ଶିଳ୍ପପତି ମୁକେଶ ଅମ୍ବାନୀଙ୍କୁ ମିଳିଲା ତୃତୀୟ ହତ୍ୟା ଧମକ । ପ୍ରଥମେ 20 ପରେ 200 ଆଉ ଏବେ 400 କୋଟି ଟଙ୍କାର ଦାବି । ସୂଚନା ଅନୁଯାୟୀ, ରିଲିଆନ୍ସ ଅଧ୍ୟକ୍ଷ ମୁକେଶ ଅମ୍ବାନୀଙ୍କୁ ମିଳୁଛି ବାରମ୍ବାର ହତ୍ୟା ଧମକ । ତିନି ଦିନରେ ତିନି ଥର ମେଲରେ ହତ୍ୟା ଧମକ ଦେଲା ଦୁର୍ବୃତ୍ତ । ନିକଟରେ ତାଙ୍କୁ 200 କୋଟି ଟଙ୍କା ପାଇଁ ଇମେଲ ଆସିଥିଲା ।

 ସେହି ଇମେଲର କିଛି ଉତ୍ତର ନ ଦେବାରୁ ଏବେ ସେହି ମୂଲ୍ୟକୁ ଦୁଇ ଗୁଣ କରି ଦେଲା ଦୁର୍ବୃତ୍ତ । ଟଙ୍କା ନଦେଲେ ଅମ୍ବାନୀଙ୍କୁ ଗୁଳି କରାଯିବ ବୋଲି ମେଲରେ ଉଲ୍ଲେଖ ରହିଛି । ପୁଣିଥରେ ମୁମ୍ବାଇର ଗାମଦେବୀ ପୋଲିସ ଷ୍ଟେସନରେ ଏହି ଅଜଣା ମେଲ୍ଧାରୀ ବ୍ୟକ୍ତିଙ୍କ ବିରୋଧରେ ପୋଲିସ ଏକ ମାମଲା ରୁଜୁ କରାଯାଇଛି । ମୁକେଶ ଅମ୍ବାନିଙ୍କୁ ଏଭଳି ଧମକ ପୁରା ଦେଶରେ ଚାଞ୍ଚଲ୍ୟ ସୃଷ୍ଟି କରିଛି ।  ସେହି ମେଲ୍‌ shadabkhan@mailfence.com ଆସିଥିବା ଜଣାପଡିଛି । ତେଣୁ ପୋଲିସ ଇଣ୍ଟରପୋଲ ଜରିଆରେ ବେଲଜିୟମର ଭର୍ଚୁଆଲ ପ୍ରାଇଭେଟ ନେଟଓ୍ଵାର୍କ କମ୍ପାନୀ ଠାରୁ ଇମେଲ ଡିଟେଲ ଖୋଜିବା ପାଇଁ ସହାୟତା ମାଗୁଛି ।