ଫ୍ରାନ୍ସ ଆଗରେ ମୁଣ୍ଡ ନୁଆଁଇଲା ପାକିସ୍ତାନ, ମନ୍ତ୍ରୀ ଶିରୀନ ମଜାରୀ ହଟାଇଲେ ବିବାଦୀୟ ଟୁଇଟ
Khabar Odisha:International-Pakistan-minister-Shireen-Mazari-deletes-tweet-comparing-Emmanuel-Macron-with-Nazi

ଇସଲାମାବାଦ, ନଭେମ୍ବର ୨୩ (ଖବର ଓଡ଼ିଶା): ଫ୍ୟାନ୍ସର ଆଗରେ ପାକିସ୍ତାନ ମୁଣ୍ଡ ନୁଆଁଇଛି । ପାକିସ୍ତାନର ମାନବାଧିକାର ମନ୍ତ୍ରୀ ଶିରୀନ ମଜାରୀ ନିଜର ବିବାଦୀୟ ଟୁଇଟକୁ ଡିଲିଟ କରିଛନ୍ତି । ଏହି ଟୁଇଟରେ ସେ ଫ୍ରାନ୍ସକୁ ଟାର୍ଗେଟ କରି ରାଷ୍ଟ୍ରପତି ଇମାନୁଏଲ ମୈକ୍ରୋଙ୍କ ତୁଲନା ନାଜୀ କରିଦେଇଥିଲେ । 

ମଜାରୀ ରବିବାର କହିଛନ୍ତି ଯେ, ମୁଁ ଯେଉଁ ଲେଖା ଲେଖିଥିଲି, ଏହାକୁ ସଂଶୋଧନ କରିଛି । ଏଥି ସହିତ ମୁଁ ନିଜର ଟୁଇଟ ହଟାଇ ଦେଇଛି । ଏହାରି ଉପରେ ଅଭିଯୋଗ ଆସିଥିଲା । ଫ୍ୟାନ୍ସ ସରକାର ପାକିସ୍ତାନର ମାନବାଧିକାର ମନ୍ତ୍ରୀଙ୍କ ବୟାନରେ ଅସନ୍ତୋଷ ପ୍ରକାଶ କରିଥିଲେ । ବିଦେଶ ମନ୍ତ୍ରାଳୟ ଇସଲାମାବାଦରୁ ବୟାନ ଉପରେ ସ୍ପଷ୍ଟତା ମାଗି ଟିପ୍ପଣୀକୁ ସଂଶୋଧନ ଓ ସମ୍ମାନ ଆଧାରରେ ଆଲୋଚନା କରିବାକୁ ଆଗେ ବଢ଼ିବାକୁ କହିଥିଲେ । ଫ୍ରାନ୍ସର ବିରୋଧ ସମ୍ମୁଖରେ ମୁଣ୍ଡ ନୁଆଁଇ ଶିରୀନ ମଜାରୀଙ୍କୁ ନିଜର ବିଦାଦୀୟ ଟୁଇଟ ହଟାଇବାକୁ ପଡିଛି । 

ପାକିସ୍ତାନର କ୍ୟାବିନେଟ ମନ୍ତ୍ରୀ ଶିରୀନ ମଜାରୀ ଶନିବାର ଏକ ପ୍ରସଙ୍ଗର ଲିଙ୍କ ଶେୟାର କରି ଲେଖିଥିଲେ ଯେ, ମୈକ୍ରୋ ମୁସଲମାନଙ୍କ ସହିତ ଏଭଳି ବ୍ୟବହାର କରୁଛନ୍ତି, ଯେଭଳି ଦ୍ୱିତୀୟ ବିଶ୍ୱଯୁଦ୍ଧ ସମୟରେ ନାଜିମାନେ ଇହୁଦୀଙ୍କ ଉପରେ କରୁଥିଲେ । ପାକିସ୍ତାନ ମନ୍ତ୍ରୀଙ୍କ ଏହି ଟୁଇଟରେ ଫ୍ରାନ୍ସ ତୁରନ୍ତ ପ୍ରତିକ୍ରିୟା ଦେଇଥିଲା । 

 

  • Tags:

Subscribe

National International State Sports Entertainment