health Tips: ଆଣ୍ଠୁ ଏବଂ ପାଦରେ ଯନ୍ତ୍ରଣା ଏକ ସାଧାରଣ ସମସ୍ୟା, କିନ୍ତୁ କେତେକ ସମୟରେ ଏହା ଶରୀର ଭିତରେ ଚାଲିଥିବା ଏକ ଗମ୍ଭୀର ରୋଗର ଲକ୍ଷଣ ହୋଇପାରେ। ଯଦି ସମୟ ସହିତ ଯନ୍ତ୍ରଣା ବୃଦ୍ଧି ପାଉଛି, ତେବେ ଏହାକୁ ଅଣଦେଖା କରିବା ଉଚିତ୍ ନୁହେଁ। ଆସନ୍ତୁ ଏହାର କାରଣ ଏବଂ ପ୍ରତିକାର ବିଷୟରେ ଜାଣିବା।

ଆଜିକାଲି ସମସ୍ତ ବୟସର ଲୋକମାନେ ଆଣ୍ଠୁ ଏବଂ ପାଦ ଯନ୍ତ୍ରଣା ସମସ୍ୟା ସହିତ ସଂଘର୍ଷ କରୁଛନ୍ତି। ପୂର୍ବରୁ ଏହି ସମସ୍ୟା କେବଳ ବୟସ୍କ ଲୋକଙ୍କଠାରେ ଦେଖାଯାଉଥିଲା, କିନ୍ତୁ ବର୍ତ୍ତମାନ ଏହା ଯୁବପିଢ଼ିଙ୍କ ମଧ୍ୟରେ ମଧ୍ୟ ସାଧାରଣ ହୋଇଯାଉଛି। ଏହି ଯନ୍ତ୍ରଣା କେତେବେଳେ ସାମାନ୍ୟ ହୋଇପାରେ, କିନ୍ତୁ କେତେବେଳେ ଏହା ଏକ ଗମ୍ଭୀର ରୋଗର ଲକ୍ଷଣ ମଧ୍ୟ ହୋଇପାରେ। ଏପରି ପରିସ୍ଥିତିରେ, ଏହାକୁ ଅଣଦେଖା କରିବା ଠିକ୍ ନୁହେଁ। କାରଣ ସମୟ ସହିତ ଏହା ଆପଣଙ୍କୁ ଏକ ବଡ଼ ରୋଗ ଆଡ଼କୁ ନେଇପାରେ।

ତେବେ ଏହାର ଲକ୍ଷଣ ଗୁଡିକ କ’ଣ କ’ଣ

ଅଷ୍ଟିଓଆର୍ଥ୍ରାଇଟିସ୍

ଏହା ଏକ ସାଧାରଣ ରୋଗ ଯାହା ବର୍ଦ୍ଧିତ ବୟସ ସହିତ ହାଡ଼ ସନ୍ଧି ଛିଣ୍ଡିଯିବା ପାଇଁ ହୋଇଥାଏ। ଏଥିରେ ଆଣ୍ଠୁରେ ଯନ୍ତ୍ରଣା, ଫୁଲା ଏବଂ ଚାଲିବାରେ କଷ୍ଟ ହୁଏ। ଏହି ଯନ୍ତ୍ରଣା ଧୀରେ ଧୀରେ ବୃଦ୍ଧି ପାଏ ।

ଆର୍ଥ୍ରାଇଟିସ୍

ଏହା ଏକ ଅଟୋଇମ୍ମ୍ୟୁନ୍ ରୋଗ ଯେଉଁଥିରେ ଶରୀରର ପ୍ରତିରକ୍ଷା ପ୍ରଣାଳୀ ନିଜକୁ ଆକ୍ରମଣ କରେ। ଏଥିରେ ଆଣ୍ଠୁ, ପାଦ ଏବଂ ଅନ୍ୟାନ୍ୟ ସନ୍ଧିରେ ଫୁଲା ଏବଂ ଯନ୍ତ୍ରଣା ହୁଏ। କେତେକ ସମୟରେ ଜ୍ୱର ଏବଂ ଥକ୍କା ମଧ୍ୟ ଅନୁଭୂତ ହୁଏ।

ୟୁରିକ ଏସିଡ୍ ବୃଦ୍ଧି

ଯଦି ଆପଣଙ୍କ ଆଙ୍ଗୁଠି କିମ୍ବା ଆଣ୍ଠୁରେ ହଠାତ୍ ପ୍ରବଳ ଯନ୍ତ୍ରଣା ଏବଂ ଫୁଲା ହୁଏ, ତେବେ ଏହା ୟୁରିକ ଏସିଡ୍ ବୃଦ୍ଧିର ଲକ୍ଷଣ ହୋଇପାରେ। ଏହା ଶରୀରରେ ୟୁରିକ ଏସିଡ୍ ସ୍ଫଟିକ ଜମା ହେବା ଦ୍ୱାରା ହୋଇଥାଏ । ଏହି ଯନ୍ତ୍ରଣା ବହୁତ ତୀବ୍ର ଏବଂ ଅସହ୍ୟ ହୋଇଥାଏ।

ସାୟାଟିକ୍

ଯଦି ଯନ୍ତ୍ରଣା ଅଣ୍ଟାରୁ ଆରମ୍ଭ ହୋଇ ଜଙ୍ଘ, ଆଣ୍ଠୁ ଏବଂ ପାଦକୁ ଯାଏ, ତେବେ ଏହା ସାୟାଟିକ୍ ସ୍ନାୟୁରେ ଚାପର ଲକ୍ଷଣ ହୋଇପାରେ। ବସିବା, ନଇଁବା କିମ୍ବା ଠିଆ ହେବା ସମୟରେ ଏହି ଯନ୍ତ୍ରଣା ବଢ଼ିପାରେ।

ସ୍ନାୟୁ ଦୁର୍ବଳତା କିମ୍ବା ରକ୍ତ ସଞ୍ଚାଳନରେ ବାଧା

ହାଡ଼ ଏବଂ ସନ୍ଧିରେ ଅତ୍ୟଧିକ ଯନ୍ତ୍ରଣା ହେବା। କେତେକ ସମୟରେ ସ୍ନାୟୁ ଟାଣି ହେବା କିମ୍ବା ରକ୍ତ ସଞ୍ଚାଳନ ଅଭାବ ପାଇଁ ମଧ୍ୟ ଗୋଡ଼ରେ ଯନ୍ତ୍ରଣା ହୋଇଥାଏ । ଏହି ସମସ୍ୟା ବିଶେଷକରି ମଧୁମେହ ରୋଗୀଙ୍କଠାରେ ସାଧାରଣ, ଯେଉଁଥିରେ ପାଦରେ ଝିମ୍ ଝିମ୍ କିମ୍ବା ଜ୍ୱଳା ଅନୁଭବ ହୁଏ।

ଭିଟାମିନ୍ ଡି ଏବଂ କ୍ୟାଲସିୟମ୍ ଅଭାବ

ଯଦି ଶରୀରରେ ଭିଟାମିନ୍ ଡି କିମ୍ବା କ୍ୟାଲସିୟମ୍ ପରିମାଣ ହ୍ରାସ ପାଏ, ତେବେ ହାଡ଼ ଦୁର୍ବଳ ହୋଇଯାଏ ଏବଂ ଯନ୍ତ୍ରଣା ଆରମ୍ଭ ହୁଏ। ଦୀର୍ଘ ସମୟ ଧରି ସୂର୍ଯ୍ୟକିରଣ ନ ପାଇବା, ପୁଷ୍ଟିକର ଖାଦ୍ୟ ନ ଖାଇବା ଏହାର କାରଣ ହୋଇପାରେ।

ଯଦି ଯନ୍ତ୍ରଣା ଲଗାତାର ହୋଇଥାଏ, ଫୁଲା ଏବଂ ଚାଲିବାରେ ସମସ୍ୟା , ରାତିରେ ନିଦ ନ ଲାଗିବା କିମ୍ବା ଯନ୍ତ୍ରଣା ସହିତ ଜ୍ୱର, ଓଜନରେ ହ୍ରାସ, ଥକ୍କାପଣ ହେଉଛି, ତେବେ ତୁରନ୍ତ ଡାକ୍ତରଙ୍କୁ ଦେଖା କରନ୍ତୁ। କ୍ଷୀର, ଦହି, ପନିର, ବାଦାମ ଭଳି ଭିଟାମିନ୍ ଡି ଏବଂ କ୍ୟାଲସିୟମ୍ ଯୁକ୍ତ ଖାଦ୍ୟ ଗ୍ରହଣ କରିବା ଏଥିରେ ଲାଭଦାୟକ ହେବ।