ନୂଆଦିଲ୍ଲୀ: ରାଜଧାନୀ ଦିଲ୍ଲୀର ଅନେକ ଅଞ୍ଚଳରେ ଆଜି ଅର୍ଥାତ୍ ସୋମବାର ସକାଳେ ଘନ କୁହୁଡ଼ି ପଡ଼ିଥିଲା। ଏହି ସମୟରେ ଏକ୍ୟୁଆଇ ଅତ୍ୟନ୍ତ ଖରାପ ଅବସ୍ଥାରେ ଥିଲା। ଅନ୍ୟପକ୍ଷରେ ଆଇଜିଆଇ ବିମାନବନ୍ଦରରେ ସର୍ବନିମ୍ନ ଦୃଶ୍ୟମାନତା ରେକର୍ଡ କରାଯାଇଛି। 

କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁଯାୟୀ, ଦିଲ୍ଲୀରେ ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ଅନେକ ଅଞ୍ଚଳରେ 'ଅତ୍ୟନ୍ତ ଖରାପ' ଶ୍ରେଣୀରେ ରହିଛି, ଯାହା ଇଣ୍ଡିଆ ଗେଟ୍ ଏବଂ ବିଜୟ ଛକ ଆଖପାଖ ଅଞ୍ଚଳକୁ ଘନ ଧୂଆଁରେ ଘେରି ରହିଛି।

ସକାଳ ୮ଟାରେ ଆନନ୍ଦ ବିହାରରେ ଏକ୍ୟୁଆଇ ୩୮୨ ରେକର୍ଡ କରାଯାଇଛି। ଅଶୋକ ବିହାରରେ ୩୮୦ ଓ ବୱାନାରେ ୪୦୧ ରେକର୍ଡ ହୋଇଛି। ଅନ୍ୟପକ୍ଷରେ ଆଇଜିଆଇ ବିମାନବନ୍ଦରରେ ୩୩୭ ଟି ରେକର୍ଡ କରାଯାଇଛି । ସେପଟେ ଜାହାଙ୍ଗୀରପୁରୀରେ ସ୍ଥିତି ଆହୁରି ଖରାପ ହୋଇଛି । ଏଠାରେ ଏକ୍ୟୁଆଇ ୪୧୧ ରେକର୍ଡ କରାଯାଇଛି। ଏନ୍ ଏସ୍ ଆଇଟି ଦ୍ୱାରକାରେ ୩୮୧ ରେକର୍ଡ କରାଯାଇଛି। ପଞ୍ଜାବୀ ବାଗରେ ଏକ୍ୟୁଆଇ ୩୮୯ ରେକର୍ଡ କରାଯାଇଛି।

-ଆନନ୍ଦ ବିହାର ୩୮୨

-ଅଶୋକ ବିହାର ୩୮୦

-ବାୱାନା ୪୦୧

-ଆଇଜିଆଇ ଏୟାରପୋର୍ଟ ୩୩୭

-ଜାହାଙ୍ଗୀରପୁରୀ ୪୧୧

ପବନର ବେଗରେ ସାମାନ୍ୟ ଉନ୍ନତି ପରେ ରବିବାର ଦିଲ୍ଲୀର ଏକ୍ୟୁଆଇରେ ସାମାନ୍ୟ ଉନ୍ନତି ଘଟିଛି। ଏହାର ୭ ଦିନ ପରେ ଏକ୍ୟୁଆଇ ୩୫୦ ତଳକୁ ଖସି ଆସିଥିଲା। ଏହା ସତ୍ତ୍ୱେ ଲଗାତାର ଦ୍ୱାଦଶ ଦିନ ପାଇଁ ବାୟୁର ଗୁଣବତ୍ତା 'ଅତ୍ୟନ୍ତ ଖରାପ' ରହିଥିଲା।

କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁଯାୟୀ, ରବିବାର ଦିନ ଦିଲ୍ଲୀର ଏକ୍ୟୁଆଇ ୩୩୪ ରେକର୍ଡ କରାଯାଇଛି। ଏହି ସ୍ତରର ବାୟୁକୁ ଅତ୍ୟନ୍ତ ଖରାପ ଶ୍ରେଣୀଭୁକ୍ତ କରାଯାଏ। ଶନିବାର ଏହା ୩୫୨ ଥିଲା। ପବନର ବେଗ ବୃଦ୍ଧି ଓ ଗରମ ପାଗ ଏହାର କାରଣ ବୋଲି କୁହାଯାଉଛି। ଦୀପାବଳିର ଗୋଟିଏ ଦିନ ପୂର୍ବରୁ ଦିଲ୍ଲୀର ଏକ୍ୟୁଆଇ ଅତ୍ୟନ୍ତ ଖରାପ ବର୍ଗରେ ଚାଲିଛି। ଆକାଶରେ ଧୂଆଁର ଏକ ସ୍ତର ରହିଛି। 

ମାନକ ଅନୁଯାୟୀ, ବାୟୁରେ ପିଏମ୍ ୧୦ ସ୍ତର ସୁସ୍ଥ ବୋଲି ବିବେଚନା କରାଯାଏ ଯଦି ପିଏମ୍ ୧୦ ଏବଂ ପିଏମ୍ ୨.୫ ସ୍ତର ୬୦ରୁ କମ୍ ଥାଏ। କିନ୍ତୁ ରବିବାର ସନ୍ଧ୍ୟାରେ ଏନସିଆରର ବାୟୁରେ ପିଏମ୍ ୧୦ର ସ୍ତର ୨୩୧ରେ ପହଞ୍ଚିଥିବା ବେଳେ ପିଏମ୍ ୨.୫ର ସ୍ତର ଘନମିଟର ପିଛା ୧୩୧ ମାଇକ୍ରୋଗ୍ରାମରେ ପହଞ୍ଚିଛି। ଅର୍ଥାତ୍ ସାମାନ୍ୟ ଉନ୍ନତି ସତ୍ତ୍ୱେ ବାୟୁରେ ଅଢ଼େଇ ଗୁଣରୁ ଅଧିକ ପ୍ରଦୂଷଣ ହେଉଛି।