ପ୍ରଧାନମନ୍ତ୍ରୀ ମୋଦୀଙ୍କ ପଶ୍ଚିମବଙ୍ଗ ଗସ୍ତ ବାତିଲି, ଆଜି କରୋନା ସ୍ଥିତି ନେଇ କରିବେ ୩ ଗୁରୁତ୍ୱପୂର୍ଣ୍ଣ ବୈଠକ
Khabar Odisha:Nation-West-Bengal-election-PM-Narendra-modi-not-hold-any-rally-in-today

ନୂଆଦିଲ୍ଲୀ, ଏପ୍ରିଲ ୨୩ (ଖବର ଓଡ଼ିଶା): ଦେଶବ୍ୟାପୀ କରୋନା ଭାଇରସ ମାଡ଼ିଚାଲିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ପଶ୍ଚିମବଙ୍ଗ ଗସ୍ତ ବାତିଲ କରିଦେଇଛନ୍ତି । ପ୍ରଧାନମନ୍ତ୍ରୀ ମୋଦୀ ଆଜି ପଶ୍ଚିମବଙ୍ଗରେ କୌଣସି ନିର୍ବାଚନ ରାଲି କରିବେ ନାହିଁ । ଗତକାଲିଠାରୁ ସେ ରାଲିକୁ ବାତିଲ କରିଦେଇଛନ୍ତି । ପ୍ରଧାନମନ୍ତ୍ରୀ ଶୁକ୍ରବାର କରୋନା ସ୍ଥିତି ନେଇ ବୈଠକ ଡାକିଛନ୍ତି । ଗୁରୁବାର ମୋଦୀ ଟୁଇଟ କରି ଏସଂକ୍ରାନ୍ତରେ ସୂଚନା ଦେଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ, ଶୁକ୍ରବାର କରୋନାକୁ ନେଇ ଉଚ୍ଚସ୍ତରୀୟ ବୈଠକ ହେବ । 

କରୋନା ଭାଇରସ ନେଇ ପ୍ରଧାନମନ୍ତ୍ରୀ ମୋଦୀ ଆଜି ୩ଟି ଗୁରୁତ୍ୱପୂର୍ଣ୍ଣ ବୈଠକରେ ଯୋଗଦେବେ । ପୂର୍ବାହ୍ନ ୯ଟାରେ ସେ କୋଭିଡ ସ୍ଥିତି ନେଇ ବୈଠକ କରିବେ । ଏହା ପରେ ୧୦ଟାରେ ସବୁ ରାଜ୍ୟର ମୁଖ୍ୟମନ୍ତ୍ରୀ ମାନଙ୍କ ସହିତ ଆଲୋଚନା କରିବେ । ମୋଦୀଙ୍କ ଅନ୍ତିମ ବୈଠକ ମଧ୍ୟାହ୍ନ ୧୨ଟାରେ ଅନୁଷ୍ଠିତ ହେବ । ଏହି ବୈଠକରେ ସେ ଦେଶରେ ଅକ୍ସିଜେନ ମୁକାବିଲା କେମିତି କରାଯିବ, ସେନେଇ ସମୀକ୍ଷା କରିବେ । 

ସୂଚନାଯୋଗ୍ୟ, ଏପ୍ରିଲ ୨୩ରେ ମୋଦୀଙ୍କ ପଶ୍ଚିମବଙ୍ଗରେ ୪ଟି କାର୍ଯ୍ୟକ୍ରମରେ ସମ୍ବୋଧିତ କରିବାର ଥିଲା । ମାଲଦା, ମୁର୍ଶିଦାବା, ବୀରଭୂମ ଏବଂ କୋଲକାତା (ଦକ୍ଷିଣ)ରେ ଏହି ରାଲି ହୋଇଥାନ୍ତା । ଏହି ରାଲି ପାଇଁ ଭାରତୀୟ ଜନତା ପାର୍ଟି ଚୂଡାନ୍ତ ପର୍ଯ୍ୟାୟରେ ପହଂଚିଥିଲା । କୋଲକାତାରେ ଶହୀଦ ମୀନାର ପଡ଼ିଆରେ ମୋଦୀଙ୍କ ରାଲି ପାଇଁ ପ୍ରସ୍ତୁତି ଚାଲିଥିଲା । ଟେଣ୍ଟ, ହୋର୍ଡିଂ ଓ ବ୍ୟାନର ଲାଗି ସାରିଥିଲା । ମାଲଦା, ମୁର୍ଶିଦାବାଦ ଏବଂ ବୀରଭୂମରେ ମଧ୍ୟ ପ୍ରସ୍ତୁତି ଚାଲିଥିଲା । ମୋଦୀଙ୍କ ପଶ୍ଚିମବଙ୍ଗ ଗସ୍ତ ବାତିଲ ହୋଇଥିବାରୁ ସନ୍ଧ୍ୟା ୫ଟାରେ ୪ଟି ଜିଲ୍ଲାର ୫୬ଟି ବିଧାନସଭା ନିର୍ବାଚନ ମଣ୍ଡଳୀ ପାଇଁ ଭର୍ଚୁଆଲ ମାଧ୍ୟମରେ ସମ୍ବୋଧନ କରିବେ । 

 

  • Tags:

Subscribe

National International State Sports Entertainment