ବେଙ୍ଗାଲୁରୁ: କେନ୍ଦ୍ର ସରକାର କର୍ଣ୍ଣାଟକ ହାଇକୋର୍ଟଙ୍କୁ ଜଣାଇଛନ୍ତି ଯେ ଘରୋଇ କଂପାନିଗୁଡ଼ିକୁ ଦିଆଯାଇଥିବା ଲାଇସେନ୍ସକୁ ରଦ୍ଦ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦିଆଯାଇଛି, ଯାହା ଦ୍ୱାରା ସେମାନେ ମାନବ ସ୍ତନକ୍ଷୀର ସଂଗ୍ରହ, ପ୍ରକ୍ରିୟାକରଣ ଏବଂ ବ୍ୟବସାୟୀକରଣ କରୁଛନ୍ତି।

ମା' କ୍ଷୀର ସଂଗ୍ରହ ଓ ବିକ୍ରୟରୁ ବହୁରାଷ୍ଟ୍ରୀୟ କଂପାନିଗୁଡ଼ିକ ଲାଭବାନ ହେଉଥିବା ନେଇ ଚିନ୍ତା ପ୍ରକଟ କରିଥିବା ମୁନେଗୌଡ଼ା ନାମକ ଜଣେ ବ୍ୟକ୍ତିଙ୍କ ଜନସ୍ବାର୍ଥ ମାମଲାର ଶୁଣାଣି କରି ହାଇକୋର୍ଟ ଏହା କହିଛନ୍ତି। ଶୁଣାଣି ସମୟରେ କର୍ଣ୍ଣାଟକ ହାଇକୋର୍ଟ ପାଇଁ ଭାରତର ଅତିରିକ୍ତ ସଲିସିଟର ଜେନେରାଲ ଅରବିନ୍ଦ କାମାଥ ମୁଖ୍ୟ ବିଚାରପତି ଏନଭି ଅଞ୍ଜରିଆ ଏବଂ ଜଷ୍ଟିସ କେଭି ଅରବିନ୍ଦଙ୍କୁ ନେଇ ଗଠିତ ଖଣ୍ଡପୀଠଙ୍କୁ କହିଥିଲେ ଯେ କେନ୍ଦ୍ର ଆୟୁଷ ମନ୍ତ୍ରଣାଳୟ ନିକଟରେ କର୍ଣ୍ଣାଟକ ସରକାରଙ୍କୁ ଏଭଳି ଲାଇସେନ୍ସ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛି। ଏହି ନିର୍ଦ୍ଦେଶ ପରେ ରାଜ୍ୟ ସରକାର ଘରୋଇ ସଂସ୍ଥାଗୁଡ଼ିକୁ ଜାରି କରିଥିବା ଅନେକ ଲାଇସେନ୍ସ ରଦ୍ଦ ହୋଇଛି।

ଏଭଳି ସମସ୍ତ ଲାଇସେନ୍ସ ରଦ୍ଦ କରିବାକୁ କେନ୍ଦ୍ର ସରକାର ରାଜ୍ୟକୁ ନିର୍ଦ୍ଦେଶ ଦେଇଛନ୍ତି। କେତେକ କମ୍ପାନି ପ୍ରଥମେ ଆୟୁର୍ବେଦିକ ନିୟମ ଅନୁଯାୟୀ ଏହି ଲାଇସେନ୍ସ ପାଇଥିଲେ, ଯେଉଁଥିରେ ମାନବ ସ୍ତନକ୍ଷୀରର ବାଣିଜ୍ୟିକ ବ୍ୟବହାର ପାଇଁ ଅନୁମତି ଦିଆଯାଇଥିଲା। କିନ୍ତୁ ଏବେ କେନ୍ଦ୍ର ଏଥିରେ ହସ୍ତକ୍ଷେପ କରିଛି ଏବଂ ରାଜ୍ୟ ଏହି ଲାଇସେନ୍ସଗୁଡ଼ିକ ମଧ୍ୟରୁ କେତେକକୁ ବାତିଲ୍ କରିଛି। ଅତି କମରେ ଗୋଟିଏ କମ୍ପାନିର ଲାଇସେନ୍ସ ବାତିଲ ହୋଇସାରିଛି ଏବଂ ଏହା ପରେ ଏହାକୁ ହାଇକୋର୍ଟରେ ଚ୍ୟାଲେଞ୍ଜ କରାଯାଇଛି। 

ଆବେଦନକାରୀଙ୍କ ପକ୍ଷରୁ ଓକିଲ ବି ବିଶ୍ୱେଶ୍ୱରୟା ୫୦ ମିଲିଲିଟର ପ୍ୟାକେଟ୍ ପ୍ୟାକେଟ୍ ମା' କ୍ଷୀର ଏବଂ ୧୦ ଗ୍ରାମ୍ ଗୁଣ୍ଡିତ ସ୍ତନକ୍ଷୀର ପ୍ୟାକେଟ୍ ଦେଖାଇଥିଲେ, ଯାହାର ବିକ୍ରି ମୂଲ୍ୟ ଯଥାକ୍ରମେ ୧୨୩୯ ଟଙ୍କା ଓ ୩୧୩ ଟଙ୍କା ଥିଲା।

ପୂର୍ବରୁ ଆୟୁର୍ବେଦିକ ଓ ପ୍ରାକୃତିକ ଚିକିତ୍ସା ପ୍ରଣାଳୀ ସମ୍ବନ୍ଧୀୟ ବ୍ୟବସ୍ଥା ଅନୁଯାୟୀ ଏହି ଲାଇସେନ୍ସ ପ୍ରଦାନ କରାଯାଉଥିଲା, କିନ୍ତୁ ନିକଟରେ କେନ୍ଦ୍ର ସରକାରଙ୍କ ନିର୍ଦ୍ଦେଶାବଳୀ ଅନୁଯାୟୀ ଏହାକୁ ବାତିଲ କରିବା ଜରୁରୀ ବୋଲି କାମାଥ କହିଛନ୍ତି। 

ସେ ଏହା ମଧ୍ୟ ଅନୁରୋଧ କରିଛନ୍ତି ଯେ କୋର୍ଟ ଚଳିତ ଜନସ୍ୱାର୍ଥ ମାମଲାରେ କେନ୍ଦ୍ର ଆୟୁଷ ମନ୍ତ୍ରଣାଳୟକୁ ଉତ୍ତରଦାତା ଭାବରେ ଅନ୍ତର୍ଭୁକ୍ତ କରନ୍ତୁ। ହାଇକୋର୍ଟ ଆବେଦନକାରୀଙ୍କୁ ଏହି ମାମଲାରେ କେନ୍ଦ୍ର ମନ୍ତ୍ରଣାଳୟକୁ ପକ୍ଷଭୁକ୍ତ କରିବାକୁ ନିର୍ଦ୍ଦେଶ ଦେବା ସହ ନୋଟିସ୍ ଜାରି କରିଛନ୍ତି। ମାମଲାର ପରବର୍ତ୍ତୀ ଶୁଣାଣି ଡିସେମ୍ବର ୪ରେ ହେବ।

ଅଧିକ ପଢ଼ନ୍ତୁ: ହରିୟାଣାରେ ପହଞ୍ଚିଲେ ପାକିସ୍ତାନ ସିନ୍ଧର ପରିବାର