ଇଜିପ୍ଟରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ଆଉ ଦୁର୍ଘଟଣାରେ ଚାଲିଯାଇଛି ୩୫ ଜଣଙ୍କର ଜୀବନ । ସୂଚନା ଅନୁସାରେ, ଶନିବାର ଇଜିପ୍ଟର କାଏରୋ-ଅଲେକଜାଣ୍ଡ୍ରିଆ ହାଇୱେରେ ଘଟିଛି ଏକ ଭୟଙ୍କର ସଡ଼କ ଦୁର୍ଘଟଣା । ଗୋଟେ ବସ ସହିତ କେତେଗୁଡିଏ କାରର ଧକ୍କା ହେବାରୁ ଏମିତି ଏକ ସଡ଼କ ଦୁର୍ଘଟଣା ଘଟିଛି । ଦୁର୍ଘଟଣାରେ ୩୫ ଜଣଙ୍କ ମୃତ୍ୟୁ ହେବାସହିତ ୬୩ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ତୁରନ୍ତ ଉଦ୍ଧାର କରି ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି ।

କାର ଓ ବସ ମଧ୍ୟରେ ଧକ୍କା ହେବାଫଳରେ ସମସ୍ତ ଯାନ ଜାଳିବା ପାଇଁ ଆରମ୍ଭ ହୋଇଥିଲା । ଆଉ ସେହି ନିଆଁ ଭୟଙ୍କର ଅଗ୍ନିକାଣ୍ଡର ରୂପ ନେଇଥିଲା । ନିଆଁ ପ୍ରଭାବରେ ଗାଡ଼ିରେ ଥିବା ଅଧିକାଂଶ ଲୋକଙ୍କର ମୃତ୍ୟୁ ହୋଇଯାଇଥିବା ସୂଚନା ମିଳିଛି । ନିଆଁ ଦେଖି ସ୍ଥାନୀୟ ଲୋକ ଆଉ ଅନ୍ୟ ଯାନ ଚାଲାକମାନେ ଭୟଭୀତ ହୋଇଯାଇଥିଲେ ।  ନିଆଁର ଧୂଆଁରେ ସାରା ଆକାଶ ଧୂଆଁମୟ ହୋଇଯାଇଥିଲା । କାର ଓ ବସ ଜଳିଯିବାରୁ ଏମିତି ଏକ ଦୁର୍ଘଟଣା ଘଟି ଏତେ ଲୋକଙ୍କ ଜୀବନ ଚାଲିଗଲା ।

 ଆଗକୁ ପଢ଼ନ୍ତୁ : ୧୫୦ ଅଣ୍ଡର ଗ୍ରାଉଣ୍ଡ ଟାର୍ଗେଟକୁ ଧ୍ୱଂସ କଲା ଇସ୍ରାଏଲ