୍ତି।

ସଂସଦୀୟ ବୈଠକକୁ ସମ୍ବୋଧିତ କରି ପିଏମ ମୋଦୀ କହିଛନ୍ତି ଯେ, ଏହି ନିର୍ବାଚନ ପୂରା ବିଶ୍ଵରେ ଏକ ଆଶ୍ଚର୍ଯ୍ୟ ପରି ଥିଲା। ଆମକୁ ମିଳିଥିବା ପ୍ରଚଣ୍ଡ ବହୁମତ ଆମର ଦାୟିତ୍ଵକୁ ଅଧିକ ବଢାଇ ଦେଇଛି।  ଭାରତରେ ନିର୍ବାଚନ ଏକ ଉତ୍ସବ ଥିଲା। ଏଥିରେ  ଲୋକେ ସାମିଲ ହୋଇଥିଲେ। ଦେଶର ଜନତା ସେବା ଭାବ ସ୍ଵୀକାର କରିଛନ୍ତି। ଅଂହକାର ନୁହେଁ। ଜନତା ଆମକୁ ଆମର ସେବାପଣ ପାଇଁ ଚୟନ କରିଛନ୍ତି। 

Subscribe

National International State Sports Entertainment