ବ୍ରାଜିଲରେ ଘଟିଛି ଭୟଙ୍କର ବିମାନ ଦୁର୍ଘଟଣା । ଦୁର୍ଘଟଣାରେ ଚାଲିଯାଇଛି ୧୨ ଜଣଙ୍କର ଜୀବନ । ସୂଚନା ଅନୁସାରେ, ରବିବାର ବିମାନଟି ଉଡାଣ ଭରିବାର କିଛି ସମୟ ମଧ୍ୟରେ ଦୁର୍ଘଟଣାର ସାମ୍ନା କରିଥିଲା । ବିମାନଟି ରିଓ ବ୍ରାଙ୍କୋ ବିମାନ ବନ୍ଦର ନିକଟରେ ଦୁର୍ଘଟଣା ଘଟିଥିଲା । ଦୁର୍ଘଟଣାରେ ବିମାନଟି ବ୍ରାଜିଲର ଆମାଜନ୍‌ ଅଞ୍ଚଳରେ ଥିବା ଜଙ୍ଗଲରେ ଖସି ପଡ଼ିଥିଲା । ଫଳରେ ବିମାନଟିରେ ନିଆଁ ଲାଗିଯାଇଥିଲା ବୋଲି ସୂଚନା ମିଳିଥିଲା । ଦୁର୍ଘଟଣାଗ୍ରସ୍ତ ହୋଇଥିବା ବିମାନଟିର ଆକାର ଛୋଟ ଥିଲା । କିନ୍ତୁ ସେଥିରେ ପର୍ଯ୍ୟଟକ ଏବଂ ପ୍ରଶାସନିକ ଲୋକ ଯାତ୍ରା କରୁଥିଲେ ।  କେଉଁ କାରଣରୁ ବିମାନଟି ଦୁର୍ଘଟଣାଗ୍ରସ୍ତ ହେଲା ତାହାର କାରଣ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି । 

ଆଗକୁ ପଢ଼ନ୍ତୁ : ଇଜିପ୍ଟରେ ମର୍ମନ୍ତୁଦ ସଡ଼କ ଦୁର୍ଘଟଣା : ୩୫ ମୃତ , ୬୩ ଆହତ