ଓଜନ କମାଇବା ପାଇଁ ବ୍ୟାୟାମ କରୁଥିବା ବ୍ୟକ୍ତିଙ୍କ ମନରେ ସବୁବେଳେ ଏକ ପ୍ରଶ୍ନ ଥାଏ ଯେ ଦୌଡ଼ିବା ଭଲ ନା ଚାଲିବା? ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଉଭୟ ଚାଲିବା ଏବଂ ଦୌଡ଼ିବା ଦ୍ୱାରା ଓଜନ ହ୍ରାସ ପାଇବା ସହ ବିଏମଆଇ (BMI) ନିୟନ୍ତ୍ରିତ ରହିଥାଏ। କିନ୍ତୁ ଯଦି ଆପଣ ଶୀଘ୍ର ଫଳାଫଳ ଚାହୁଁଛନ୍ତି, ତେବେ ଦୌଡ଼ିବା ଅଧିକ ଶକ୍ତିଶାଳୀ ମାଧ୍ୟମ।

ଦୌଡ଼ିବା କାହିଁକି ଅଧିକ ଲାଭଦାୟକ?

ଦୌଡ଼ିବା ଦ୍ୱାରା ୩ଟି ପ୍ରମୁଖ କାରଣରୁ ଓଜନ ଶୀଘ୍ର କମିଥାଏ:

1. ଅଧିକ କ୍ୟାଲୋରି ଦହନ: ସମାନ ଦୂରତାକୁ ଚାଲିକରି ଅତିକ୍ରମ କରିବା ଅପେକ୍ଷା ଦୌଡ଼ିକରି ଅତିକ୍ରମ କଲେ ଶରୀରରୁ ଅଧିକ କ୍ୟାଲୋରି ଖର୍ଚ୍ଚ ହୋଇଥାଏ।

2. ଉଚ୍ଚ ମେଟାବୋଲିକ୍ ଦର: ଦୌଡ଼ିବା ଭଳି କଠିନ ବ୍ୟାୟାମ ପରେ ଶରୀରର ମେଟାବୋଲିଜିମ୍ ହାର ବୃଦ୍ଧି ପାଇଥାଏ, ଯାହା ଚର୍ବି କମାଇବାରେ ସାହାଯ୍ୟ କରେ।

3. ଭୋକ ଉପରେ ନିୟନ୍ତ୍ରଣ: ଦୌଡ଼ିବା ପରେ ଅନ୍ୟ ବ୍ୟାୟାମ ତୁଳନାରେ ଭୋକ କମ୍ ଲାଗିଥାଏ, ଯାହାଦ୍ୱାରା ଖାଦ୍ୟ ଗ୍ରହଣ ନିୟନ୍ତ୍ରିତ ରହେ।

ଏହି କଥା ଉପରେ ଧ୍ୟାନ ଦିଅନ୍ତୁ:

ଓଜନ ହ୍ରାସ କରିବା ପାଇଁ ବ୍ୟାୟାମର ସମୟ କିମ୍ବା ଗତି (Speed) ଅପେକ୍ଷା ଦୂରତା (Distance) ଅଧିକ ଗୁରୁତ୍ୱପୂର୍ଣ୍ଣ। ଆପଣ କେତେ କ୍ଷୀପ୍ର ବେଗରେ ଦୌଡୁଛନ୍ତି ତାହା ଗୌଣ, କିନ୍ତୁ ଆପଣ କେତେ ଦୂର ଅତିକ୍ରମ କରୁଛନ୍ତି ତାହା ହିଁ ଓଜନ କମାଇବାରେ ମୁଖ୍ୟ ଭୂମିକା ଗ୍ରହଣ କରେ।

ସୂଚନା: ଯେଉଁମାନେ ଶାରୀରିକ ଯନ୍ତ୍ରଣା କିମ୍ବା ବୟସାଧିକ୍ୟ କାରଣରୁ ଦୌଡ଼ିବା ପାଇଁ ଅସମର୍ଥ, ସେମାନେ ନିୟମିତ ଚାଲିବା ଉଚିତ। ଚାଲିବା ଦ୍ୱାରା ମଧ୍ୟ ଓଜନ ହ୍ରାସ ହେବା ସହ ହୃଦୟ ସୁସ୍ଥ ରହିଥାଏ।