ନୂଆଦିଲ୍ଲୀ: ବିଗ୍ ବସ୍ ବିଜେତା ତଥା ଷ୍ଟାଣ୍ଡ୍ ଅପ୍ କମେଡ଼ିଆନ୍ ମୁନ୍ନବର ଫାରୁକିଙ୍କ ଜୀବନ ପ୍ରତି ରହିଛି ବିପଦ । ଏକ କାର୍ଯ୍ୟକ୍ରମରେ ଯୋଗ ଦେଇଥିବାବେଳେ ତାଙ୍କୁ ଧମକଚମକ ଦିଆଯାଇଥିବା ଅଭିଯୋଗ ହୋଇଛି । ନୂଆଦିଲ୍ଲୀରେ ତାଙ୍କୁ ଏହି ଧମକ ମୁଳିଛି । ଏ ନେଇ ଦିଲ୍ଲୀ ପୋଲିସ ତରଫରୁ ତାଙ୍କର ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି । 

ମୁନ୍ନବର ଏବଂ ଏଲବିସ୍ ଯାଦବ ଦିଲ୍ଲୀରେ ଏକ ପ୍ରୋଗ୍ରାମ ଯୋଗଦେବା ପାଇଁ ଯାଇଥିଲେ । ଆଇଜିଆଇ ଷ୍ଟେଡିୟମରେ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଖେଳିବାକୁ ଯାଇଥିଲେ । ଦୁଇ ଜଣ ସେଠାରେ ହୋଟେଲ ସୂର୍ଯ୍ୟରେ ରହିଥିଲେ । ତାଙ୍କୁ ଗୁଳି କରାଯିବ ବୋଲି ହୋଟେଲକୁ ଧମକ ପୂର୍ଣ୍ଣ କଲ୍ ଆସିଥିଲା । ଏ ନେଇ ପୁଲିସକୁ ସୂଚନା ଦିଆଯାଇଥିଲା । ପୁଲସି ଷ୍ଟାଡିୟମରେ ପହଁଚି କିଛି ସମୟ ପାଇଁ ଖେଳକୁ ସ୍ଥଗିତ ରଖିଥିଲେ । ପୁଲିସ ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା ଯାଞ୍ଚ କରିବା ପରେ ପୁନର୍ବାର ଖେଳ ଆରମ୍ଭ ହୋଇଥିଲା । 

ସେପ୍ଟେମ୍ବର ୧୩ରୁ ୨୨ ତାରିଖ ଯାଏ ଆଇଜିଆଇ ଷ୍ଟେଡିୟମରେ ବନ୍ଧୁତ୍ୱପୂର୍ଣ୍ଣ ଟୁର୍ଣ୍ଣାମେଣ୍ଟ ଖେଳାଯାଉଛି । ଏଥିରେ ବିଭିନ୍ନ ୟୁଟ୍ୟୁବର ସେଲିବ୍ରେଟିମାନେ ଯୋଗ ଦେଇଥିଲେ । ଯେଉଁଥିରେ ମୁନ୍ନବର ଏବଂ ଏଲବିସ୍ ଯାଦବ ଯୋଗ ଦେବାକୁ ଯାଇଥିଲେ ।