ଜାନୁଆରୀ ୨୩ରେ ଦେଶରେ ଶୀର୍ଷ ସ୍ତରରେ ପହଞ୍ଚିବ କରୋନା? ଚିହ୍ନଟ ହେବେ ୭ ଲକ୍ଷରୁ ଊର୍ଦ୍ଧ୍ବ ପଜିଟିଭ୍!
Khabar Odisha:Nation-covid-19-Corona-may-peak-level-in-January-23

ନୂଆଦିଲ୍ଲୀ, ଜାନୁଆରୀ ୧୮ (ଖବର ଓଡ଼ିଶା): କରୋନା ଭାଇରସ ବଢ଼ିଚାଲିଥିବା ବେଳେ ଦେଶରେ ଏବେ ଏହାର ପିକ୍‌କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ବିଶେଷଜ୍ଞମାନେ କହୁଛନ୍ତି ଯେ, ଚଳିତ ମାସ ୨୩ ତାରିଖ ଦେଶରେ କରୋନା ଶୀର୍ଷ ସ୍ତରକୁ ଛୁଇଁପାରେ। ଏହି ସମୟରେ ୭ ଲକ୍ଷରୁ ଊର୍ଦ୍ଧ୍ବ ଲୋକ ପଜିଟିଭ୍‌ ଚିହ୍ନଟ ହୋଇପାରନ୍ତି।   

ବିଗତ ୨୪ ଘଣ୍ଟା ମଧ୍ୟରେ ଦେଶରେ ୨ କୋଟି ୫୮ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହି ସମୟରେ ୩୮୫ ଜଣଙ୍କର ମୃତ୍ୟୁ ହୋଇଛି। କିଛି ରାଜ୍ୟକୁ ବାଦ୍‌ଦେଲେ ବାକି ସ୍ଥାନରେ କରୋନା ଗ୍ରାଫ୍‌ ଉପରକୁ ଯାଉଛି। 

ଦିଲ୍ଲୀ-ମୁମ୍ବାଇ ଭଳି ମହାନଗରରେ ସଂକ୍ରମଣର ହାର କମ ହୋଇଛି। ବିଗତ ୩ ସପ୍ତାହ ମଧ୍ୟରେ କରୋନା ଦ୍ରୁତଗତିରେ ବଢ଼ିଚାଲିଥିଲା। ବିଗତ ଦିନର ସଂକ୍ରମଣ ହାର ତୁଳନାରେ ସୋମବାର ୫ ପ୍ରତିଶତ ଲୋକ କମ୍‌ ସଂକ୍ରମିତ ହୋଇଛନ୍ତି। 

ମିଡିଆ ରିପୋର୍ଟ ଅନୁସାରେ ଦେଶରେ ଗତ ୨୪ ଘଣ୍ଟା ପୂର୍ବରୁ ୧୩ ଲକ୍ଷ ୧୩ ହଜାର ଲୋକଙ୍କର କୋଭିଡ ପରୀକ୍ଷା କରାଯାଇଥିଲା। ଏଥିରୁ ୨ ଲକ୍ଷ ୫୮ ଲୋକ କରୋନା ପଜିଟିଭ ଚିହ୍ନଟ ହୋଇଥିଲେ। ଜାନୁଆରୀ ୧୫ ତାରିଖରେ ୨ ଲକ୍ଷ ୬୮ ହଜାରରୁ ଅଧିକ ଲୋକ ସଂକ୍ରମିତ ଥିବା ଜଣାପଡ଼ିଥିଲା। 

 

 

  • Tags:

Subscribe

National International State Sports Entertainment