ମୁମ୍ବାଇ: ନୂଆବର୍ଷ ଆରମ୍ଭରୁ ଦର୍ଶକ ଅପେକ୍ଷା କରି ରହିଥିବା ଫିଲ୍ମ 'ଗେମ୍ ଚେଞ୍ଜର' ଶୁକ୍ରବାର ସିନେମା ହଲଗୁଡ଼ିକରେ ମୁକ୍ତିଲାଭ କରିଛି । ରୋବର୍ଟ ସିନେମା ନିର୍ଦ୍ଦେଶକ ଶଙ୍କରଙ୍କର ଦ୍ୱାରା ନିର୍ଦ୍ଦେଶିତ ସାଉଥ ସୁପରଷ୍ଟାର ରାମ ଚରଣ ଏବଂ ବଲିଉଡ୍ ଅଭିନେନ୍ତ୍ରୀ କିଆରା ଆଡ଼ଭାଣୀଙ୍କ ଦମଦାର ଅଭିନୟ ଦେଖିବାକୁ ମିଳିଛି । ପ୍ରଥମ ଦିନରେ ହିଁ ଫିଲ୍ମ ପ୍ରଶଂସା ସାଉଁଟିଛି । ବିଶିଷ୍ଟ ବିଶ୍ଳେଷକ ମନୋବାଲା ବିଜୟବାଲନ 'ଗେମ୍ ଚେଞ୍ଜର' କୁ କ୍ୟାର'କ୍ୟାରିୟର ଚେଞ୍ଜର୍' ବୋଲି କହିଛନ୍ତି । ସେ ତାଙ୍କ ସୋସିଆଲ୍ ମିଡ଼ିଆ ଆକାଉଣ୍ଟରେ ଫିଲ୍ମକୁ ପ୍ରଶଂସା କରିଛନ୍ତି । 

ବିଶ୍ଳେଷକ ମନୋବାଲା ବିଜୟବାଲନ ତାଙ୍କ ପୋଷ୍ଟରେ ଲେଖିଛନ୍ତି, “ଶଙ୍କର ଏକ ଉଲ୍ଲେଖନୀୟ ଚଳଚ୍ଚିତ୍ର ସହିତ ଫେରିଛନ୍ତି । ଏହା ଚମତ୍କାର କାହାଣୀ, ଉତ୍କୃଷ୍ଟ ପ୍ରଦର୍ଶନ ଏବଂ ଶ୍ରେଷ୍ଠ ଟେକ୍ନିକାଲର ମିଶ୍ରଣ ଅଟୋ । 

ତେବେ ନିର୍ଦ୍ଦେଶକ ଶଙ୍କରଙ୍କର ଏହା ପ୍ରଥମ ତେଲୁଗୁ ସିନେମା ଅଟେ । ଏଥିରେ ଉଭୟ ବାପା ଓ ପୁଅ ଚରିତ୍ର ରାମ ଚରଣଙ୍କୁ ଦେଖିବାକୁ ମିଳିଛି । ଦର୍ଶକ ଏହାକୁ ମିଶ୍ରିତ ପ୍ରତିକ୍ରିୟା ଦେଇଛନ୍ତି । ତେବେ ଫିଲ୍ମଟି ଭଲ ବ୍ୟବସାୟ କରିବ ବୋଲି ଦର୍ଶକମାନେ ପ୍ରତିକ୍ରିୟା ଦେଇଛନ୍ତି । ବର୍ତ୍ତମାନ ସିନେମା ହଲରେ ପୁଷ୍ପା-୨ର ଉତ୍ସାହ ଜାରି ରହିଥିବାବେଳେ ଗେମ୍ ଚେଞ୍ଜର୍ ଟକ୍କର ଦେଇ ପାରିବ କି ନାହିଁ ତାହା ଦେଖିବାକୁ ବାକି ରହିଛି । 

ତେବେ ରାମ ଚରଣ ତାଙ୍କର ୧୮ ବର୍ଷର କ୍ୟାରିୟରରେ ମାତ୍ର ୧୪ଟି ସିନେମା କରିଛନ୍ତି । ଯେଉଁଥିରୁ ୯ଟି ହିଟ୍ ହୋଇଥିବାବେଲେ ୫ଟି ଫ୍ଲପ୍ ହୋଇଛି । ତେବେ ଆରଆରଆର ଫିଲ୍ମରେ ରାମ ଚରଣଙ୍କ ଦମଦାର ଅଭିନୟ ଦେଖିବାକୁ ମିଳିଥିଲା ।