ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦେଶବାସୀଙ୍କ ଉଦ୍ଦେଶ୍ୟରେ ସମ୍ବୋଧନର କରିବାର କିଛି ସମୟ ପରେ ପାକିସ୍ତାନ ପୁଣି ଥରେ ନିଜର ହୀନ ଉଦ୍ଦେଶ୍ୟ ଜାରି ରଖିଛି। ରାତି ପ୍ରାୟ୯ଟାରେ ପଞ୍ଜାବର ଅମୃତସର, ହୋସିଆରପୁର ଏବଂ ଜଳନ୍ଧରରେ ପାକିସ୍ତାନୀ ଡ୍ରୋନ୍ ଦେଖାଯିବା ଏବଂ କିଛି ସ୍ଥାନରେ ବିସ୍ଫୋରଣର ଶବ୍ଦ ଶୁଣିବା ପରେ ବ୍ଲାକଆଉଟ୍ ଜାରି କରାଯାଇଛି।

ଏହି ସମୟରେ ଦିଲ୍ଲୀରୁ ଅମୃତସର ଆସୁଥିବା ଇଣ୍ଡିଗୋ ବିମାନକୁ ମଧ୍ୟ ଫେରାଇ ଦିଆଯାଇଛି। ନ୍ୟୁ ଅମୃତସରର ଲୋକେ ରାତି ପ୍ରାୟ ୯ଟା ବେଳେ ଡ୍ରୋନ ଦେଖିଥିବା କହିଛନ୍ତି। ପ୍ରତ୍ୟକ୍ଷଦର୍ଶୀ କହିଛନ୍ତି, ଡ୍ରୋନ୍ ଦେଖାଯିବା ମାତ୍ରେ ସାଇରନ୍ ବାଜିବା ଆରମ୍ଭ ହୋଇଗଲା ଏବଂ ବ୍ଲାକଆଉଟ୍ ଲାଗୁ କରାଯାଇଥିଲା। 

ଜଳନ୍ଧର ଡେପୁଟି କମିଶନର ହିମାଂଶୁ ଅଗ୍ରୱାଲ କହିଛନ୍ତି, "ସତର୍କତାମୂଳକ ପଦକ୍ଷେପ ସ୍ୱରୂପ, ଡ୍ରୋନ୍ ଦେଖାଯିବାର ସୂଚନା ମିଳିବା ମାତ୍ରେ  ସୁରନାସିର ଆଖପାଖ କିଛି ଅଞ୍ଚଳରେ ଲାଇଟ୍ କରିଦିଆଯାଇଛି। ତେବେ ସ୍ଥିତିର ଆମେ ଯାଞ୍ଚ କରୁଛୁ। ଏପର୍ଯ୍ୟନ୍ତ କୌଣସି (ସମ୍ପୂର୍ଣ୍ଣ) ବ୍ଲାକଆଉଟ୍ ଲାଗୁ କରାଯାଇ ନାହିଁ। ସଶସ୍ତ୍ର ବାହିନୀ ଅଧିକାରୀଙ୍କ ଅନୁଯାୟୀ, ଚିନ୍ତିତ ହେବାର ଆବଶ୍ୟକତା ନାହିଁ। ସେମାନେ ନିୟମିତ ଭାବରେ ତଦାରଖ କରୁଛନ୍ତି।"

ପଞ୍ଜାବର ପାକିସ୍ତାନ ସହିତ ୫୫୩ କିଲୋମିଟର ଲମ୍ବା ସୀମା ଅଛି। ସୀମା ନିକଟବର୍ତ୍ତୀ ଅମୃତସରରେ  ବିମାନ ଆକ୍ରମଣ ସାଇରନ୍ ବାଜିଥିବା ଅମୃତସରର ଡେପୁଟି କମିଶନର ସାକ୍ଷୀ ସାହାଣୀ ଏକ ବାର୍ତ୍ତାରେ କହିଛନ୍ତି। ସେ କହିଛନ୍ତି ସବୁ ପ୍ରକାରର ସ୍ଥିତି ପାଇଁ "ଆମେ ସତର୍କ ଅଛୁ। ସହରେ ବ୍ଲାକଆଉଟ୍ ଲାଗୁ କରୁଛୁ," ଲୋକମାନଙ୍କୁ ଝରକା ପାଖରୁ ଦୂରରେ ରହିବାକୁ ଅନୁରୋଧ କରାଯାଇଛି। 

ସେହିପରି, ହୋସିଆରପୁର ଜିଲ୍ଲାର ଉଚ୍ଛି ଅଞ୍ଚଳରେ ଲୋକମାନେ ତିନିରୁ ଚାରୋଟି ବିସ୍ଫୋରଣ ଶୁଣିଥିବା କହିଛନ୍ତି। ବିସ୍ଫୋରଣ ପରେ, ଜିଲ୍ଲାରେ ସାଇରନ ବାଜିବା ଆରମ୍ଭ ହୋଇଥିଲା ଏବଂ ଜିଲ୍ଲାରେ ବ୍ଲାକଆଉଟ୍ ଜାରି କରାଯାଇଥିଲା। ଜଳନ୍ଧରର ସୁରାନୁସିରେ ମଧ୍ୟ ଡ୍ରୋନ୍ ଗତି ଏବଂ ବିସ୍ଫୋରଣର ସୂଚନା ସାମ୍ନାକୁ ଆସିଛି। ଜିଲ୍ଲା ପ୍ରଶାସନ ସୁରାନୁସି ଏବଂ ଜଳନ୍ଧର କ୍ୟାଣ୍ଟ ଅଞ୍ଚଳରେ ବ୍ଲାକଆଉଟ୍ ଲାଗୁ କରିଛନ୍ତି।