ନୂଆଦିଲ୍ଲୀ: ସମଗ୍ର ଦେଶରେ ଦୀପାବଳି ବେଶ ଧୁମଧାମର ସହ ପାଳନ କରାଯାଉଛି । ଲୋକେ ପରସ୍ପରକୁ ଶୁଭକାମନା ଜଣାଉଛନ୍ତି । ଆଜି ଦିନରେ ଭଗବାନ ରାମ ୧୪ ବର୍ଷ ବନବାସ ସମାପ୍ତ କରିବା ପରେ ଅଯୋଧ୍ୟା ଫେରିଥିଲେ । ଏହି ଶୁଭ ଅବସରରେ ବିଜେପିର ରାଷ୍ଟ୍ରୀୟ ମୁଖପାତ୍ର ଶେହଜାଦ ପୁନାୱାଲା ମଧ୍ୟ ନିଜ ଘରେ ଭଗବାନ ରାମଙ୍କ ପୂଜା କରିଛନ୍ତି । ଜଣେ ମୁସଲିମ ନେତା ଏହିପରି ଭାବେ ଦୀପାବଳି ପାଳନ କରିବାକୁ କିଛି ଲୋକ ପସନ୍ଦ କରି ନାହାନ୍ତି ଏବଂ ଜୋରଦାର ଟ୍ରୋଲ କରୁଛନ୍ତି । ଅନେକ ନେତା ଶେହଜାଦଙ୍କୁ ସମର୍ଥନ ଜଣାଇ କହିଛନ୍ତି, ପରସ୍ପର ଉତ୍ସବରେ ସାମିଲ ହେବା ଭାରତୀୟ ସଂସ୍କୃତିର ପ୍ରକୃତ ପରିଚୟ । 

କଂଗ୍ରେସ ଛାଡ଼ି ବିଜେପିରେ ମିଶିବା ପରେ ଟିଭି ଡିବେଟରେ ହିନ୍ଦୁବାଦୀ ବିଚାରକୁ ପ୍ରମୁଖତାର ସହ ରଖୁଥିବା ଶେହଜାଦ ପୁନାଓ୍ଵାଲା ଗୁରୁବାର ସକାଳେ ଏକ୍ସ ହ୍ୟାଣ୍ଡେଲରେ ଦୀପାବଳିର ଶୁଭକାମନା ଜଣାଇଛନ୍ତି। ସେ ଘରେ ରାମଙ୍କ ଦରବାର ସଜାଇ ଏହାର ଭିଡ଼ିଓ ସେୟାର କରିଛନ୍ତି। ଅଯୋଧ୍ୟାରେ ବିରାଜମାନ ଭଗବାନଙ୍କ ମନ୍ଦିର ଓ ମୂର୍ତ୍ତିରେ ପ୍ରଦୀପ ଜଳାଇ ଲେଖିଛନ୍ତି, ପ୍ରଭୁ ଶ୍ରୀରାମଙ୍କ ପ୍ରସ୍ତୁତି ପାଇଁ ପ୍ରସ୍ତୁତ।

ପୁନାଓ୍ଵାଲାଙ୍କ ଏହି ଟୁଇଟ୍ ଉପରେ ଅନେକ ଲୋକ ଟ୍ରୋଲ କରିଛନ୍ତି। କିଛି ଏହାକୁ ଲୋକ ଦେଖାଣିଆ ଦର୍ଶାଇଥିବା ବେଳେ ଆଉ କିଛି ଏହାକୁ ରାଜ୍ୟସଭାକୁ ପଠାଇବା ଭକ୍ତିର ନିଦର୍ଶନ ବୋଲି କହିଛନ୍ତି। ଆଉ କିଛି ଏହାକୁ ଆଲ୍ଲାଙ୍କ ଭୟ ବୋଲି କହିଛନ୍ତି। ଆଉ ଜଣେ ୟୁଜର ଲେଖିଛନ୍ତି, ନିଶ୍ଚୟ ଶେହଜାଦ ପୁନାଓ୍ଵାଲାଙ୍କ କୌଣସି ସିଡି କିମ୍ବା ପେନ ଡ୍ରାଇଭ ସରକାରଙ୍କ ହାତରେ ଲାଗି ଯାଇଛି, ଏହି କାରଣରୁ ପୁନାଓ୍ଵାଲା ନିଜକୁ ବଞ୍ଚାଇବା ପାଇଁ ଏବେ ସଂଘର୍ଷ କରୁଛନ୍ତି। 

ହେଲେ ବହୁତ ଲୋକ ବିଜେପି ମୁଖପାତ୍ରଙ୍କ ସହ ନଜର ଆସିଛନ୍ତି ଏବଂ ତାଙ୍କୁ ଦୀପାବଳିର ଶୁଭକାମନା ଜଣାଇଛନ୍ତି। ଜଣେ ୟୁଜର ପୁନାଓ୍ଵାଲାଙ୍କୁ ସବୁଠୁ ବଡ଼ ଧର୍ମନିରପେକ୍ଷ ଦର୍ଶାଇ କହିଛନ୍ତି ଯେ, ସେ ପୂଜା ବି କରନ୍ତି ଏବଂ ନମାଜ ବି ପଢନ୍ତି। ଆପଣଙ୍କ ଶ୍ରଦ୍ଧା ଦେଖି ବହୁତ ଭଲ ଲାଗିଲା। ଏହା ମଧ୍ୟ ଭାରତର ସଂସ୍କାର। ଆପଣଙ୍କୁ ମା ଲକ୍ଷ୍ମୀଙ୍କ ବହୁତ ଆଶୀର୍ବାଦ ଓ ଶୁଭକାମନା।