ନୂଆଦିଲ୍ଲୀ: NEET ପରୀକ୍ଷାରେ ପେପର ଲିକ୍‌କୁ ନେଇ ସାରା ଦେଶରେ ଚାଲିଥିବା ରାଜନୈତିକ ଚର୍ଚ୍ଚା ମଧ୍ୟରେ ପ୍ରଥମ ଥର ପାଇଁ ନିଜର ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। NDA ସଂସଦୀୟ ଦଳ ବୈଠକରେ ବକ୍ତବ୍ୟ ରଖି ସେ ସ୍ପଷ୍ଟ ଭାବେ କହିଛନ୍ତି ଯେ, ଦେଶର ଯୁବବର୍ଗଙ୍କ ଭବିଷ୍ୟତ ସହ କୌଣସି ପ୍ରକାର ବରଦାସ୍ତ କରାଯିବ ନାହିଁ। ଏହି ପେପର ଲିକରେ ସମ୍ପୃକ୍ତ ଥିବା ଦୋଷୀମାନଙ୍କୁ କଠୋରରୁ କଠୋରତମ ଦଣ୍ଡ ଦିଆଯିବ।

ପ୍ରଧାନମନ୍ତ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ, ପେପର ଲିକ୍ ପ୍ରସଙ୍ଗ କୌଣସି ରାଜନୀତିର ବିଷୟ ନୁହେଁ। ଛାତ୍ରଛାତ୍ରୀଙ୍କ ସ୍ୱାର୍ଥ ଓ ଭବିଷ୍ୟତକୁ ଦୃଷ୍ଟିରେ ରଖି ସରକାର ଅତ୍ୟନ୍ତ ସଂବେଦନଶୀଳତାର ସହ ତୁରନ୍ତ 'ରି-ଏଗଜାମ୍' କରାଇଛନ୍ତି ଏବଂ ତାହା ସଫଳତାର ସହ ଶେଷ ହୋଇଛି। ଆଗାମୀ ଦିନରେ ଯେପରି ଏଭଳି ଘଟଣାର ପୁନରାବୃତ୍ତି ନହୁଏ, ସେଥିପାଇଁ କେନ୍ଦ୍ର ସରକାର ସ୍ୱତନ୍ତ୍ର ଓ କଡ଼ା ନିୟମାବଳୀ ପ୍ରସ୍ତୁତ କରୁଛନ୍ତି।

ଅପରପକ୍ଷରେ, 'କୋକରୋଚ୍ ଜନତା ପାର୍ଟି' (CJP) ପକ୍ଷରୁ ସଂସଦ ଭବନ ଘେରାଉ ପାଇଁ ଏକ ବିଶାଳ ମାର୍ଚ୍ଚ କରାଯାଇଥିଲା। ଏହି ଆନ୍ଦୋଳନରେ ବିରୋଧୀ ଦଳର ସାଂସଦମାନେ ମଧ୍ୟ ଯୋଗ ଦେଇଥିଲେ। ପ୍ରଦର୍ଶନକାରୀମାନେ ସଂସଦ ଆଡ଼କୁ ଅଗ୍ରସର ହେବା ସମୟରେ ପରିସ୍ଥିତି ଉତ୍ତେଜନାପୂର୍ଣ୍ଣ ହୋଇପଡ଼ିଥିଲା। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଦିଲ୍ଲୀ ପୋଲିସ ଓ RAF ପକ୍ଷରୁ ଲୁହବୁହା ଗ୍ୟାସ୍ ଏବଂ ଲାଠିଚାର୍ଜ କରାଯାଇଥିଲା।

ଏହି ଆନ୍ଦୋଳନ ମଧ୍ୟରେ CJPର ସୌରଭ ଦାସ ଓ ଆଶୁତୋଷ ରାଙ୍କା କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେ.ପି. ନଡ୍ଡାଙ୍କୁ ଭେଟି ଆଲୋଚନା କରିଥିଲେ। ଦୁଇ ପକ୍ଷ ମଧ୍ୟରେ ଦୁଇ ରୋପ୍ ଆଲୋଚନା ହୋଇଥିଲେ ସୁଦ୍ଧା ସରକାରଙ୍କ ପକ୍ଷରୁ ଦାବି ପୂରଣ ନେଇ କୌଣସି ସ୍ପଷ୍ଟ ଆଶ୍ୱାସନା ମିଳିନଥିବା ସୂଚନା ମିଳିଛି। ସ୍ୱାସ୍ଥ୍ୟମନ୍ତ୍ରୀ ପ୍ରଦର୍ଶନକାରୀଙ୍କୁ ଧରଣା ସ୍ଥଳରୁ ହଟି ଶାନ୍ତି ପ୍ରତିଷ୍ଠା କରିବାରେ ପ୍ରଶାସନକୁ ସହଯୋଗ କରିବାକୁ ଆହ୍ୱାନ କରିଛନ୍ତି।