ନୂଆଦିଲ୍ଲୀ: କାନାଡାରେ ଏକ ନାର୍କୋ-ଆତଙ୍କବାଦୀ ନେଟୱାର୍କ ଏବଂ ଖାଲିସ୍ତାନୀ ସମର୍ଥକ ବ୍ୟକ୍ତିଙ୍କୁ ଠାବ କରାଯାଇଛି। କାନାଡାର ପିଲ୍ ପୋଲିସ ପ୍ରୋଜେକ୍ଟ ପେଲିକାନ୍ ଅଧୀନରେ କାର୍ଯ୍ୟ କରି ଏପର୍ଯ୍ୟନ୍ତ ସବୁଠାରୁ ବଡ଼ ଡ୍ରଗ୍ସ ଜବତ କରିଛି। ପୋଲିସ ୪୭.୯ ନିୟୁତ ଡଲାର ମୂଲ୍ୟର ୪୭୯ କିଲୋଗ୍ରାମ କୋକେନ୍ ଜବତ କରିଛି। ପିଲ୍ ପୋଲିସ କାନାଡାରେ ବସବାସ କରୁଥିବା ୭ ଜଣ ଭାରତୀୟ ବଂଶୋଦ୍ଭବଙ୍କ ସମେତ ୯ ଜଣଙ୍କୁ ଗିରଫ କରିଛି।

ଗିରଫ ଅଭିଯୁକ୍ତମାନେ ହେଲେ

• ଟୋରଣ୍ଟୋର ବାସିନ୍ଦା ସାଜିତ ଯୋଗେନ୍ଦ୍ରରାଜା (୩୧)
• ବାମ୍ପଟନର ବାସିନ୍ଦା ମନପ୍ରୀତ ସିଂହ (୩୧)
• ହାମିଲଟନର ବାସିନ୍ଦା ଫିଲିପ୍ ଟାପ୍ (୩୯)
• ବ୍ରାମ୍ପଟନର ବାସିନ୍ଦା ଅରବିନ୍ଦର ପାୱାର (୨୯)
• କାଲେଡନର ବାସିନ୍ଦା ଗୁରତେଜ୍ ସିଂହ (୩୬)
• କେମ୍ବ୍ରିଜର ବାସିନ୍ଦା ସରତାଜ ସିଂହ (୨୭)
• ଜର୍ଜଟାଉନର ବାସିନ୍ଦା ଶିବ ଓମକାର (୩୧)
• ମିସିସାଗାର ବାସିନ୍ଦା ହାଓ ଟମି ହୁଏନ୍ (୨୭)

ପିଲ୍ ପୋଲିସ କହିଛି ଯେ ତଦନ୍ତରୁ ଜଣାପଡ଼ିଛି, ନେଟୱର୍କ ଆମେରିକାରୁ କାନାଡାକୁ ବାଣିଜ୍ୟିକ ଟ୍ରକିଂ ରୁଟ୍ ବ୍ୟବହାର କରିଥିଲା ଏବଂ ମେକ୍ସିକାନ୍ କାର୍ଟେଲ ଏବଂ ଆମେରିକା-ଭିତ୍ତିକ ବିତରକମାନଙ୍କ ସହିତ ସମ୍ପର୍କ ରଖିଥିଲା। ମୋଟ ୪୭୯ କିଲୋଗ୍ରାମ ବ୍ରିକଡ୍ କୋକେନ୍ ଜବତ କରାଯାଇଛି, ଯାହାର ମୂଲ୍ୟ ଆନୁମାନିକ $୪୭.୯ ନିୟୁତ, ଏବଂ ଦୁଇଟି ବେଆଇନ ଲୋଡ୍ ସେମି-ଅଟୋମେଟିକ୍ ହ୍ୟାଣ୍ଡଗନ୍ ଜବତ କରାଯାଇଛି। ସନ୍ଦିଗ୍ଧ ବ୍ୟକ୍ତିମାନଙ୍କୁ ବ୍ରାମ୍ପଟନର ଅଣ୍ଟାରିଓ କୋର୍ଟ ଅଫ୍ ଜଷ୍ଟିସରେ ଜାମିନ ଶୁଣାଣି ପାଇଁ ହାଜର କରାଯାଇଥିଲା।

ଅଣ୍ଟାରିଓ ସଲିସିଟର ଜେନେରାଲ ମାଇକେଲ୍ ଏସ୍. କେର୍ଜନର ଏହି ଅଭିଯାନକୁ ପ୍ରଶଂସା କରି କହିଛନ୍ତି, ପ୍ରୋଜେକ୍ଟ ପେଲିକାନ୍ ହେଉଛି ପ୍ରମାଣ ଯେ ପୋଲିସ ଆମ ଲୋକଙ୍କୁ ସୁରକ୍ଷିତ ରଖିବା ପାଇଁ ଆବଶ୍ୟକ ଉପକରଣ ଏବଂ ସମ୍ବଳ ପାଇଲେ କ'ଣ ହାସଲ କରିପାରିବ।  ନିଶା କାରବାରରୁ ଅର୍ଜିତ ଟଙ୍କା ଭାରତ ବିରୋଧୀ କାର୍ଯ୍ୟକଳାପ ପାଇଁ ବ୍ୟବହୃତ ହେଉଥିଲା, ଯେଉଁଥିରେ ପ୍ରତିବାଦ ଏବଂ ସମାବେଶ ପାଇଁ ପାଣ୍ଠି ଯୋଗାଇବା ସହିତ ଅସ୍ତ୍ରଶସ୍ତ୍ର ମଧ୍ୟ ଅନ୍ତର୍ଭୁକ୍ତ।

କାନାଡାରେ ଖଲିସ୍ତାନୀ ଗୋଷ୍ଠୀଗୁଡ଼ିକୁ ଉଚ୍ଚ ମୂଲ୍ୟର ମେକ୍ସିକାନ କୋକେନ୍ ଚୋରା ଚାଲାଣ ପାଇଁ ପାଣ୍ଠି ଯୋଗାଇବା ପାଇଁ ଏକ ଆଇଏସ୍‌ଆଇ-ସମର୍ଥିତ ଯୋଜନାକୁ ଗୁଇନ୍ଦା ସୂତ୍ରରୁ ସୂଚିତ ହୋଇଛି।

ଅଧିକ ପଢ଼ନ୍ତୁ: ପିଲା ଜନ୍ମ କରିବାରେ ଭାରତର ଏକ ନମ୍ବର ଏହି ରାଜ୍ୟ