Health Tips: ଆମ ଅସ୍ୱସ୍ଥ୍ୟକର ଖାଦ୍ୟପେୟ ଏବଂ ଜୀବନଶୈଳୀ ଆମ ଲିଭର ଉପରେ ବହୁତ ପ୍ରଭାବ ପାକାଏ । ଧୂମ୍ରପାନ କରିବା, ମଦ୍ୟପାନ କରିବା, ବିଳମ୍ବିତ ରାତି ପର୍ଯ୍ୟନ୍ତ ଜାଗ୍ରତ ରହିବା ଭଳି ଅନେକ କାରଣ ପାଇଁ ଲିଭର ଧୀରେ ଧୀରେ କ୍ଷତିଗ୍ରସ୍ତ ହେବା ଆରମ୍ଭ କରେ, ଯାହାକୁ ଆମେ ସମୟ ମଧ୍ୟରେ ଜାଣିପାରୁନାହୁଁ। କିନ୍ତୁ ଏହା ଆରମ୍ଭରୁ ଅନେକ ସଙ୍କେତ ଦେବା ଆରମ୍ଭ କରିଦିଏ, ଯାହାକୁ ଅଧିକାଂଶ ଲୋକ ଅଣଦେଖା କରନ୍ତି। ଏହି ଲକ୍ଷଣଗୁଡ଼ିକୁ ସମୟ ମଧ୍ୟରେ ଚିହ୍ନଟ କରି, ଉପଯୁକ୍ତ ଚିକିତ୍ସା କରାଯାଇପାରିବ, ଯାହା ଗମ୍ଭୀର ସମସ୍ୟାକୁ ରୋକିପାରିବ। ଆସନ୍ତୁ ଜାଣିବା ଲିଭର କ୍ଷତି ହେଲେ ଶରୀର କ’ଣ ସଙ୍କେତ ଦିଏ।

ଲିଭର କ୍ଷତି ହେଲେ କେଉଁ ସଙ୍କେତ ଦେଖାଯାଏ?

ଜଣ୍ଡିସ୍

ଜଣ୍ଡିସ୍ ହେଉଛି ଲିଭର କ୍ଷତିର ସବୁଠାରୁ ସାଧାରଣ ଲକ୍ଷଣ। ଏଥିରେ, ଚର୍ମ, ଆଖିର ଧଳା ଅଂଶ ଏବଂ ନଖ ହଳଦିଆ ପଡ଼ିବାକୁ ଲାଗେ। ଏହା ସେତେବେଳେ ଘଟେ ଯେତେବେଳେ ଲିଭର ବିଲିରୁବିନକୁ ସଠିକ୍ ଭାବରେ ପ୍ରକ୍ରିୟାକରଣ କରିନଥାଏ। ଏଥିପାଇଁ ଶରୀର ହଳଦିଆ ଦେଖାଯିବା ଆରମ୍ଭ କରେ। ପ୍ରାରମ୍ଭରେ ଆଖିରେ ସାମାନ୍ୟ ହଳଦିଆ ରଙ୍ଗ ଦେଖାଯାଏ। ଏହାକୁ ଚିକିତ୍ସା ନକଲେ ଧୀରେ ଧୀରେ ବଢ଼ିବାକୁ ଲାଗେ।

ପେଟରେ ଫୁଲା ଏବଂ ଯନ୍ତ୍ରଣା ହେବା

ଯେତେବେଳେ ଲଭର ନଷ୍ଟ ହୁଏ, ପେଟର ଉପର ଡାହାଣ ଭାଗରେ ଯନ୍ତ୍ରଣା କିମ୍ବା ଭାରୀ ଅନୁଭବ ହୋଇପାରେ। ଯେଉଁଥି ପାଇଁ ପେଟ ଫୁଲିଯାଏ।

ଥକାପଣ ଏବଂ ଦୁର୍ବଳତା

ଯେତେବେଳେ ଲିଭର ସମସ୍ୟା ଦେଖାଯାଏ ସେତେବେଳେ ଶରୀରରେ ବିଷାକ୍ତ ପଦାର୍ଥ ଜମା ହେବା ଆରମ୍ଭ ହୋଇଥାଏ । ଯାହା ପାଇଁ ନିରନ୍ତର ଥକାପଣ ଏବଂ ଦୁର୍ବଳତା ଅନୁଭବ ହୋଇଥାଏ । କିଛି କର୍ମ ନକରି ଶରୀରରେ ଶକ୍ତି କମିଯିବା ଏବଂ ଦୁର୍ବଳତା ଅନୁଭବ କରିବା ଆଦି ଲକ୍ଷଣ ଲିଭର ଖରାପ ହେବାର ସଙ୍କେତ ।

ଚର୍ମରେ ଫୋଡ଼ା ଚିହ୍ନ ହୋଇଯିବା ଏବଂ କୁଣ୍ଡାଇ ହେବା  

ଯେତେବେଳେ ଲିଭର ଠିକ୍ ଭାବରେ କାର୍ଯ୍ୟ କରେ ନାହିଁ, ରକ୍ତରେ ପିତ୍ତ ଜମା ହୁଏ, ଯାହାଦ୍ୱାରା ଚର୍ମ କୁଣ୍ଡାଇ ହୁଏ, ଏବଂ କେତେକ ସମୟରେ ଚର୍ମରେ ଫୋଡ଼ା ଏବଂ ଜାଲ ପରି ଚିହ୍ନ ଦେଖାଯାଏ।

ପାଚନ ସମସ୍ୟା

ଲିଭର କ୍ଷତିଗ୍ରସ୍ତ ହେଲେ ପାଚନ ପ୍ରଣାଳୀ ପ୍ରଭାବିତ ହୁଏ। ବାନ୍ତି, ଭୋକ ନ ଲାଗିବା, ଓଜନ ହ୍ରାସ ଏବଂ ବାରମ୍ବାର ଝାଡ଼ା କିମ୍ବା କୋଷ୍ଠକାଠିନ୍ୟର ସମସ୍ୟା ହୋଇପାରେ। କିଛି କ୍ଷେତ୍ରରେ, ମଳରେ ରକ୍ତ ମଧ୍ୟ ପଡେ । ଯଦି ଏହି ଲକ୍ଷଣଗୁଡ଼ିକ ଦେଖାଯାଏ, ତେବେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରିବା ଉଚିତ୍।