ଭ୍ୟାକ୍ସିନ୍ ଆସିବା ପରେ ବି ରହିବ କରୋନା ପ୍ରୋଟକଲ
Khabar Odisha:Masks-here-to-stay-even-after-coronavirus-vaccine-is-available-says-ICMR-chief

ନୂଆଦିଲ୍ଲୀ : କରୋନା ମହାମାରୀ ସାରା ବିଶ୍ୱକୁ ଅସ୍ତବ୍ୟସ୍ତ କରି ରଖିଥିବା ବେଳେ କରୋନା ଟୀକା ପାଇଁ ଦେଶ ଦେଶ ମଧ୍ୟରେ ଚାଲିଛି ପ୍ରତିଦ୍ୱନ୍ଦିତା । ବର୍ତମାନ ଭାରତରେ ମଧ୍ୟ ଖୁବ୍ ଶୀଘ୍ର କରୋନା ଟୀକା ଉପଲବ୍ଧ ହେବାକୁ ଥିବା ନେଇ ଚର୍ଚ୍ଚା ହେଉଥିବା ବେଳେ ଏବେବି ଅନେକ ଲୋକ ଟୀକା ଆସିବା ପରେ ସବୁ କରୋନା ପ୍ରୋଟକଲ ମଧ୍ୟ ହଟାଇ ଦିଆଯାଇପାରେ ବୋଲି ଭାବୁଛନ୍ତି।

ହେଲେ ଭ୍ୟାକ୍ସିନ୍ ଆସିବା ପରେ ବି କିଛି ଟା କୋଭିଡ୍ ପ୍ରୋଟକଲ ରହିବ ବୋଲି ସ୍ପଷ୍ଟ କରିଛନ୍ତି ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍‌ଆର)ର ଚିଫ୍ ପ୍ରଫେସର ବଳରାମ ଭାର୍ଗଭ୍ । ନୋଭେଲ୍ କରୋନାଭାଇରସ୍ ମହାମାରୀର ମୁକାବିଲା ପାଇଁ ଅନେକ ସ୍ୱାସ୍ଥ୍ୟ ପ୍ରୋଟୋକଲ୍ ଲଗାଯାଇଛି, ଯାହାକି ଦୀର୍ଘ ସମୟ ପର୍ଯ୍ୟନ୍ତ ରହିବ ଏବଂ କୋଭିଡ୍ -୧୯ ଟିକା ଉପଲବ୍ଧ ହେବା ପରେ ମଧ୍ୟ ଲୋକଙ୍କୁ ମାସ୍କ ପିନ୍ଧିବାକୁ ପଡିବ ।

ମାସ୍କ ଏକ କପଡା ଟିକା ପରି କରୋନା ସଂକ୍ରମଣ ରୋକିବାରେ ଲୋକଙ୍କୁ ସାହାର୍ଯ୍ୟ କରିଆସିଛି । କୋଭିଡ -୧୯ ର ପ୍ରସାର ବନ୍ଦ କରିବାରେ ମାସ୍କର ଅବଦାନକୁ ଅଣଦେଖା କରାଯାଇ ପାରିବ ନାହିଁ । 

କରୋନାକୁ ସମ୍ପୂର୍ଣ୍ଣ ଭାବରେ ପ୍ରତିହତ କରିବା ପାଇଁ କେବଳ ଟିକା ଯଥେଷ୍ଟ ହେବ ନାହିଁ । ତେଣୁ ଟୀକା ଆସିବା ପରେ ବି ଦେଶବାସୀଙ୍କୁ ସ୍ୱାସ୍ଥ୍ୟ ଏବଂ ନିରାପତ୍ତା ପ୍ରୋଟକଲ ମାନିବାକୁ ପଡିବ । 

ବର୍ତମାନ ଭାରତରେ ୫ଟି ଟିକାର ପରୀକ୍ଷଣ ଚାଲିଛି । ଏବଂ ଏମାନେ ମଧ୍ୟ ପର୍ଯ୍ୟାୟ ପରେ ପର୍ଯ୍ୟାୟ ସଫଳତାର ସହିତ ଫଳାଫଳ ଦେଉଥିବାରୁ ଆସନ୍ତା ବର୍ଷ ଜୁଲାଇ ମାସ ସୁଦ୍ଧା ଦେଶର ୩୦ କୋଟି ଲୋକଙ୍କୁ କରୋନା ଭ୍ୟାକ୍ସିନ୍ ଦିଆଯାଇ ସାରିଥିବ ବୋଲି ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍‌ଆର)ର ଚିଫ୍ ପ୍ରଫେସର ବଳରାମ ଭାର୍ଗଭ୍ ସୂଚନା ଦେଇଛନ୍ତି ।

  • Tags:

Subscribe

National International State Sports Entertainment