Chia Seeds: ଚିଆ ସିଡ୍ସରେ ଫାଇବର, ପ୍ରୋଟିନ, ଓମେଗା-୩ ଫ୍ୟାଟି ଏସିଡ୍‌ ଏବଂ ଆଣ୍ଟିଅକ୍ସିଡାଣ୍ଟ ଭରପୂର ପରିମାଣରେ ଥାଏ। ଅନେକ ପୋଷକ ତତ୍ତ୍ୱରେ ଭରପୂର ଏହି ସିଡ୍‌ସ ବା ମଞ୍ଜି ଆପଣଙ୍କ ସ୍ବାସ୍ଥ୍ୟ ପାଇଁ ବହୁତ ଲାଭଦାୟକ। ଏହାର ସବୁଠାରୁ ବଡ଼ ବିଶେଷତ୍ତ୍ୱ ହେଉଛି ଆପଣ ଏହାକୁ ଅନେକ ଉପାୟରେ ଖାଇପାରିବେ। ଏହା ଏକ ପ୍ରାକୃତିକ ପାନୀୟ ଅଟେ ଯାହା ପେଟର ଚର୍ବି ଶୀଘ୍ର ହ୍ରାସ କରିବାରେ ସାହାଯ୍ୟ କରିପାରିବ।

ଚିଆ ସିଡ୍ସ ହେଉଛି ଗୋଟିଏ କଳା ରଙ୍ଗର ଛୋଟ ମଞ୍ଜି, ଯାହା "ସାଲଭିଆ ହିସ୍ପାନିକା" ନାମକ ଏକ ଗଛରୁ ଆସିଛି । ଏଗୁଡ଼ିକ ପ୍ରୋଟିନ ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର। ପାଣିରେ ବୁଡ଼ାଇଲେ, ଏଗୁଡ଼ିକ ଜେଲ୍ ରେ ପରିଣତ ହୋଇଯାଏ ।  ଯାହା ଶରୀରକୁ ଦୀର୍ଘ ସମୟ ପର୍ଯ୍ୟନ୍ତ ପୂର୍ଣ୍ଣ ଅନୁଭବ କରାଏ।

ଚିଆ ସିଡ୍ସର ପାଣି କିପରି ପ୍ରସ୍ତୁତ କରିବେ?

• ଗୋଟିଏ ଗ୍ଲାସ ଉଷୁମ ପାଣି ନିଅନ୍ତୁ।
•  ଏଥିରେ ୧ ଚାମଚ ଚିଆ ସିଡ୍ସ ମିଶାନ୍ତୁ।
•  ଏହାକୁ ରାତିସାରା ଭିଜାଇ ରଖିବା ଆବଶ୍ୟକ।
•  ଆପଣ ଏଥିରେ ଲେମ୍ବୁ ରସ କିମ୍ବା କିଛି ମହୁ ମିଶାଇ ପାରିବେ।
•  ଏହା ପରେ ଆପଣ ସକାଳେ ଖାଲି ପେଟରେ ଏହାକୁ ପିଇପାରିବେ।

 ଚିଆ ସିଡ୍ସର ପାଣି ପେଟର ଚର୍ବି କମାଇବାରେ କିପରି ସାହାଯ୍ୟ କରେ?

•  ଚିଆ ସିଡ୍ସରେ ଉଚ୍ଚ ଫାଇବର ଥାଏ ଯାହା ପେଟକୁ ଦୀର୍ଘ ସମୟ ପର୍ଯ୍ୟନ୍ତ ପୂର୍ଣ୍ଣ ରଖେ ଏବଂ ବାରମ୍ବାର ଖାଇବା ଅଭ୍ୟାସକୁ ରୋକେ।
•  ଏଥିରେ ଥିବା ଫାଇବର ପାଚନ ପ୍ରଣାଳୀକୁ ଉନ୍ନତ କରିଥାଏ, ଯାହା ଗ୍ୟାସ୍, ବଦହଜମୀ ଏବଂ ପେଟ ଫୁଲିବା ସମସ୍ୟାକୁ ରୋକିଥାଏ।
•  ଚିଆ ସିଡ୍ସ ଶରୀରର ମେଟାବୋଲିଜିମ୍ ବୃଦ୍ଧି କରେ, ଯାହା କ୍ୟାଲୋରୀକୁ ଶୀଘ୍ର ନଷ୍ଟ କରିବାରେ ସାହାଯ୍ୟ କରେ।
•  ଓମେଗା-୩ ଫ୍ୟାଟି ଏସିଡ୍ ଶରୀରରେ ଚର୍ବି ଜମା ହେବାର ପ୍ରକ୍ରିୟାକୁ ଧୀର କରିଦିଏ।
•  ସକାଳେ ଖାଲି ପେଟରେ ଚିଆ ସିଡ୍ସ ପାଣି ପିଇଲେ ସବୁଠୁ ପ୍ରଭାବଶାଳୀ ହୋଇଥାଏ ।
•  ଦିନକୁ ଥରେ ଏହାକୁ ନିୟମିତ ପିଇଲେ ସ୍ପଷ୍ଟ ପାର୍ଥକ୍ୟ ଦେଖାଯିବ।