ପାଟନା: ନେପାଳରେ ଲଗାଣ ବର୍ଷା ଯୋଗୁଁ ବନ୍ୟା ହୋଇଛି। ୧୭୦ ଜଣଙ୍କର ମୃତ୍ୟୁ ହୋଇଥିବା ବେଳେ ୪୫ ଜଣ ନେଳାକ ନିଖୋଜ ଅଛନ୍ତି। ନେପାଳର ବନ୍ୟାରେ ବିହାର ଲୋକେ ପ୍ରଭାବିତ ହୋଇଛନ୍ତି। ବିହାରର ନଦୀଗୁଡ଼ିକ ଅଶାନ୍ତ ରୂପ ଦେଖାଇବା ଆରମ୍ଭ କରିଛନ୍ତି। ରବିବାର ବିଳମ୍ବିତ ରାତିରେ ଦରଭଙ୍ଗା ଜିଲ୍ଲାର କିରତପୁର ବ୍ଲକଭୁଭୋଲ ଗାଁ ନିକଟରେ କୋଶୀ ନଦୀର ପଶ୍ଚିମ ବନ୍ଧ ପ୍ରାୟ ୧୦ ମିଟର ଦୂରରେ ଭାଙ୍ଗି ଯାଇଛି। 

ପ୍ରାୟ ୮ରୁ ୯ କିଲୋମିଟର ପର୍ଯ୍ୟନ୍ତ ପଶ୍ଚିମ ବନ୍ଧ ଉପରେ ୩ରୁ ୪ ଫୁଟ ପାଣି ପ୍ରବାହିତ ହେଉଛି। ଜିଲ୍ଲାପାଳ ରାଜୀବ ରୋଶନ କହିଛନ୍ତି ଯେ କିରତପୁରର ୮ଟି ପଞ୍ଚାୟତର ଲୋକମାନେ ଉଚ୍ଚ ସ୍ଥାନକୁ ଯିବାକୁ ଚେଷ୍ଟା କରୁଛନ୍ତି। ଏହି ପାଣି କୁଶେଶ୍ୱରସ୍ଥାନ, ଘନଶ୍ୟାମପୁର, ଗୋଦାବୋରମ ଅଞ୍ଚଳକୁ ପ୍ରଭାବିତ କରିବ। ଏହାବ୍ୟତୀତ ଉତ୍ତର ବିହାରରେ ଅନ୍ୟ ୬ଟି ବନ୍ଧ ମଧ୍ୟ ଭାଙ୍ଗିଯାଇଛି। ଏମାନଙ୍କ ମଧ୍ୟରେ ସୀତାମଢିରେ ୩ ଜଣ, ପଶ୍ଚିମ ଚମ୍ପାରଣ, ପୂର୍ବ ଚମ୍ପାରଣ ଓ ଶିଓହରରେ ଜଣେ ଲେଖାଏଁ ଅଛନ୍ତି। ପଶ୍ଚିମ ଚମ୍ପାରଣରେ ଏକ ସୁରକ୍ଷା ବନ୍ଧ ମଧ୍ୟ ଭୁଶୁଡ଼ି ପଡ଼ିଛି।

ଶହ ଶହ ଗାଁରେ ବନ୍ୟା ପାଣି ପଶିଥିବା ବେଳେ ହଜାର ହଜାର ଏକର ଫସଲ ଜଳମଗ୍ନ ହୋଇଛି। ଲକ୍ଷ ଲକ୍ଷ ଲୋକ ପ୍ରଭାବିତ ହୋଇଥିବା ବେଳେ ହଜାର ହଜାର ଲୋକ ସୁରକ୍ଷିତ ସ୍ଥାନ ସନ୍ଧାନରେ ପଳାୟନ କରୁଛନ୍ତି। ମଧୁବନୀର ବାଲ୍ମିକିନଗର ବ୍ୟାରେଜରୁ ୩.୬୧ ଲକ୍ଷ କ୍ୟୁସେକ୍ ଓ କୋସି ବ୍ୟାରେଜରୁ ୬.୬୮ ଲକ୍ଷ କ୍ୟୁସେକ୍ ଜଳ ନିଷ୍କାସିତ ହୋଇଛି।ରେଳ ଧାରଣାରେ ପାଣି ଯୋଗୁଁ ୬ ଘଣ୍ଟା ଧରି ଯୋଗବାଣୀ ଷ୍ଟେସନରେ ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଥିଲା। ଅନ୍ୟପକ୍ଷରେ ପୂର୍ବ ବିହାର, କୋସି ଓ ସୀମାଞ୍ଚଳରେ ବୁଡ଼ି ୫ ଜଣଙ୍କ ମୃତ୍ୟୁ ଘଟିଛି। ସୂଚନାଯୋଗ୍ୟ, ନଦୀର ଜଳସ୍ତର ବୃଦ୍ଧିକୁ ଦୃଷ୍ଟିରେ ରଖି ୨୦ଟି ଜିଲ୍ଲାରେ ସତର୍କ ସୂଚନା ଜାରି ରହିଛି। ଦରଭଙ୍ଗାର କୋସି ଡ୍ୟାମରେ ଲିକେଜ୍ ହେଉଛି।

ବଗାହା ସହରରେ ପାଣି ପଶିଥିବା ବେଳେ ସୀତାମଢି ସହରରେ ପାଣି ପହଂଚିଛି। ସୀତାମଢିର ବେଲସାଣ୍ଡ ବ୍ଲକର ମଧକୌଲରେ ବାଗମତୀ ନଦୀର ବନ୍ଧ ୮୦ ଫୁଟରେ ଭାଙ୍ଗିଯାଇଛି। ପ୍ରାୟ ଏକ ଲକ୍ଷ ଜନସଂଖ୍ୟା ଏଥିରେ ପ୍ରଭାବିତ ହୋଇଛି। ରାତି ପ୍ରାୟ ସାଢ଼େ ୮ଟା ବେଳେ ବେଲସାଣ୍ଡସ୍ଥିତ ବାଗମତୀ ନଦୀର ବାମ ବନ୍ଧ ଭାଙ୍ଗି ଯାଇଥିଲା। ସକାଳୁ ଏଠାରେ ଲିକେଜ୍ ହୋଇଥିଲା।

ଅଧିକ ପଢ଼ନ୍ତୁ: ପ୍ରଳୟଙ୍କରୀ ବନ୍ୟା-ଭୂସ୍କଳନ: ୧୭୦ ଜଣଙ୍କ ମୃତ୍ୟୁ