ମୁମ୍ବାଇ: ସଙ୍ଗୀତ ନିର୍ଦ୍ଦେଶକ ତଥା ଓସ୍କାର ବିଜେତା ଏଆର ରେହମାନ ତାଙ୍କ ପତ୍ନୀଙ୍କୁ ଛାଡ଼ପତ୍ର ଦେବାକୁ ଯାଉଛନ୍ତି। ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ବିବାହର ୨୯ ବର୍ଷ ପରେ ଏଆର ରେହମାନ ଓ ସାଇରା ବାନୋ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ଏଆର ରେହମାନ ଏବଂ ସାଇରା ୧୯୯୫ରେ ବିବାହ ବନ୍ଧନରେ ବାନ୍ଧି ହୋଇଥିଲେ। ସେମାନଙ୍କର ତିନି ସନ୍ତାନ ଖଦିଜା, ରହିମା ଓ ଅମିନ ଅଛନ୍ତି।

ଏଆର ରେହମାନଙ୍କ ପତ୍ନୀ ସାଇରା ବାନୋଙ୍କ ଓକିଲ ଏକ ବିବୃତି ଜାରି କରି ସେମାନଙ୍କ ଛାଡ଼ପତ୍ରର କାରଣ ପ୍ରକାଶ କରିଛନ୍ତି, ଯାହା ଅନୁଯାୟୀ ସେମାନଙ୍କ ସମ୍ପର୍କରେ ଫାଟ ସୃଷ୍ଟି ହୋଇଥିଲା ଏବଂ ଏଭଳି ପରିସ୍ଥିତିରେ ସାଇରା ସ୍ୱାମୀଙ୍କୁ ଛାଡପତ୍ର ଦେବାକୁ ନିଷ୍ପତ୍ତି ନେଇଥିଲେ। ନିଜ ଗୋପନୀୟତାରେ ହସ୍ତକ୍ଷେପ ନ କରିବାକୁ ସାଇରା ଲୋକଙ୍କୁ ନିବେଦନ କରିଛନ୍ତି।

ବିବାହର ଏତେ ବର୍ଷ ପରେ ସାଇରା ତାଙ୍କ ସ୍ୱାମୀ ଏଆର୍ ରେହମାନଙ୍କଠାରୁ ଅଲଗା ହେବାକୁ କଠିନ ନିଷ୍ପତ୍ତି ନେଇଛନ୍ତି। ସେମାନଙ୍କ ସମ୍ପର୍କରେ ଯଥେଷ୍ଟ ମାନସିକ ଚାପ ପରେ ଏହି ନିଷ୍ପତ୍ତି ନିଆଯାଇଛି। ପରସ୍ପର ପ୍ରତି ଗଭୀର ଭଲ ପାଇବା ସତ୍ତ୍ୱେ ଏହି ଦମ୍ପତି ଜାଣିବାକୁ ପାଇଛନ୍ତି ଯେ ମାନସିକ ଚାପ ଏବଂ କଷ୍ଟ ସେମାନଙ୍କ ମଧ୍ୟରେ ଏକ ବ୍ୟବଧାନ ସୃଷ୍ଟି କରିଛି ଯାହାକୁ କୌଣସି ପକ୍ଷ ଏହି ସମୟରେ ପୂରଣ କରିବାକୁ ସକ୍ଷମ ମନେ କରନ୍ତି ନାହିଁ ।

ସାଇରା ବା‌ନୋ ଯନ୍ତ୍ରଣା ଓ ଅନ୍ୟ ବ୍ୟକ୍ତିଗତ କାରଣରୁ ଏଭଳି ନିଷ୍ପତ୍ତି ନେଇଥିବା କହିଛନ୍ତି। ଏହି ଚ୍ୟାଲେଞ୍ଜିଂ ସମୟରେ ସେ ତାଙ୍କ ଜୀବନର ଏହି କଠିନ ସମୟ ଦେଇ ଗତି କରୁଥିବା ବେଳେ ଜନସାଧାରଣଙ୍କ ଠାରୁ ଗୋପନୀୟତା ଏବଂ ବୁଝାମଣା ପାଇଁ ଅନୁରୋଧ କରନ୍ତି।

ଏଆର ରେହମାନ ଏବଂ ସାଇରା ବାନୋଙ୍କ ପୁଅ ଏଆର ଅମିନ ମଧ୍ୟ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଛନ୍ତି । ନିଜ ଗୋପନୀୟତାର ଯତ୍ନ ନେବାକୁ ପ୍ଲେବ୍ୟାକ୍ ଗାୟକ ଲୋକଙ୍କୁ ଅନୁରୋଧ କରିଛନ୍ତି। ଏହି ପୋଷ୍ଟରେ ଅମିନ ଲେଖିଛନ୍ତି- 'ଏହି ସମୟରେ ଆମେ ସମସ୍ତଙ୍କୁ ନିବେଦନ କରୁଛୁ ଯେ ସେମାନେ ଆମର ଗୋପନୀୟତାକୁ ସମ୍ମାନ ଦିଅନ୍ତୁ। 

ଅଧିକ ପଢ଼ନ୍ତୁ: ବିମାନବନ୍ଦରରେ ଫସିଲା ଦିଲ୍ଲୀ ଆସୁଥିବା ବିମାନ