ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଜାନୁଆରୀରେ ଉଦ୍ଦମପୁର-ଶ୍ରୀନଗର-ବାରାମୁଲା ରେଳ ସଂଯୋଗ (ୟୁଏସବିଆରଏଲ)ରେ କାଶ୍ମୀର-ନୂଆଦିଲ୍ଲୀକୁ ସଂଯୋଗ କରୁଥିବା ବନ୍ଦେ ଭାରତ ଏକ୍ସପ୍ରେସକୁ ଉଦଘାଟନ କରିବେ ବୋଲି ରେଳ ରାଷ୍ଟ୍ରମନ୍ତ୍ରୀ ରବନୀତ ସିଂହ ମଙ୍ଗଳବାର କହିଛନ୍ତି। ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ୍ ୨୦୨୫ ଜାନୁଆରିରୁ ଜାତୀୟ ରାଜଧାନୀକୁ ସିଧାସଳଖ କାଶ୍ମୀରକୁ ସଂଯୋଗ କରିବ। ଏହି ଟ୍ରେନ୍ ବିଶ୍ୱର ସର୍ବୋଚ୍ଚ ରେଳ ସେତୁ ଚେନାବ ରେଳ ପୋଲ ଦେଇ ଗତି କରିବ।

ୟୁଏସବିଆରଏଲ ପ୍ରକଳ୍ପର ୨୭୨ କିଲୋମିଟର ମଧ୍ୟରୁ ରେଳବାଇ ୨୫୫ କିଲୋମିଟର କାମ ଶେଷ କରିଥିବା ବେଳେ କଟରାରୁ ରିଆସି ମଧ୍ୟରେ ମାତ୍ର ୧୭ କିଲୋମିଟରର ଏକ ଛୋଟ ଅଂଶ ଡିସେମ୍ବର ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି। ପ୍ରଧାନମନ୍ତ୍ରୀଙ୍କ କାର୍ଯ୍ୟସୂଚୀ ଅନୁଯାୟୀ ଜାନୁଆରୀରେ ଉଦଘାଟନ ହେବ ବୋଲି ରବନୀତ ସିଂହ କହିଛନ୍ତି। ଚଳିତ ବର୍ଷ ଡିସେମ୍ବର ସୁଦ୍ଧା ଏହି ପ୍ରକଳ୍ପ ଶେଷ ହେବ ବୋଲି ରେଳ ବାଇ କର୍ତ୍ତୃପକ୍ଷ ସୂଚନା ଦେଇଛନ୍ତି।

ରେଳବାଇ ଅଧିକାରୀମାନେ କହିଛନ୍ତି ଯେ ପ୍ରତ୍ୟେକ ଦିଗକୁ ଯାଞ୍ଚ କରିବାକୁ ପଡ଼ିବ ଏବଂ ଏହି ସବୁ ଜିନିଷକୁ ବ୍ୟାପକ ସ୍ତରରେ ଯାଞ୍ଚ କରାଯାଉଛି ଏବଂ ଅଧିକାରୀ ଏବଂ ବୈଷୟିକ ଟିମ୍ ବାରମ୍ବାର ପରିଦର୍ଶନ କରୁଛନ୍ତି ଯାହା ଦ୍ୱାରା ସବୁକିଛି ମାନକ ଅନୁଯାୟୀ ଅଛି କି ନାହିଁ ତାହା ସୁନିଶ୍ଚିତ କରାଯାଉଛି। ଏହି ପ୍ରୋଜେକ୍ଟରେ ବହୁତ ପରିଶ୍ରମ କରାଯାଇଛି। ଏହା ଏକ ବଡ଼ ପଦକ୍ଷେପ। ସବୁ ଦିଗ ଯାଞ୍ଚ ହେବା ପରେ ହିଁ ଏହାର ଉଦଘାଟନ ତାରିଖ ସ୍ଥିର ହେବ।

କଟ୍ରାରୁ ଶ୍ରୀନଗରକୁ ରେଳ ସଂଯୋଗ ହେବା ମାତ୍ରେ ଏହି ରୁଟରେ ବନ୍ଦେ ଭାରତ ଏକ୍ସପ୍ରେସ ଚଳାଇବାକୁ ମଧ୍ୟ ପ୍ରସ୍ତାବ ରହିଛି। ଚେନ୍ନାଇର ରେଳ କୋଚ୍ ଫ୍ୟାକ୍ଟ୍ରିରେ ନିର୍ମିତ ବନ୍ଦେ ଭାରତ ଦେଶର ବିଭିନ୍ନ ସ୍ଥାନରେ ଟ୍ରାକ୍‌ରେ ରହିଛି। ଏହି ରୁଟ୍‌ରେ କମ୍ କୋଚ୍ ଟ୍ରେନ୍ ଚଳାଚଳ କରିବ।

ଅଧିକ ପଢ଼ନ୍ତୁ: ଏଆର ରେହମାନଙ୍କଠୁ ଛାଡ଼ପତ୍ର ନେବେ ସାଇରା ବାନୋ